ملاذ ولدن بضربو ف الجرس جاهم خالد فتح الباب
خالد: الحلوين كيفكم اتفضلو
لدن: الحمدلله نحن انت كيف
شافتهم يان جرت عليهم اشتقنااا ي جزم وشنو م بتجوني
ملاذ: لو فاتحه تلفونك كان عرفتي
يان: تلفوني بطاريتو كعبه عشان كده مقفول
خالد: استأذن انا ماشي الشغل البيت بيتكم وطلع
يان: والله مشتاقه ليكم وفاقداكم
ملاذ: م اكتر مننا اها احكي لينا العرس كيف معاك ومالك مبهدله كده لا حنه لا دخان
يان: اا كويس م بطال كسلانه بس م اكتر
لدن: اهاا واضح الكسل المهم انك مبسوطه
يان: رايكم شنو نحضر فيلم ح اعمل بوشار وانتو اختاروا الفيلم جهزوا وقعدوا كلهم ف الكنبه جات لقطه لدن انفعلت ومسكت يان من ايدها
يان صرخت اااي
لدن: مالك ايدك فيها شنو
يان: لا ولا شي بس شكلي نمت غلط
لدن: رفعت ليها كم التيشيرت لقت ف كدمات ع ايدها وف وشها بدت تزح ف شعرها لقت ف رقبتها برضو
بضربك صاح؟؟
يان: لالا ياخخ عويره انتي
ملاذ: عويره انتي البتكذبي عليناا احكي لينا ولا م واثقه فينا بقيتي
يان: بقت تبكي وحكت ليهم ب البحصل معاها
لدن: الواطي ده وعامل فيها بحبك قدامنا انتي اصلا وافقتي بيه ليه ممكن اعرف
يان: لو م وافقت يوسف م كان طلع من السجن
ملاذ: علاقه يوسف شنو
يان: ف رقم اتصل لي وقال ل لو اتزوجتي خالد ح ارسل ليك دليل براءه يوسف وفعلا عملت كده والحمدلله يوسف طلع
لدن: يعني انتي قبلتي تعيشي ف الجحيم ده عشان خاطر يوسف
يان: ايوه رغم انو خاني مع رهف
لدن: ومنو القال ليك انو يوسف كان بخونك ؟!
يان: من الصور الجاتني ف تلفوني ولما شفتهم ف المطعم ماسك ايدها
لدن: فاهمه غلط انتي وحكت ليها قصه رهف وميدو
يان: كيف يعني ده كلام شنو انا م قادره اصدق ميدو يعمل فيني كده ويوسف ليه م قال لي
لدن: كان م معانا دليل كافي ولما واجهنا ميدو واعترف كان يوسف ماشي يجيبو يوم حددوا العرس بس حصل الحصل
يان: انا حياتي اتدمرت بسببهم وخسرت الانسان البحبو للأبد 💔😭
ملاذ: م تبكي كلو ل خير اهدي
يان: المهم هسي م ف زول يعرف ب قصتي مع خالد اوعدوني
لدن: انتي مجنونه
يان: عشاني عليكم الله
لدن: طيب بس صدقيني ح تموتي معاه
قضوا معاها اليوم وطلعو منها المسا خالد جا
خالد: شكلك اتبسطتي الليله
يان: بهمك ف شنو انت
خالد: بحب اشوفك مبسوطه
يان: واضح ودخلت غرفتها قفلتها وبقت تتذكر ف الحصل وتبكي قامت اتوضت وصلت قعدت ف المصلايه تدعي انو تصحى تلقى الحصل ده كلو كابوس
" ف اوقات م ينفع نعمل فيها حاجه غير نرفع ايدينا ل السماء ونقول ي رب"
لدن اتصلت ل يزن المسا
يزن: اها عرفتي حاجه
لدن: ااممم كويسه م ف شي حاصل
يزن: متاكده
لدن: ايوه
..
يوسف ف الشركه طلب السكرتيره سالم لسه م نزل شغل
السكرتيره : اتصلت عليه قال تعبان شويه عيان
يوسف: لا حوله طيب انا بعد الدوام يخلص ح امشي اتطمن عليه اتفضلي انتي ...
يوسف خلص شغل وطلع ع بيت سالم ضرب الجرس فتحت بتو الصغيره
يوسف: ي حلوه ده بيت سالم
البت: ايوه بابا جوه اتفضل
يوسف دخل لقى سالم متسطح ف الصالون لما شاف يوسف عايز يقوم
يوسف: خليك خليك الف سلامه عليك اجر وعافيه
سالم: الله يسلمك وتعبت نفسك ليه
يوسف: تعب شنو انت اخوي والبنوته دي اسمها منو
سالم: الغلباويه دي نور
يوسف :قعد شويه انا استأذن بعد كده بما اني اتطمنت عليك
سالم:بدري اتغدا معانا
يوسف: مره تانيه ان شاء الله
سالم: دقيقه اوصلك الباب
يوسف: لا ارتاح انت انا بمشي براي يلا ي نور باي وخلي بالك من بابا وطلع
اول م طلع شاف يان قدامو اتخلع كانت ملامحها باهته وكأنها ميته م يان الزمان المن تشوفها تضحك
يان بقت تعاين ليه ودموعها نازله كان نفسها تجري عليه وتحضنو وتبكي وتعاتبوو فضلو يعاينو ل بعض خالد شافهم من الشباك جا طالع
خالد: حبيبي لسه واقفه انتي مش كنتي ماشه السوبر ماركت
يان: اااا انا
خالد: شكلك تعبانه ادخلي البيت وانا بمشي بعدين
يان: طط طيب
يوسف اتحرك ركب عربيتو وهو م مصدق انو شافها
يان وخالد دخلو البيت
خالد: جراها من ايدها واداها كف ده الجابو هنا شنو نزلتي عشان تلاقيهو ي كلبه
يان: لا والله لاقيتو صدفه تحت
خالد: ولسه بضرب فيها بتخونيني انا
يان: افهمني
خالد: تاني م ف طلعه من البيت فاهمه اي حاجه عايزاها انا بجيبها ليك فكاها ودخل غرفتو وهي بتبكي بس
ف يوم يان صحت بليل طلعت من غرفتها سامعه خالد بتكلم ب التلفون
خالد: م عارف ده ظهر من وين الليله تعبي العملتو كلو انو ابعدوا من طريقها ده مستحيل يروح ساي لازم اتصرف م هو م ممكن دخلتو السجن وطلعتو قلت بعد اتزوجها نتخلص منو وهسي بعد اتزوجنا لاحقنا برضو
يان كانت مصدومه من البتسمع فيه اتحركت رجعت ع غرفتها انا لازم اتأكد من الفي بالي ده تاني يوم صحت قاعدين بفطروا
يان: خالد ممكن تلفونك اتصل ع ماما طولت منها وتلفوني انت عارفو م شغال لو ف طريقه صلحو لي معاك
خالد: حاضر انتي تأمري ده التلفون انا ماشي اجهز عشان م اتأخر ع الشغل
يان خلتو مشى بقت تفتش ف التلفون لقت الاتوقعتو صاح عندو برنامج تغيير الصوت اثناء المكالمه كده عرفت انو خالد هو الكان بتصل ليها ومهددها ب الدليل العندو عشان يطلع يوسف
اتصلت ف رقم امها وفصلت طوالي
خالد : م اتصلتي ولا شنو
يان: اتصلت وم ردت لو رجعت ليك قول ليها بتصل ليها لما انت تجي وده تلفوني
خالد: طيب يلا عايزه حاجه
يان: سلامتك حبيبي
خالد استغرب من تعاملها بس قال يمكن فهمت غلطهاا وطلع
...
المسا خالد جا واداها تلفونها
يان: شكرا حبيبي
خالد: العفوو ي جميل رايك شنو نطلع نتعشا برا
يان: موافقه بس خليها ل بكرا عشان اجهز نفسي كويس وانا الليله طبخت
خالد: طيب اتفقنا ح اغير مسافه الاكل يجهز
يان جهزت الاكل اكلو وكل زول مشى غرفتو
مسكت تلفونها اتصلت ع لدن وملاذ مكالمه جماعيه
لدن: حمدلله ع السلامه
يان: الله يسلمك عايزاكم ف موضوع وحكت ليهم السمعتو
ملاذ: طلع حقيير الكلب ده
يان: المهم هسي انا عايزه اعرف القتل ميدو منوو ولازم اوقع خالد وده البحصل ...فهمتو
لدن: طيب تمام بس خلي بالك من نفسك
يان: م تقلقي علي يلا باي
ملاذ: اوك انا بكرا ح اعمل الاتفقنا عليه باي
...
خالد طالع الشغل يان وقفتو بعدين المسا م تتأخر طيب
خالد: اوك تماام خليك جاهزه
يان اتصلت ع ملاذ
يان: خالد طلع يلا اتحركي تعالي
ملاذ: قريبه ليك انا
ملاذ وصلت البيت اتفضلي ده هو يلا زي م قلت ليك بتركب كده
يان: طيب فهمته
ملاذ: طيب بمشي انا بعد كده
....
المسا خالد جا لقى البيت مظلم ومولعه شموع ومجهزه العشاء ويان منتظراه
خالد: اووبا دي شنو الرومانسيه دي كلها
يان: فكرت نبدا صفحه جديده من الليله
خالد: احلى صفحه ح تكون وقرب منها
يان: نسيت العصير ح امشي اجيبو دخلت المطبخ اتصلت ع ملاذ يلا اتصلي ليهو
تلفون خالد برن رد الووو منو معاي
معاك ملاذ اتصلت ف تلفون يان كتير لقيتو مغلق شلت رقمك من يزن لانو كنت عايزاها ف حاجه ضروريه ممكن تديني ليها
خالد: دقيقه بس يان صحبتك ملاذ عايزاك اتصلت لقت تلفونك مغلق
يان: بكون فصل شحن شالت منو التلفون انت امشى غيير مسافه اجيب العصير
خالد : اوك تمام ومشى
.....
عدا بيهم اليوم وكل زول رجع غرفتو
يان كانت فاتحه اللابتوب
خالد جاتو مكالمه
خالد : الامور ماشه تمام والوضع كويس
هي: كويس بس انا لسه اموري مع يوسف م ظبطت وم ح تظبط شكلها
خالد: العملتيهو انتي كمان م شويه ي رهف
رهف: م تنسى انك القتلت ميدو عشان تلبسها ل يوسف وتعرس يان
خالد: م ناسي بس كمان انتي كنتي شريكتي ف الحصل ده كلو بس ف الاخر م اخدتي يوسف
رهف: ح اخدو م تنسى اني رهف النصري باخد العايزاه
يان كانت سامعه ومسجله الكلام ده مصدومه م كانت متوقعه انو خالد يكون هو القتل ميدو وعرف رهف من وين
Back..
يان طلبت من ملاذ تجيب من رامي جهاز تنصت زي الكان عاملينو ل رهف ف تلفونها عشان تعرف خالد بتكلم مع منو وكانت مخططه مع ملاذ انها تتصل ف تلفون خالد ويجيبو ليها عشان تركب الجهاز
Continue..
يان عملت قروب ودخلت لدن وملاذ ورسلت ليهم التسجيل سمعوهو
لدن: اخر زول اتوقعتو يشترك ف حاجه زي دي
ملاذ: معقوله يقتل عشان بس يصل ل العايزو
يان: ده حيوان م بشر
لدن: والبحصل شنو هسي
يان: ح اواجهوو
لدن: لا اوعك زول قتل مره ممكن يقتل تاني م تتهوري
يان: م خايفه منو اناا
ملاذ: يان الله يهديك م تعملي حاجه
طلعت م ردت عليهم
ملاذ: لازم نتصرف قبل يعمل فيها حاجه بس نعمل شنو
لدن: نكلم يوسف هو البقدر يحل الموضوع ده
ملاذ:بس
لدن: م بس ده احسن حل
اتصلت ع يوسف طوالي
يوسف: لدن كيفك
لدن: تمام عايزاك ف موضوع ممكن نتلاقى بكرا
يوسف: طيب تمام
لدن: بتصل ليك بكرا يلا باي
أنت تقرأ
أنقذني_من_الأدمان🚭💊
Mystery / Thrillerالإدمان ده فتره ف حياه كل ولد او بنت وبنعتبرها فتره مراهقه بس عمرو م بكون سبب ف اننا نحكم ع انسان انو كعب لأنو نحن م عارفين هو بعمل كده ليه "وراء كل مدمن قصه " ودي واحده من القصص البتحكي عن واحد من الاسباب دي 💛 انا شخصياً عمري م بحكم ع مدمن انو م...
