يوسف: يزن اهلي م لازم يعرفو ب شي
يزن: ح يخلوك تعمل مكالمه واحده اتصل عليهم طمنهم وقول ليهم انو جاتك سفره شغل فجأه
يوسف: طيب خير
...
ب جهه تانيه يان مشت المستشفى ل خالتها اتطمنت عليها
يان: بابا كنت عايزه اقول ليك انو العقد ح يكون ف زمنو
ابوها: ي بتي ده وقتو هسي؟ خلينا نأجل الموضوع ده شويه ولد خالتك ياداب اتوفى
يان: اتوفى وخلاص وانا كلمت خالد ح يعقد ونمشي بيتنا طوالي
ابوها: لا حوله ولا قوه الا بالله
امها: لاا انتي جنيتي والله انا داخله اشوف اختي بدل اسمع كلام بتك ده
...
ف القسم المحامي جا وعرف التفاصيل دخل ل ملازم جوه وجا طالع
رامي: اها طمنااا حصل شنو
المحامي: م عارف اقول ليكم شنو بس موقفو ضعيف لانو بصماتو ع السكين وح يتعرض ع المحكمه ولوقتها ي يتلقي دليل ي يجي زول يعترف انو هو ارتكب الجريمه
يزن: لازم يكون ف دليل انو يوسف م هو القتل ولوقتها يوسف م لازم يعرف الكلام ده انت لما تشوفو حاول طمنو
المحامي: طيب تمام انا ح امشي هسي
يزن: وانا كمان ح امشي البيت شويه وارجع تاني
يزن طلع مشى البيت لقى يان
يان: الحصل شنو؟!
يزن: حكى ليها القالو المحامي
يان: ح يطلع م تخاف
يزن: وليه متأكده كده
يان: عشان عارفه انو هو م قتل
يزن: بس م ف دليل
يان: انا متأكده ح يطلع وصح يوم الجمعه العقد ف وقتو
يزن: ف الظروف الاحنا فيها دي انتي بتفكري ف العقد دي شنو الانانيه الانتي فيها دي ي شيخه؟!
يان: انت م فاهمني وم ح تفهمني
يزن: وم عايز افهم منك حاجه
يان: طيب ح يجي يوم وتعرف انا بعمل كده ليه
..
يوسف اتصل ع سمر وفكر انو لو قال انو سافر تبع الشغل ابوه معاه ف نفس الشركه ح يعرف ففكر ف حاجه تانيه
سمر: تلفونك مقفول ليه اتصلت ليك كتير
يوسف: عندنا صاحبنا اتوفى وسافرنا البلد نحضر الدفن ونقيف مع اهلو لانو هو الولد الوحيد ل اهلو وهنا الشبكه كعبه عشان كده تلفوني بديك مغلق
سمر: ربنا يرحمو ي رب ماما عايزه تتكلم معاك
امو: ي ولدي قلقت بينا وربنا يرحمو صحبك
يوسف: اميين ي رب وم تقلقي انا كويس
امو: صوتك تعبان كده مالو
يوسف: تعب السفر بس
اشر ليهو العسكري نظام خلاص اقفل
يوسف: طيب انا ح اقفل هسي اشتغل مع الناس ديل وكل م القى طريقه بتصل ليكم
امو: طيب ربنا يغطي عليك ي ولدي
....
عدوا اليومين وجا يوم الجمعه خالد وابو يان ماشين الجامع جا يزن نازل
ابوه:ماشي وين
يزن: ماشي ازور يوسف ف حاجه
ابوه: وعقد اختك؟!
يزن: مش ده قرارك انت وهي اعقدوا براكم انا طالع عن اذنكم طلع وقفل الباب وراهو
ابوه: اسف ي ولدي م عارف الولد ده مالو
خالد: ولا يهمك ي عمي يلا نمشي وطلعو ع الجامع
يان: ف غرفتها ماسكه تلفونها وبتعاين فيه معاها لدن وملاذ
ملاذ: نفسي افهم بس انتي بتعملي كده ليه
لدن: بتزعلي الناس البحبوك كلهم عشان زول م بتحبيه
يان: ده م وقتو الحصل حصل خلاص
شويه واتصل ليها خالد قال ليها مبرووك علينا
يان: الله يبارك فيك
خالد: جاهزه عشان نمشي
يان: شويه كده وح انزل باي
ملاذ: م عارفه اقول ليك مبروك ولا ازعل عليك
يان: ولا شي تلفونها اتصل دقيقه راجعه
هو: مبروك ي عروسه
يان: انا عملت الاتفقنا عليه يلا انت كمان اديني الدليل
هو: م تستعجلي براحه
يان: انجززز م تكتر كلامك
هو: وانا قدر كلامي افتحي الواتس بتاعك وهابي هوني موون ي جميل
يان فتحت الواتس الحمدلله واتصلت ع يزن
يزن: خير ف شنو
يان: رسلت ليك حاجه ف الواتس شوفها
يزن: طيب فتح الواتس لقى فيديو ل يوسف وهو دخل الشقه بفتش ع ميدو ولما لقاه واقع ف الارض وحاول ينقذو
رجع اتصل ع يان انتي جبتي الفيديو ده من وين ؟!
يان: م مهم المهم انو معاك دليل براءه يوسف وزي م قلت ليك انو ح يطلع
يزن: طيب فهميني حاجه
يان: م ف حاجه تفهمها بس خليك عارف انو انا عمري م كنت انانيه وبفكر ف نفسي وقفلت ودعت صحباتها ونزلت تحت ودعت ابوها وامها وطلعت مع خالد ع بيتهم
أنت تقرأ
أنقذني_من_الأدمان🚭💊
غموض / إثارةالإدمان ده فتره ف حياه كل ولد او بنت وبنعتبرها فتره مراهقه بس عمرو م بكون سبب ف اننا نحكم ع انسان انو كعب لأنو نحن م عارفين هو بعمل كده ليه "وراء كل مدمن قصه " ودي واحده من القصص البتحكي عن واحد من الاسباب دي 💛 انا شخصياً عمري م بحكم ع مدمن انو م...
