وصلو الكوشه يان كانت واقفه جنبهم جا يوسف بارك ليهم ومد ايدو ل يان سلمت عليه
يوسف: جيتي متين
يان: لي يومين هناا كيف خالتو وسمر
يوسف: كويسين
سمر: قاطعتهم يااان م مصدقه كده ي جزمه تقطعي اخبارك مننا
يان: معليش بس تاني م بتقطع منكم ان شاء الله
سمر: م مشكله المهم انك كويسه وابقي مره م تجي تحضري عرسي
يان: اكيد ح اجي
سمر: يوسف مرتك دي بتناديك شكلها تعبت من القعده
رامي: صح انتو وين ياسمين
يوسف: ياها قاعده هناك عارف الحمل متعبها قالت ح تجي تسلم عليكم بعد الزحمه دي تخف دقيقه امشي اشوفها
يان: يوسف اتزوج
سمر: ايوه ياسمين اخت مؤيد وهسي حامل ع ولاده
يان: اتصدمت بس دارت الموضوع مبرووك وعقبال عندك
سمر: اتحسست اميين وانتي كمان
ملاذ: اغنيتي البحبها اشتغلت يلا نرقص مشوا كلهم رقصوا مع بعض العرس انتهي وخلصو الجرتق
يان: خلي بالك من اختي فاهم
رامي: وانا م اخوك
يان: انت واقعه ليك م زيهاا
رامي: سسسمح ع قولك
يان: ملاذ خليك ع وعدك ح تزوروني
ملاذ: اكييد
يان: يلا ف أمان الله ودعتهم ورجعت بيت ملاذ شالت حاجاتها ورجعت بيتهم ف غرفتها ماسكه تلفونها فارس اتصل ليها
فارس: كيفك
يان: تمام
فارس: لاقيتيه صح
يان: ايوه واتزوج ومرتو حامل
فارس: مش ده الكنتي عايزاه
يان: بس م كنت متوقعه
فارس: يان هو كان لازم يشوف حياتو م ح ينتظرك العمر كلو وانتي م تبقي انانيه وشوفي حياتك كمان انتي هسي بديتي حياه جديده وشغل جديد ولازم تتجاوزي الماضي بتاعك
يان: معاك حق انا كنت محتاجه ل الكلام ده
فارس: ح تجي متين طيب
يان: بكرا عندي مشوارين مهمات لازم اعملهم وح اقضي يومين مع ماما وبابا وح اجي بعد كده حجزت
فارس: اوك خلي بالك من نفسك ونومي بتكوني تعبانه تصبحي ع خير وقفل
" ف ناس بتجي وقت نحتاج ليها تقول بحسوا بينا"
الصباح يان صحت بدري خلت ناس امها نايمين طلعت ركبت عربيتها واتحركت وصلت ونزلت قدام المقابر دخلت وقفت قدام قبر لدن ويزن بكت طلعت المكتوم جواها السنين الفاتت كلو لما حست نفسها ارتاحت دعت ليهم وقرت قرأن ووعدت نفسها ح تطلع من هنا يان تانيه
طلعت ركبت عربيتها مشت بيت لدن لقت امها وابوها سلمت عليهم واتطمنت ورجعت البيت
ابوها: طلعتي بدري كده ع وين
يان: زرت قبر يزن ولدن واهل لدن
امها: خير م عملتي يلا نفطر
قضت معاهم اليومين وتالت يوم هي ف المطار ودعت اي شي وراها سمعت صوت نداء الرحله ركبت الطياره وصلت لقت فارس منتظرها
فارس: حمدلله ع السلامه
يان: الله يسلمك وين ياسر
فارس: م ف ياسر ف انا وجاي اعرف ردك
يان: ردي ع شنو
فارس: ح تستعبطي يعني
يان: افكر طيب
فارس: عايز رد واحد موافقه ولا لا
يان: اممم موافقه
فارس: اححححلفي وبقى يكورك وافقت ي جماعه اخيرا
يان: ي مجنون فضحتنا
فارس: م ف زول فاهم حاجه هنا
يان: الله يهديك
فارس: انا عارف انو انتي م مقتنعه بس وافقتي عشان تدي نفسك فرصه صدقيني م ح تندمي
يان: ان شاء الله يلا نمشي
وصلها البيت يان فتحت ليهم الباب
عمتو جااات شالتها اشتقت ليك ي شينه ،نزلت منها بابا شوف عمتو بتقول لي شينه
ياسر: شينه هي انتي سمحه زي ماما
سلمى: لقيتيهم كيف
يان: كويسين الحمدلله
ياسر: كويسه انتي
يان: اتطمن كويسه يلا انا تعبانه عايزه ارتاااح
فارس: قبل م تمشي ياسر انا واهلي بكرا جايين نطلب ايد اختك
ياسر: ل منو
فارس: ل ابوي
ياسر: طوالي م عندي مشكله
فارس: ح تستعبط يعني انا كلمتك المهم
يان: وانت مستعجل كده ليه
فارس: عشان ع حسب عاداتنا كسودانين م صاح نطلع وننزل وم بينا اي رابط هو انا الما عايش ف السودان ح اعلمك
ياسر: كلامك صح فعلاً
فارس: عشان كده نعمل خطوبه ولما تحسي نفسك جاهزه ومتقبله انك تكملي حياتك معاي ممكن نتزوج
يان: طيب البتشوفوه يلا انا داخله ارتاح
تاني يوم يان صحت استخارت لقت نفسها مرتاحه اتطمنت شويه
المساء فارس واهلو جوهم طلبو يان ولبسو الدبل اتصلو مكالمه فيديو ل اهل يان
امها: مبرووك حبيبتي كان نفسنا نكون معاك بس انتي عارفه الحاصل
يان: الله يبارك فيك م مشكله الجاي كتير
ابوها: لما العرس يتحدد ح نكون معاك وربنا يتمم ع خير
يان: ان شاء الله حبيبي
امها: فارس خلي بالك منها وم تزعلها وختها ف عيونك بتي دي غاليه
فارس: م تقلقي ي امي بتك دي امانه عندي
ابوها: يلا مع السلامه ف امان الله وقفلو
..
بعد مرور سنه يان ف المستشفى بتصرخ
يان: انا ح اموت ي فارس من الوجع
فارس: اهدي حبيبي قربتي
الدكتور: اهدا ح تقوم ب السلامه بس انت اطلع لينا برا عشان نقدر نولدها
يان: لالا فارس م تطلع خليك معاي مسكتو من قميصو
فارس: خليني ي دكتور عليك الله
الدكتور: طيب بس امشي مع الممرضه دي تديك اللبس المعقم
فارس مشى غير وجاء ويان ماسكه فيه وتصرخ لما سمعوا صوت بكاء طفل
الدكتور: مبرووك جبتي تؤام
يان: م كانت واعيه من اثر البنج
فارس: الحمدلله ي رب الحمدلله
خلصت العمليه طلعوهم الغرفه بعد نص ساعه يان ابتدت تصحى من البنج وكان ياسر وسلمى وامها وابوها واهل فارس قاعدين
يان: ولدي وين
فارس: قصدك ولدنا وبتنا
يان: كيف يعني الدكتور مش قال انا حامل ف ولد
فارس: ايوه بس ربنا اراد تجيبي تؤام زي القمر
يان:الحمدلله ي رب وين هم عايزه اشوفهم 😭😭
فارس: الممرضه جايباهم اهاا جابوهم
يان: ادوها ليهم مسكتهم وهي بتبكي يعني انا بقيت ماما خلاص م مصدقه
فارس: بقيتي ام يزن ولدن
يان: فارس
فارس: م اظن ف اعز منهم ع قلبك عشان كده ح نسمي عليهم
...
بعد خمسه سنين
يان: امسك اولادك ديل خليني اكمل القصه بتاعتي
فارس: اسمهم اولادنا م اولادك
يان: هسي لو كان خليتني ولدتهم ف السودان كانو طلعو عاقلين هسي طلعو زيك
فارس: قصدك شنو انا م عاقل يعني بعدين انا طلبت تولدي هنا عشان ياخدو الجنسيه الامريكيه م كفايه خليتني ااالف ع كعوب رجلي عشان القى دكتور سوداني يولدك
يان: م عارفه هسي هم م بعرفوا يتكلمو سوداني كويس ح يبقوا كفار زي الناس الهنا المهم ناديهم عشان اكمل القصه بتاعتي
فارس: ناداهم بقى يلعب معاهم
يان:
دي قصتي انا يان تقريبا كلكم كنتو متوقعين اني ح اتزوج يوسف وانو يزن ولدن م ح يموتو بس احيانا القدر بخبي لينا حاجات وبفاجئنا صاح انا م اتزوجت يوسف بس عوضني ب فارس المن اتزوجتو ل اليوم م حصل خلاني انوم زعلانه منو ودايما بعتبرني صحبتو م مرتو والحب الاداني ليهو م اظن كنت بحلم القى ربع منو وكفايه اني جبت منو احلى قطعتين يزن ولدن 💛
كده نحن وصلنا ل النهايه القصه عايزاكم تكونو مؤمنين دايما ب عوض ربنا لانو ربنا عواض شديد م بشيل مننا الا عشان يدينا الاحسن💛وما بخلينا نزعل ونتألم الا عشان نفرح فرحه كبيره ف النهايه 💛ومهما واجهنا من صعوبات كسرتنا ووقعتنا ح نقوم ونحن اقوى 💛بس انتو قولو ي رب💛
بقلمي: etho Khalid 💛
أنت تقرأ
أنقذني_من_الأدمان🚭💊
Tajemnica / Thrillerالإدمان ده فتره ف حياه كل ولد او بنت وبنعتبرها فتره مراهقه بس عمرو م بكون سبب ف اننا نحكم ع انسان انو كعب لأنو نحن م عارفين هو بعمل كده ليه "وراء كل مدمن قصه " ودي واحده من القصص البتحكي عن واحد من الاسباب دي 💛 انا شخصياً عمري م بحكم ع مدمن انو م...
