أنقذني_من_الأدمان🚭💊

9

لو سمحت مكتب استاذ يوسف وين ؟؟!
ف الطابق التاني اول مكتب ع يمينك
شكرا..
طلعت لقت السكرتيره برا لو سمحتي استاذ يوسف موجود؟!
ايوه بس حالياً ف اجتماع ممكن تنتظريه هنا لما يطلع تشربي حاجه؟!
لا شكرا تسلمي

Back..
يان اتصلت ع سمر اخت يوسف وسلمت عليها قالت ليها انا ويزن متغالطين ف يوسف اخوك شغال وين ورينا انا فاتحه الاسبيكر ،قالت ليها ف شركه كده .. اووف يعني كلام يزن صاح طيب شكراا باي ،ب كده عرفت مكان شغلوو

Continue..

بقت قاعده ومنتظره لما عدت ساعه اتصلت ليها ملاذ اتأخرتي كده مالك
العربيه قطعت بنزين وانا راجعه وهسي بملأ فيها م ح اتأخر جا يوسف وشافها برجع ليك ي ملاذ وقفلت
يااان؟؟! خير ف شنوو؟! كويسه انتي؟! تعالي ادخلي المكتب دخلت معاه
ف شنو ي بت ؟! مالك؟؟
انت اديني فرصه اتكلم اول ممكن
اسف احكي
مش انت مفترض ح تراجع معانا الليله ؟! ايوه صح بس طلع ل اجتماع فجاه والله
مش كان ممكن تتصل وتقول لينا يدل تخلينا مقلقين عليك كده ؟! انا متصله ليك كتيير
طلع تلفونو لقى اكتر من 70 مكالمه اووف كان سايلنت والله والاجتماع كان طارئ عشان كده م اتصلت ليكم
طيب المهم انك كويس عن اذنك
دقيقه دقيقه انتي جايه هنا عشان تطمني علي بس؟!ايوه
عرفتي عنوان الشركه من وين ؟! م مهم المهم عرفت وخلاص عن اذنك
طيب دقيقه اوصلك ، بعرف الشارع براي باي وطلعت قفلت الباب ونزلت عربيتها دورت وقفت ف السوبر ماركت شالت الحاجات ورجعت
ملاذ : مالك صاره وشك وزهجانه
يان: زهجانه من عمله العربيه بس
كملو الفيلم ورجعو يذاكروا شويه تلفون يان ب يرن بتصمتو وترجع تقرا ملاذ ي تردي ي تقفليه عديل قفلتوو
...
ب هناك يوسف المجنونه دي م بترد ماله وقفلت تلفونها كمان
سمر: بتتكلم براك جنيت
يوسف: شكلي كده والله
سمر: الله يشفيك ختت كبايه العصير وطالعه كده اتذكرت قبيل يزن واختو المجانين اتصلت ل يان قالت بتغالطو ف مكان شغلك ووريتهم
يوسف: فعلا مجانين ابتسم وقال مجنون غيرها م ف
سمر: قلت حاجه
يوسف: لالا يلا عايز ارتاح تعبان انا تصبحي ع خير
...
يان بتتقلب ف السرير هسي انا الوداني شنو وبكل سخافه يقول ل كنت ف اجتماع غلطانه انا المشيت اصلا غبيه ان شاء الله يموت وانا مالي بيه بتفكر لما نامت .
الصباح صحت بدري نزلت المطبخ شربت الشاي وبتقرا ليها ف روايه لما ديل نزلوو استغربو صاحيه بدري قعدوا جنبها وهم ساكتين جرس الباب رن
ملاذ فتحت دكتور يوسف كيفك اتفضل دخل
لدن: خير مالك امس م جيت ؟!
يوسف: طلع ل اجتماع طارئ فجاه
لدن:ايواا ولا يهمك الليله اخر يوم بكرا اول امتحان لينا
يوسف: عشان كده جيت بدري عشان نخلص الماده اها نبدأ
لدن: طيب دقيقه اطلع اجيب الشيتات والدفاتر
ملاذ: وانا ح اجيب العصير ومشو
يوسف: ممكن اعرف ليه م بتردي علي!!
م عايزه تردي طيب انا اسف وم بعيدها ،جرا منها الكتاب
يان: لو سمحت م ف بينا كلام انت هنا عشان تشرح لينا وبس وقامت
رامي جا وقعدوا كلهم يوسف بدا يشرح يان مره تركز ومره تشرد بعيد لما المغرب اذن
الحمدلله خلصنا كده اخدوا راحتكم ونومو كويس والصباح اصحو مع الاذان راجعو شويه وم تقروا قبل الامتحان ب نص ساعه مفهوم
رامي: ان شاء الله وتعبناك معانا
يوسف: تعب شنو تعبكم راحه استأذن انا وطلع
يان طلعت غرفتها وشغلت التلفزيون
ملاذ: شكلها نفيسه قامت
لدن: الله يسترنا تصبحو ع خير انا نعسانه ، وانا كمان نامو وخلوها ماشه وجايه ف الغرفه
...
تلفونها بتصل بتفصل الخط لما اتصل كتير بعت ليها مسج انا واقف برا اطلعي بديك خمسه دقايق لو م طلعتي انا بطلع ليك
بططل سخافه وامشي من هنا
انا كلمتك باقي 4 دقايق
اووف منك م ح انزل
باقي 3 دقايق عاينت ب الشباب شافتو واقف وفتح باب العربيه
باقي دقيقتين نزل وقف جنب الباب
باقي دقيقه وح اضرب الجرس
نازله اصبررر لبست توبها ونزلت عايز شنو مجنون انت ؟! اركبي العربيه وح تعرفي ، م بركب ، طيب انا ح اضرب الجرس ، اووف خلاص ح اركب 😒
اتحرك بيهم ، ماشين وين ، لما نصل ح تعرفي ، احتمال خاطفني هسي ، اخطفك اعمل بيك شنو الا ابيع لسانك الاطول منك ده وقف جنب سوبر ماركت نزل وجا شايل كيس ختاهو ورا واتحرك وقف تاني قدام محل ورد نزل جا راجع رمى حاجه ورا ، اخر مكان وقف فيه قال ليها انزلي ، ب شكلي ده مستحيل انزل مجنون انت ؟ ح تنزلي ولا اتصل ل ناس بيتهم اقول ليهم عارفين بتكم وين هسي ؟! ي الله منك خلاص ح انزل ، فرش فرشه وجاب الكيس وبوكيه الورد اداهو ليها
يوسف: اول شي انا اسف ع الحصل وم. كان قصدي اشغل بالك كده وتاني شي انا م بعرف اعتذر ودي اول مره اعتذر من زول ي ريت تقبلي اعتذاري
يان: اممم افكر
يوسف: م هو م معانا وقت افتحي الكيس ده وم ح تحتاجي تفكري
فتحتو لقت باونتي وشيبس شيتوس كتيير وحلاوه بقره
يان: ي الله عرفت من وين اني بحب الحاجات دي
يوسف: سألت وخلاص زي م انتي سألتي وعرفتي مكان شغلي م مهم عرفت كيف المهم عرفت
يان: ضحكت طيب شكراا وانا م زعلانه خلاص
يوسف: طلع شيت ودفتر بما انو الزعل راح انتي قبيل م كنتي مركزه وانا بشرح عشان كده ح ارجع اشرح ليك بدأ يشرح ليها لما خلص اها فهمتي ؟! ايوه فهمت الوقت اتأخر يلا نرجع
يوسف: طيب تمام اتحرك وشغل اغنيه " انا من صفاك مسحور " وهو بغني معاها وهي سارحه فيه وف ملامحو
اتلفت ليها وصلنا يلا انزلي ونزل معاها
يان: نسيت م شلت المفتاح اووف
يوسف: كنت عارف ح يحصل كده جا يزن فتح الباب استلم امانتك بعد كده
يزن: ان شاء الله نجحت العمليه
يوسف: الحمدلله نجحت واتوكل انا بعد كده يلا تصبحو ع خير
..
دخلو البيت يزن فهمني الحاصل ده
يزن: ي ستي كل الحصل يوسف قال انك قبيل كنتي م مركزه وتعبانه وانو لازم يعيد ليك الشرح فبس اتفقنا ع اننا نطلعك برا ونغير مزاجك
يان: شكراا انا بحبكم شديد اقصد بحبك شديد يلا تصبح ع خير وطلعت غرفتها وهي مبسوطه جاها مسج
" ما عاش البزعلك وان شاء الله تاني م ح ازعلك مني تصبحي ع خير" فرحت ونامت ع كده
..
صحت الاذان وصحتهم كلهم ودقت الباب ل رامي صحى ونزلو صلو وبدوا يراجعو ل الساعه 7 بعدها طلعو غيروا ملابسهم ونزلو شربوا الشاي وطلعو ع الجامعه الامتحان كان باقي ليه 5 دقايق جاها مسج "ركزي كويس موفقه" بتقرا فيه وبتبسم
ملاذ: نفيسه ماتت شكلها
لدن: الله يرحمها
يان:الامتحان ح يبدا يلا ادخلوو
...
الامتحان خلص وطلعو براجعوو قاطعهم يوسف اها اشتغلتو كيف؟!
يان: جا ظابط شديد والله
رامي: اشتغلنا كويس كلو بفضلك
يوسف: الحمدلله طيب امشو البيت اخدو اليوم ده راحه وبكرا بجي اراجع ليكم الماده الجايه تمام يلا عن اذنكم
...
لدن جاها مسج " حبيبي الامتحان كيف"
اتصلت ليه جا حلووو زيك كده 😍 انا عارف صلا انو حبيبتي شاطره وقدرها ح تجو البيت متين ؟! هسي جايين ف شنو ؟ لا م ف حاجه يلا لما تجو باي قفلت ورجعت ليهم
ملاذ: انا ماشه البيت اجيب شيتات نسيتها هناك لدن توصليني؟!
لدن: طيب بوصلك ويان ترجع مع رامي
طلعو وكل زول وصل مكان ماشي ملاذ اخدت حاجاتها تلفونها اتصل
ايوه ي رامي صوتك مالو ؟!
اهدأ يان مالههه ؟؟ كيف يعني نحن جايين هسي
لدن: ف شنو يان كويسه؟
ملاذ: لالا خلينا نطلع بحكي ليك ف العربيه