أنقذني_من_الأدمان🚭💊

24

اخدت نفس طويل حتى ردت
معقوله هنت عليك تسافري وم تكلميني وحتى لما تسافري م تتصلي لي سنتين كاملات
يان: ملاذ
ملاذ: كويس انك لسه متذكره صوتي اثبتي لي انو لدن كانت لامانا سوا بس من ماتت انا انتهيت ب النسبه ليك
يان: والله م كده انا كنت محتاجه ابعد من اي حاجه بتذكرني بيهم عشان اقدر اتجاوز الحصل
ملاذ: تبعدي حتى مني انا ورامي اها واتجاوزتي
يان: الحمدلله غايتو وكيف رامي
ملاذ: اتصلت ليك عشان كده عرسنا انا ورامي بعد شهر م كان نفسي اعزمك كان نفسي انتي التعملي العرس ده بنفسك ي ريت تجي لو عندي باقي معزه عندك
يان: ان شاء الله ح احاول اجي
ملاذ: ان شاء الله يلا اخليك بعد كده باي وقفلت

" احياناً بنحبس نفسنا ف نقطه سوداء بتخلينا ننسى واجباتنا تجاه ناس بحبونا وبنحبهم "

تاني يوم يان مع فريد شغالين كانت شارده طقطق ليها انتي م معاي خالص مالك؟!
يان: تعبانه شويه بس امس م نمت كويس
فريد: طيب امشي اخدي راحتك وبكرا نكمل مشت مكتبها عايزه تشيل شنطتها وتطلع فارس دقه الباب ودخل ممكن ادخل
يان: هو انت دخلت
فارس:ماشه بدري مالك الليله وم ع بعضك كده
يان: م ف شي تعبانه بس
فارس: لا ف شي وح تتحركي من هنا لو م قلتي لي وجرا من الجكت حقها
يان: قلت ليك م ف حاجه وم تلمس الجكت ده تاني
فارس: اسف م قصدي
يان: انا الاسفه م كان قصدي اصرخ فيك بس الجكت ده حق يزن
فارس: ولو يهمك ولا عايزاني م ازعل اقبلي عزومتي
يان: طيب بس ع وين
فارس: انتي امشي وم عليك طلعوا وبقى لافي بيها م خلى مكان م وداها عليه ف النهايه مشى مكان هادي كلو طبيعه ونزلو
يان: المكان ده حلو شديد
فارس: كل م ازهج او انفسن من حاجه بجي اقعد هنا
يان: يعني طلعت بتحس زينا
فارس: ممكن تقولي كده تعالي نقعد قعدوا ،يلا احكي لي مالك وقصتك شنو انتي
يان: بدت تحكي ليه من بدايه حياتها ول اخر حاجه اتصال ملاذ
فارس: انا م مصدق انو ف انسان ب القوه دي ومتحمل الحاجات دي كلها انتي ربنا بحبك شديد عشان كده مقويك بس المحيرني خليتي يوسف كيف
يان: انا كنت متاكده اني ح احتاج زمن طويل عشان اتجاوز صدمه موت لدن ويزن وم بقدر اظلم معاي يوسف اكتر من كده كل مره نكون ح ناخد خطوه تجاه مستقبلنا تحصل حاجه يمكن القدر م كاتبنا لبعض عشان كده انا حررت يوسف من القيود دي وقلت ليه يشوف حياتو هو م اتقبل الموضوع بس يمكن حالياً هو نساني
فارس: عانيتو الاتنين بس كلو ل خير وم معروف احتمال ترجعوا تتلمو تاني
يان: المهم هسي انا م عارفه اعمل شنو ل ملاذ
فارس:تمشي تحضري العرس م تنسي هم وقفوا جنبك كيف وانتي م عملتي ليهم حاجه ل هسي جا الوقت تردي وقفتهم جنبكم
يان: بس
فارس: م بس انتي قلتي جيتي هنا عشان تتجاوزي الحصل يلا لازم ترجعي السودان عشان تثبتي لنفسك انك اتجاوزتي خلاص ، اخوك وصحبتك حاليا مع الارحم مني ومنك واكيد م ح يكونو مبسوطين وهم شايفنك كده
يان: معاك حق انا ح اسافر وح ارجع زي م كنت
فارس: وده المطلوب منك
يان: لا حوله الزمن اتأخر ياسر ح يكون منتظرني
فارس: انا رسلت ليه وكلمتو انك معاي ويلا اوصلك البيت