يوسف ي ولدي سوق براحه
رهف: انا عايزه افهم الحصل شنو لما هي رفضت البت دي مجنونه شكلها
سمر: ده م وقت الكلام ده هسي
رهف: نزلوني ف بيتنا طيب بما انو م ف خطوبه
سمر: استغفر الله بس
يوسف نزلها قدام بيتهم ووصل اهلو
ابوه: ماشي وين ي ولدي
يوسف: شويه وبجي م تقلق
اتحرك وبقى ماشي م عارف هو ماشي وين لما لقى نفسو ف المكان الاتلاقو فيه هو ويان لما خبطتو ب العربيه ضرب الدركسون ب قوه وبقى يصرخ ليه كده انا عملت ليك شنو وهو ببكي
...
ب جانب تاني يان ماسكه تلفونها بتعاين فيه وتبكي عدا اسبوع عليهم يوسف م رجع بيتهم ويان م بتطلع من غرفتها ..
يان جات نازله ولابسه
يزن: ماشه وين اوصلك
يان: ماشه الجامعه عندي محاضرات
ابوها: طيب ي بتي م تفهمينا الحصل شنو
يان: ي ريت م ف زول يفتح معاي الموضوع ده تاني وسيره الاسمو يوسف ده م عايزه اسمعها
امها: الله يهديك بس
طلعت مشت الجامعه لقت شلتها مشت عليهم
يان: م ف زول يسألني من حاجه عشان ورحمه خالد ح امشي اخليكم
ملاذ: ع راحتك يلا نمشي المحاضره دخلو القاعه قعدوا الدكتور بشرح
يان بتتذكر لما يوسف كان واقف مكانو واول مره لاقتو فيها ودموعها نزلت بقت تمسح فيها استأذنت من الدكتور وطلعت ركبت عربيتها واتصلت ع زول ،انا متحركه عليك انت وين وزي م وصيتك عايزه كميه كبيره خلاص اوك انا جنبك ،وصلت سلمتو القروش واخدت الكيس وطلعت ع شقتهم الكانو بتلمو فيها قعدت وطلعت الحاجات وبقت تشم لما بقت ف عالم تاني
...
ب جانب تاني ابوها بتصل م بترد يزن اتصل ع اصحابها اختك دي اتأخرت شديد الليل دخل علينا
يزن: طيب ي ابوي اتصل ع لدن قالت ليه انها طلعت من نص المحاضره وبنتصل ليها م بترد علينا ،خلاص انا ح اطلع افتشها
يان فتحت الباب وجات داخله
امها: كنتي وين قلقتي بينا
يان: كان عندي محاضرات ل وقت متأخر وبعدها لفيت ب العربيه شويه
ابوها: طيب ردي ع تلفونك عشان نتطمن
يان: شكلي نسيتو صامت من وقت كنت ف المحاضره معليش
يزن: اطلعي ع غرفتك ارتاحي شكلو اول يوم ف الجامعه كان متعب
..
يوسف رجع بيتهم كانت حالتو مزريه شعروا كتير وعيونو تحتها سواد ونحيف اتغير نهائي
امو اول م شافتو جرت عليه كنت وين وبتعمل فينا كده مالك الله يسامحك
يوسف: انا كويس ي امي كنت مع واحد صحبي ومن بكرا ح انزل الشغل
سمر: اعمل ليك حاجه تاكلها
يوسف: لا انا تعبان عايز ارتاح بكرا عندي شغل بدري
...
استمرت يان ع الحال ده ما بتحضر محاضرات وتطلع ع الشقه تضرب وترجع البيت المساء ويوسف نزل شغلو اتغير طبعو بقى صعب وم عندو اخلاق وم بتعامل مع زول
"ف كل علاقه حب ف الطرف التالت المليان ب الحسد والحقد والغيره المستعد يعمل اي حاجه عشان يدمر العلاقه دي فإذا الطرفين م كانو واثقين ومؤمنين ب حبهم ل بعض بسهوله ح يتدمر حبهم "
حبيبتي اها انا عملت الاتفقنا عليه ومنتظر اني اجيب اهلي واتقدم ليك
رهف: اصبر شويه هو متين خطوبتهم اتفسخت
هو:ليك شهر بتقولي لي نفس الكلام انا زهجت خلاص
رهف: حبيبي اهلي لسه متأثرين ب حكايه يوسف ويان فما عايزاهم يرفضو
هو: طيب تمام وقفل
رهف: اوووف ده ح يكرهني حياتي شكلو لازم اتحرك بسرعه واخلي يوسف يرتبط بي ب اي طريقه
...
يان اتأخرت المره دي شديد وكترت من الجرعه قامت مخلوعه وهي م قادره تقيف نزلت ساقت العربيه وصلت البيت جات داخله قريب الصبح لقت ابوها وامها ويزن منتظرنها ف الصاله
ابوها: ممكن افهم كنتي وين ي استاذه
يان: اااا انا م قادره تتكلم
ابوها اداها كف رجعتي ل الهباب ده تاني صاح انتي عايزه تصلي ل وين
امها: براحه ع البت ياخخ
يزن: يان تعالي معاي ساقها طلعها غرفتها وهي بس بتبكي ضماها عليهو لما نامت رقدها وغطاها وطلع
...
تاني يوم صحت وهي طالعه ع الجامعه
ابوها: ماشه وين
يان: الجامعه
ابوها: م ف جامعه تاني وجهزي نفسك بعد بكرا خالد جايب اهلو وجاي يتقدم ليك
يان: كيف يعني انا م عايزاهووو
ابوها: انا م باخد رايك انا بكلم فيك وده اخر كلام عندي
يان: وانا م بعرس ب الغصب لو اقتل نفسي
ابوها: اعملي العايزاهو وبرضو بتعرسيهو
طلعت ع غرفتها وهي بتبكي وكسرت اي حاجه ف غرفتها
يزن: ابوي الكلام ده م صاح منك انت عارف هي بتعمل كده ليه
ابوه: عشان كده عايز اعرس ليها يمكن تعقل شويه وم عايز نقاش ف الموضوع ده
...
المساء لدن اتصلت ع يزن وسألتو من يان ليه م جات الجامعه
يزن حكى ليها الحصل كلو
لدن: معقوله يان رجعت تاني وم كلمتنا وكيف ابوك ياخد قرار زي ده
يزن: انا بقيت م فاهم شي والله بس كل البعرفو قبل العرس ده يتم انا لازم اعرف يان رفضت يوسف ليه
لدن: معاك حق وانا كمان ح احاول اعرف وبكرا بجيب ملاذ ونجي ليها
يزن: طيب يلا امشي نومي هسي تصبحي ع خير
لدن: وانت من اهلو
...
الصباح ملاذ ولدن ف بيت يان بدقو ف الباب
ملاذ: افتحي لينا ديل نحن انا ولدن
يان حست نفسها محتاجه ليهم فعلاً فتحت الباب حضنتهم وبقت تبكي شفتو بابا عايز يغصبني ع خالد
ملاذ: اهدي طالما نحن هنا م ف زول بغصبك ع شي م تخافي
لدن: لا حوله ده شنو ي مجنونه كسرتي الغرفه كلها
ملاذ: يلا نرتبها وبعدين نتكلم بدوا يرتبوا ف الغرفه لما خلصو كانو تعبانين نامو شويه
يزن اتصل ع ياسر وحكى ليه كل الحصل
ياسر: ده كلو وم ف زول بتصل يكلمني ب حاجه طيب يان كيف هسي
يزن: م كويسه خالص وم عايزه تحكي لينا اي شي
ياسر: انا لما اجي بتكلم معاها
يزن: اتكلم مع ابوك العايز يعرس ليها ب الغصب ده اول
ياسر: خالد زول كويس واصلا من يوم طلعنا الرحله طلبها من ابوي وهو وافق بس تاني جا يوسف احتمال ده ل خير
يزن: بس م تنسى ف الاول والاخر اختك بتحب يوسف وم ح تعيش سعيده مع الاسمو خالد ده
ياسر: انا راسي جايط م عارف اعمل شنو والله
يزن: ربنا يسهل يلا سلام
...
ملاذ ولدن قعدوا مع يان اليومين ديل عشان يقدروا يصلو ل حاجه ويعرفو هي ليه عملت كده بس م ف فايده م بتتكلم
يزن اتصل ل لدن سألها يان صاحيه ولا نايمه قالت ليه نايمه قال ليها تجي هي وملاذ تحت وفعلا نزلو
يزن: اها وصلتو ل حاجه؟!
ملاذ: كل م نجيب سيره الموضوع تتزهج وتقعد تبكي
يزن: ضرب التربيزه ب ايدو م هو اكيد ف طريقه تانيه
لدن: اهدأ مجنون انت اصبر شويه
ملاذ: ف حاجه م طبيعيه حصلت
لدن: دقيقه يان بتصحى بليل تفتح تلفونها تعاين فيه وتبكي
ملاذ: م فهمت
يزن: قصدك انو التلفون فيه حاجه ؟!
لدن: ايوه ب الضبط لانو حتى هي غيرت الرمز + م بتمسك تلفونها الا بعد نحن ننوم
يزن: كلامك صح احتمال كبير التلفون فيه السبب ف المشكله دي ولو وصلنا ل التلفون وعرفنا السبب كده ح نعرف منو السبب
ملاذ: بس ح نجيب التلفون منها كيف وح نعرف الرمز كيف ؟!
لدن: انا براقبها لما تصحى واشوفها بتفتحو كيف
ملاذ: طيب ح ناخدو كيف من غير م تحس
يزن: بكرا الخطوبه فهي ح تكون معانا تحت خلال الوقت ده لدن ح تطلع تاخد التلفون وتخليه معاها
لدن: طيب اتفقناااا
ملاذ: ان شاء الله ح نعرف
يزن: طيب يلا اطلعو عشان م تصحى تفقدكم
وطلعوا كانت لسه نايمه ،نامو هم كمان
صحت نص الليل ولدن حست بيها لما صحت وشالت تلفونها ورجعت قعدت جنبها شافتها وهي بتفتحو عرفت الرمز
.... لما الصباح جا وبدت تجهيزات الخطوبه والمره دي م عازمين اي زول
المسا وصلو الضيوف كانو بس خالد وامو لانو ابوه متوفي وهو الوحيد ل امو استقبلوهم وقعدوا وبتونسوا
يان ف غرفتها لبست فستان ولفت طرحتها وم عملت اي ميكب كانت ملامحها شاحبه وعيونها واقعه ظاهر فيه التعب
لدن: خليني اعمل ليك حاجه بس تشيل الهالات دي
يان: ف زول بعمل ميكب وهو ماشي ل موتو
ملاذ: اووف منك خلاص ي لدن خليها كده
....
تحت ام خالد : نادوا لينا عروستنا بعد ده
يزن اتصل ل لدن عشان ينزلو جات نازله وقعدت جنب خالد م رفعت عينها عاينت ليه وهو كان مستغرب معقوله دي يان ليه عامله كده
ام خالد: مالك ي بتي عيونك واقعه كده
لدن: ده تعب الجامعه والسهر ي خالتو وهي كانت عيانه الفتره الفاتت دي
ام خالد : لا حوله الف سلامه ي بتي شكلك زي خالد واحد هالكه نفسك ف القرايه ربنا يعينك اها بعد كده نلبس الدبل مدت الخواتم ل يان وخالد
يزن اشر ل لدن نظام اطلعي شيلي التلفون وفعلا طلعت وم ف زول انتبه ليها
خالد مسك ايد يان يلبسها اتخيلتو يوسف لبسها ابتسمت جات تلبسو انتبهت انو ده خالد دمعتها جرت مسحتها وسكتت خالد قال ليها مبروك لينا م ردت الزغاريت كانت باهته وم مسموعه حتى كلمه مبروك م ليها طعم
قعدوا شويه واستأذنو طلعو يان طلعت غرفتها سرعه غيرت ملابسها وجات نازله
ابوها: ماشه وين
يان: مش عملت الفي راسك وخطبت لي يلا تاني م تسألني ماشه وين طلعت وقفلت الباب ب قوه ركبت عربيتها واتحركت اووف نسيت التلفون بس م ف زول عارف الرمز م مشكله وبقت لافه ب العربيه وقفت ف المكان الخبطت فيه يوسف نزلت من عربيتها اتفاجئت ب يوسف قاعد لما شافها وقف وبقى يعاين ليها وف عيونو الف سؤال ليه عملتي كده ؟وانا عملت شنو! بس اكتفى ب دمعه ساخنه جات نازله ع خدوا
يان كانت بتعاين ليه ب نظره استحقار وكره وحب وشوق ف نفس الوقت جمعت قواها ورفعت ليه ايدها ورتو الخاتم
شوفت اتخطبت الخاتم المفترض كان تلبسني ليهو انت الليله لبسني ليهو واحد تاني
يوسف مصدوم م مصدق البتقول فيه
واصلت كلامها انا اتدمرت بسببك كل الامل الاديتني ليهو والسعاده اخدتهم مني ف ثانيه حتى الحب كان كذب وانت كذب واي شي كذب انا عملت ليك شنو عشان تعمل فيني كده ؟! م عندك جواب صح
يوسف: انا عايز اعرف انا عملت شنو ؟ وريني عشان ارتاح
يان: وكمان بتسأل اسأل حبيبه القلب خليها توريك وعايزه تمشي ونسيت اقول ليك الخطبني خالد
ركبت عربيتها واتحركت وهي بتبكي ويوسف لسه مصدوم وبفكر هي قصدها شنو ب كلامها ده استغفر وقعد ف مكانو
...
ب جهه تانيه يزن ولدن وملاذ ف غرفه يزن ومعاهم التلفون فتحوه وبفتشو ف الاستديو م لقو شي فتشو التلفون كلو م ف شي
لدن : اووف طلع م ف اي شي ف التلفون
ملاذ: تعبنا ساي واتأملنا
يزن: الواتس م فتحناه دقيقه جيبي التلفون بقى يشوف ف الدردشات كلها مسجله ب اسامي الا رقم واحد بس م مسجل فتح الدردشه وبقى يقرا من اول لما وصل اخر شي وهو مصدوم من البشوف فيه
لدن: ف شنوو؟! مالك
يزن اداها التلفون هي وملاذ بعاينو وهم مصدومين برضو
لدن: لالا اكيد ف حاجه غلط ف الموضوع
ملاذ: وانا كمان متأكده ف حاجه ورا الموضوع ده
يزن: انا شايف انو نتصل ع يوسف ونفهم الحاصل شنو
لدن: وانا ده رايي كمان
...
يوسف قاعد ف قعدتو اتصل عليه يزن رد ليهو
يزن: انت وين انا لازم اشوفك هسي
يوسف: يان حصل ليها شي؟!
يزن: يان كويسه بس ف حاجه بخصوص موضوعكم
لدن: خليه يجي ف الشقه البنتلم فيها وصف ليهو
يزن: انا ح ارسل ليك موقع تعال لينا هناك
يوسف: طيب متحرك عليكم
طلعو من البيت ع الشقه وشويه ويوسف جا
يوسف: الحاصل شنو؟!
يزن: امسك اعصابك تماام
يوسف: م توترني قول ف شنو ياخخ
يزن: ده تلفون يان وحكى ليهو هم شالوهو كيف فتح ليه الدردشه مع رقم غريب
يوسف بقى مصدوم ومنطط عيونو لالا ده شنوو؟؟ معقووله مسستحيل
أنت تقرأ
أنقذني_من_الأدمان🚭💊
Детектив / Триллерالإدمان ده فتره ف حياه كل ولد او بنت وبنعتبرها فتره مراهقه بس عمرو م بكون سبب ف اننا نحكم ع انسان انو كعب لأنو نحن م عارفين هو بعمل كده ليه "وراء كل مدمن قصه " ودي واحده من القصص البتحكي عن واحد من الاسباب دي 💛 انا شخصياً عمري م بحكم ع مدمن انو م...
