مؤيد: م تتهورو ي يوسف انا كلمتك قبل تجي
يوسف: م عندنا شي نخسروا ضربو بوكس ف وشو
مؤيد: طلع مسدسو لو م وقفتو ح اضرب عليكم
يزن: اعمل العايزو وضرب خالد ف بطنو استلموه التلاته ضرب
مؤيد:حسن جيب القوات سرعه
حسن: جايين عليك لما وصلو خالد كان متهشم تماماً ابعدوا يوسف ويزن وياسر منو وكلبشوه ورفعوه ف العربيه ورهف معاه
مؤيد: عملتو كده ليه ده م كان اتفاقنا
ياسر: لو كنت مكانا كنت ح تعمل اكتر من كده ده لو م قتلتو
مؤيد: مقدر موقفكم انا بس كده بتختوني ف موقف صعب
يوسف: معليش بس ده كان لازم يحصل
مؤيد: ما تخافو ح ياخد عقابو المناسب واتحرك
ياسر: كده نقدر نرتاح اتفشينا فيه كويس
يوسف: لو كان قتلناه كان ارتحنا اكتر بس م مشكله يموت ف السجن
يزن: يلا نمشي ع البيت
..
تاني يوم ف زمن الزياره كلهم ف غرفه يان دقه الباب مؤيد ومعاه حسن
مؤيد: حمدلله ع السلامه
يان: الله يسلمك
مؤيد: انا الرائد مؤيد الماسك القضيه دي اخدت من الدكتور اذن انو حالتك كويسه واقدر اخد اقوالك
ياسر: يان ح تقدري تحكي
يان:ايوه
مؤيد: طيب عايزك تحكي لي من بدايه الحادث واتهجم عليك كيف وكان بضربك من زمان
يان: ابتدت تحكي ودموعها نازله
مؤيد: كده كفايه واسف لو ضغطته عليك بس كان لازم اخد اقوالك عشان ناخد اجراء قانوني ضد المتهمين
سمر: طيب هم ح يتحاكمو كم سنه
مؤيد: ح ننتظر نطق المحكمه ب الحكم
يوسف: م قصرت معانا م عارف اقول ليك شنو
مؤيد: ده واجبي حسن سجلت اقوالها كلها
حسن: ايوه سعادتك
مؤيد: طيب عن اذنكم ي جماعه وبالشفاء
ياسر: دقيقه اوصلكم وطلع معاهم برا
يوسف: الانسان ده طيب شديد وخدمنا خدمه عمر
يزن: فعلاً والله
ياسر جا داخل: بالمناسبه دي انتي م ناويه تتحسني عشان نطلع من هنا
يوسف: هسي ح تتحسن بعد تشوف ديل الباب فتح
لدن: كويس ده كلو يحصل وم ف زول يكلمنا وانت ي يزن حسابي معاك بعدين
يزن: وانا مالي ف اي مشكله مدخلني
لدن: اسكت مني
ملاذ:زحي لي كده اقعد جنبها انا حمدلله ع السلامه
رامي: الناس كل كم شهر ف رحله برا السودان وانتي كل كم شهر ف المستشفى
يان: انتو زمن الزياره م انتهى عشان المجانين ديل يمشوا
ملاذ: ياداب جينا ولما تطلعي ح نجي نصبها ف بيتكم م ورانا شي
يان: الله يصبرنا وكلهم ضحكو
لدن: يان ابو خالد اتوفى
يان:ربنا يرحمو ي رب متين
لدن: ليهو اسبوع تقريبا
يان: اول م اطلع ح امشي اعزي امو
...
بعد اسبوع يان ح يطلعوها كان معاها يوسف ويزن وسمر ولدن
الدكتور: كده اقدر اقول حمدلله ع السلامه بس ح تتابعي معاي كل شهر لما نتطمن ع الاخر
يان: ان شاء الله
الدكتور: بعد كده تقدروا تطلعو عن اذنكم
يزن: يلا نمشي سندوها هو ولدن وركبوها العربيه وركبو معاها ملاذ ولدن ورا ويوسف وياسر قدام
يان: يزن ممكن نمشي بيت خالد اول اعزي امو
يزن: خليها يوم تاني هسي انتي متين طلعتي
يان: انا كويسه عليك الله خلينا نمشي
يوسف: خليها ع راحتها ي يزن
يزن: طيب واتحرك ع بيت خالد وصلو نزلو وسندو يان ضربو الجرس فتحت ليهم الشغاله فضلتهم ع الصالون
الشغاله: دقيقه انادي ليكم ماما
يان قامت بقت تعاين ف البيت وكانت شايفه خالد ف كل ركن دموعها نزلت قاطعتها ام خالد :شفتي ي يان البيت بقى فاضي كيف
يان: ده قضاء ربنا ادعي ليهم بس
ام خالد:الحمدلله بس انتي بقيتي كيف
يان: الحمدلله بس بدل تقعدي براك هنا تعالي اقعدي معانا
يزن: ايوه ي خالتو القعده براك م كويسه عشانك
لدن: ولو عايزه ممكن تقعدي معاي انا او مع اي واحد فينا
ام خالد: خالد لما صاحبكم اختار صاح م بتقصروا بس انا ح اسافر ل اختي بعد بكرا م بقدر اقعد هنا تاني
يان: المهم تكوني مرتاحه ولو احتجتي ل اي شي اتصلي علينا وم تنسي نحن اولادك كمان
ام خالد: ان شاء الله
يوسف: وانا ح اجي اوصلك المطار
قضو معاها ساعتين وطلعو ع بيتهم
سمر: اتأخرتو مالكم
يوسف: زرنا ام خالد عشان كده
ياسر: احسن م عملتو يلا الاكل جاهز ح يبرد قعدوا كلهم ف الصفره جرس الباب رن كلهم عاينو ل سمر
سمر: عشان انا الصغيره دايما متضهده متين تكبري ي يان وتمسكي مسؤوليه فتح الباب دي
سلمى: برري بتي م بواب دي شغلتك انتي
سمر: بكرا اعرس تاني القو زول يفتح الباب
يوسف: الزول الفي الباب ده ح يرجع
سمر مشت فتحت الباب كان ده مؤيد
مؤيد: حماتي بتحبني من قبل م اشوفها
يزن: لو اتاخرت شويه كان م ح تقول كده
مؤيد: معقوله تعزموني وتاكلو تخلوني
يوسف: ف الاكل م ف مجاملات والله
يان كانت مبسوطه ب اللمه وكل البتحبهم حوليها
أنت تقرأ
أنقذني_من_الأدمان🚭💊
Mystery / Thrillerالإدمان ده فتره ف حياه كل ولد او بنت وبنعتبرها فتره مراهقه بس عمرو م بكون سبب ف اننا نحكم ع انسان انو كعب لأنو نحن م عارفين هو بعمل كده ليه "وراء كل مدمن قصه " ودي واحده من القصص البتحكي عن واحد من الاسباب دي 💛 انا شخصياً عمري م بحكم ع مدمن انو م...
