يوسف: ده مش ميدو ولا انا غلطان
يزن: ميدو يعمل كده م قادر اصدق انا
رامي: بس كيف وليه وهم متين عرفوا بعض
يزن: والله م ارحمو الكلب ده الليله
رامي: اهدأ كده ح تخرب كل العملناه خلونا نمشي هسي عشان نعرف نتصرف كيف اتحركو ع الشقه
...
ب جانب تاني يان اتصلت ع خالد
يان: انت مش كنت عايز العرس خلال الشهر ده انا موافقه
خالد: جد انتي متأكده؟!
يان: ايوه وي ريت لو خلال الاسبوعين ديل
خالد: طيب انا ح اتصل ع ابوك ونحدد يوم
يان: بس عندي شرط م عايزه حفله حنه وم ح نسافر نسكن هنا وتحول شغلك
خالد: طيب موافق
يان: طيب يلا تصبح ع خير قفلت وبقت تتذكر ف يوسف وهو مع رهف بقت تبكي
...
رهف قاعده ف غرفتها انا لازم افكر كيف اتخلص من ميدو ده لانو ح يبوظ لي كل العملتوو بس كيف بعد تفكير لقيتهااا م ف زول غيرو ح يساعدني
" ف ناس بتصل مراحل عاليه من الخبث وم بتفكر ف الحوليها عشان تحقق العايزاه بس دايما لازم تكون فاكر انو انت تريد والله يفعل ما يريد "
خالد اتصل ع ابو يان
خالد: عمي كيفك
ابوها: الحمدلله ي ولدي انت كيف
خالد: بخير كنت عايزك ف موضوع كده انا ويان عايزين العرس خلال الاسبوع ده
ابوها: والله انا م عندي مشكله نعقد وسوق مرتك معاك
خالد: طيب ي عمي ح نجي نجيب ليها كل حاجات العرس بعد بكرا والجمعه نعقد
ابوها: ع بركه الله معاك سلامه
امها: عقد شنو كمان
ابوها: الاولاد متفقين وعايزين العرس سرعه
امها: كيف يعني معقوله بتي الوحيده اعرس ليها كده من غير اي جوطه
ابوها: والله ده رايها وم دام هي رضت ب خالد قولي الحمدلله
امها: الاستعجال ده صدقني ح تندم عليه بعدين
....
يزن: اها ي رامي نحن معانا تسجيلات كافيه ممكن نفضحهم بعد كده
رامي: م دليل كافي لانو عادي ممكن الاصوات تتفبرك نحن ي يكون عندنا تسجيل صوت وصوره ي واحد ف الاتنين ديل يعترف
يوسف: طيب نمشي ل ميدو وناخد التسجيلات دي معانا ونهددوا بيها هو كده ح يخاف وح يعترف خصوصا انو عرف انو رهف بتستغباهوو
يزن: كلامك صح بس نمشي انا ورامي لانو لو عرف انك معانا ح يرفض
رامي: كده صاح بكرا نمشي ليهو
يوسف: طيب يلا نمشي الزمن اتأخر
تاني يوم يان اتصلت مكالمه جماعيه ع لدن وملاذ كلمتهم عشان يجوها لانو جايبين ليها حاجات العرس
لدن: كيف يعني بتهظري انتي صح؟!
يان: لا جاده العرس الاسبوع ده
ملاذ: لالا انتي جنيتي خالص ي بت الناس فكري اول
يان: م محتاجه افكر المهم انا كلمتكم لو عايزين تجوني تعالو لو زعلانين ع يوسف م تجو تمام يلا باي
لدن اتصلت ع يزن ...
لدن: ده شنو البتعمل فيه اختك المجنونه دي
يزن: خير ف شنو ؟!
لدن:م عارف انو عرس اختك الجمعه وبعد بكرا ح يجيبو حاجات العرس
يزن: م عارف شي انا ياداب دخلت البيت م ف زول كلمني ب شي
لدن: طيب اتكلم معاها عشان تعبنا ده م يروح ع الفاضي
يزن: طيب تمام اقفلي هسي
يزن مشى ل غرفه يان لقاها نامت بكرا بتكلم معاها
...
الصباح صحى مشى غرفتها لقاها م ف مشت الجامعه اوووف م بقدر امشي ليها الجامعه هسي لانو مفترض الاقي رامي طيب المساء بتكلم معاها ونزل طلع اتحرك ع رامي ف الشقه
رامي: وشك مالو قالب كده
يزن: عرس يان اتحدد يوم الجمعه
رامي:ويوسف عرف ؟؟
يزن: لا وم تجيب ليهو سيره لازم الليله نخلص موضوع ميدو ده
رامي: المسا نمشي عشان م ف زول ينتبه ليناا
يزن: طيب زاتو ننتظر يوسف يجي
...
ف بيت خالد بتكلم مع اموو
امو:والله ي ولدي انا م عارفه انت مستعجل ع شنو
خالد: ي امي م دام نحن الاتنين عايزين بعض نتأخر ليه طيب
امو: ربنا يتمم ع خير بس
...
المسا جا ويزن ورامي اتحركو ع شقه ميدو وطلعو دقو الجرس شافهم قدامو اتفاجأه انو عرفو ساكن وين كيف
يزن: م ف اتفضلو
ميدو: معقوله بس اتفضلو
رامي:شقتك حلوه مالك م قلت لينا انك م سافرت وقاعد هنا كان جينا اتعطلنا عندك ولا م عايزنا
ميدو: العفوو ياخخ بس طلع لي شغل كده بس انتو عرفتو كيف اني هنا
يزن: العصفوره قالت لينا
رامي: م ح تشربنا حاجه نحن ضيوفك
ميدو: دقيقه بس مشى المطبخ عمل عصير وجا اداهم
يزن: اها لسه م انجزت مع رهف بت عم يوسف
ميدو: ب توتر لالا والله البت دي تقيله طلعت
رامي: معقوله البت دي م تقدر عليها
يزن: م عرفت ب فسخه خطوبه يوسف ويان
ميدو: لا حوله متين ده وليه
رامي: ده نفس السؤال الجايين نسألك ليه
ميدو: وانا ح اعرف من وين
يزن: اسمع ده وانت تعرف طلع تلفونو وشغل ليه التسجيلات من المكالمات ولما اتلاقو اخر مره هو ورهف
بالله انت يطلع منك ده كلوو انت القريب طيب الغريب يعمل شنو م كنت قايلك واطي كده عشان بت تبيع اختك المن دمك ولحمك
ميدو: والله وزه شيطان والله انا جنيت ب البت دي وهي استغلتني وخلتني اعمل كده
رامي: طلعت واطي شديد اخر زول كنت اتوقعوا يعمل كده
يزن: لو م عشان امك كان قتلتك هسي ودفنتك هنا
ميدو: انا مستعد اعمل الانتو عايزنوو بس امي م تعرف بتموت فيها
يزن: طيب كل العليك انا ح اجي اسوقك بيتنا وتعترف ب اي حاجه عملتوها
ميدو: طيب وانا م عندي مشكله اصلا م باقي حاجه اخسرها
رامي: كده تمام يلا ب الاذن
نزلو ركبو عربيتهم
رهف كانت واقفه ب عربيتها وبتراقب ف الداخل والطالع شافت يزن ورامي
رهف: كنت متأكده انو ميدو الغبي ده مستحيل يكون براهو كده عرف بس م مشكله حلكم عندي..
أنت تقرأ
أنقذني_من_الأدمان🚭💊
غموض / إثارةالإدمان ده فتره ف حياه كل ولد او بنت وبنعتبرها فتره مراهقه بس عمرو م بكون سبب ف اننا نحكم ع انسان انو كعب لأنو نحن م عارفين هو بعمل كده ليه "وراء كل مدمن قصه " ودي واحده من القصص البتحكي عن واحد من الاسباب دي 💛 انا شخصياً عمري م بحكم ع مدمن انو م...
