هسي ده الجابو شنو ..
دكتورنا كيفك مالك اتأخرت كده ،كان عندي شغل والله ،اتفضل سلم عليهم وقعد
" ايوه ده خالد زاتو 🌝"
يوسف: عن اذنكم
يزن: ماشي وين
يوسف: عايز اركب المعديه
يان: انا كمان عايزه
لدن، ملاذ، سمر ،يزن كلهم قالو عايزين يمشو معاه
ركبو يان كانت مبسوطه لانو دي اول مره تركبها ،الحاجه دي حلوه شديد يلا نتصور سيلفي مع بعض 😍اتصورو كتير
يوسف: كفايه يااه انتي ماشه تفتحي استديو
يان: مفترض تفرحو انكم اتصورتو معاي شخصياً
يوسف: اها ي كيم كاردايشيان
لدن: ما عارفه لو سمحه كنتي عملتي شنو
يزن: ما تشتغلي بيهم تعالي نتصور انا وانتي
سمر: وانا عايزه اتصور معاكم
لدن: ممكن نرجع لانو انا تعبت وصدعت
يوسف: طيب خلونا نرجع
...
ب الجهه التانيه ياسر وسلمى وخالد وامه وابوه بتكلمو
اول م ديل وصلو سكتو
...
ملاذ: نلعب صراحه ولا جراءه
يزن: لعبتي دي يلااا
قعدوا كلهم ولفووها وقعت بين يان ولدن
يان: اوووبا صراحه ولا جراءه ؟
لدن:صراحه
يان:طيب مخبيه عني حاجه
لدن: اااا حاجه زي شنو يعني ابداً
يان: متأكده ؟!
لدن: اا ايوه
لفوها تاني جات بين ياسر ويان
ياسر: بتحبي؟
يان: ايوووووه
كلهم اتخلعوو ف ردها 😳
مالكم ي جماعه اي بحب اخواني 😹
لفوها وقعت بين رامي وخالد
رامي: اوصف لينا شريكه حياتك
خالد: م مهم هي كيف المهم اكون انا بحبها وح اتحملها بكل طباعها كان بتكلم وهو بعاين ل يان
يزن صفر ليهو اووو ده الحب ولا بلاش يان اتغاظت منو وسكتت
لفوها وقعت بين ملاذ ويوسف واختار جراءه
ملاذ: امممم غني لينااا
يوسف: لالا م بعرف اغني
سلمى: كذاب صوتو حلو والله
ياسر: شهد شاهد من اهلها
يزن: م ف ليك فرقه غني سااي ي ولدنا
يان: لو م غنيت ح يتغير الطلب وح نخليك تعمل حاجه م بتعجبك
يوسف: طيب ح اغني احم احم
" انا من صفاك مسحور بالله انت ملاك ولا من جنان الحور ي ناعس الاجفان "
كلهم بعد انتهي بصفرووو الله عليك ي فنان
يان:اغنيتي المفضله 😍
ملاذ: انا كمان المفضله🌝😹
ابوهم: الزمن اتاخر ي شباب بكرا عندنا شغل وانتو عندكم امتحانات يلا نمشي
خالد: انا ح اودعكم لانو بكرا مسافر
يان اتبسطت انو نسى الموضوع وقالت ليه تصل بالسلامه
ودعوهو كلهم واتحركوو
....
يان مركبه سماعتها وبتسمع وسارحه بعيد ملاذ جرت منها السماعه لقتها بتسمع ف يوسف بغني
سجلتيها ي مجنونه ، ايوه صوتو حلو ياخخخ ، اممم زيو كده اسمعي اسمعي احسن ليك
وصلو من التعب كلهم نامو
لدن تلفونها برن ردت وهي مغمضه عايز شنو
يزن: انزلي لي تحت ف المطبخ
لدن: انت مجنون م نازله
يزن: لو م نزلتي انا ح اطلع ح اديك دقيقتين وقفل فيها الخط
لدن: اووف من المجنون ده لبست توبها ونزلت ،مالك ياخخ
يزن: مالك انتي زعلانه ممكن افهم
لدن: ازعل من شنو يعني
يزن: لو عارف م كان سألتك
لدن: م ف شي
يزن: ل اخر مره بسألك مالك
بقت تبكي
ي بت مالك هسي اسكتي هسي بتصحي ناس البيت انا اسف حقك علي والله عليك الله م تبكي م بقدر اشوف دموعك دي اطلبي مني اي حاجه بعملها
يان: ضربتو ف كتفو عاجباك يعني لما بتتونس معاها وبتضحك
يزن: هي منوو
يان: الزفته الكنت واقف معاها قبيل
يزن: قصدك سمر هسي ده المزعلك يعني ،والله هي زي يان واحد بعتبرها م اكتر بعدين دقيقه دقيقه انت بتغيري ؟؟
يان: اي بغييير ع الناس البحبهم اقصد ع اصحابي
يزن: وانا م يهون علي انك تغيري ع البتحبيهم اقصد اصحابك
ضحكت ،ايوه من قبيل وين الضحكه دي
عايزه تمشي كده طلعت من المطبخ رسل ليها مسج فيه " بحبك ي غيوره"
اتلفتت ليه قلت شنوو ؟؟
بحبببك سمعتيها ولا اعيدها تاني ؟!
انت بتقول كده عشان تراضيني بس صاح؟!
لا وربنا بحبك من شفتك بحب الطفله الجواك وضحكتك وهبالتك وغيرتك
م ح تقوليها لي؟!
لااااا ولا تحححلم وطلعت ليه لسانها
مسكها من ايدها لو م قلتيها من هنا م ح تمشي .. ياخخ بططل هسي ناس البيت بصحوو ..ابيييت ... طيب بحبك .. اووف اخيراً
قاطعهم صوت اخيراً قالها قالها قال احبك قالهااا
الاتنين ياان😳
ايوه يان ي جزم 😏 بتحبو من وراي
لالا م كده ،هسسس انا اصلا عارفه انكم بتحبو بعض قبل انتو تعرفو وحكت ليهم ب العملتو
يزن: يعني انتي الرسلتي الفيديو ي .
يان: ي شنو كمل عشان ارسل الفيديو ل الاسره كلها
لدن: تعملي فيني انا كده كويس ي جزمه
يان: المهم اني نجحت ف المهمه عقبال اعرس ليكم ومشت حضنت كل واحد فيهم وفرحت ليهم شديد
طلعو غرفهم لدن ويزن ل الصباح م نامو من الفرحه الكانت فيهم ،يان ركبت سماعتها وشغلت يوسف لما نامت
الصباح يوسف جا عشان يشرح ليهم قاعدين كلهم لدن كانت بتتثآب
يوسف: كنتي مساهره شكلك
جا يزن ماري شايل العصير
يان: اي كانت بتقيم الليل وضحكت
يزن: اتفضلو العصير وصرر ليها
...
عدا بيهم الاسبوع والامتحانات باقي ليها كم يوم وف نفس الوقت تجهيزات عرس ياسر ومفترض يودو الشيله بعد كده جهزوا نفسهم وطلعو ع بيت العروس يان وصحباتها م خلو اغنيه طايره م غنوها لما وصلو حسهم رايح
الشباب نزلو الحاجات والجوطه والنسوان بزغرتو جابو ليهم العصير ف طفله كده حلاتها يان نادتها سالتها اسمك منو ؟ اسيل ، اسمك حلو ززيك ،تعالي اقعدي جنبي وبقت تتونس معاها ونست الناس القاعدين شربتها العصير واكلتها الكيك
انتي هنا ي اسيل من قبيل بفتش فيك وده شنو وسختي خالتو كده
يان: لالا عادي بتك حلوه شديد ربنا يحفظهااا وكييوته ما شاء الله وباستها
تسلمي بس غلباويه شديد شوفيها وسختك كيف
يان: هسي بمشي اغسل وصفي ل الحمام وين
وصفت ليها باست اسيل ومشت لقت الحمام فيه زول لقت بت سألتها ف حمام تاني؟! ايوه وصفت ليها مشت غسلت اووف فستاني بقى لين الا انشفو وشعري خرب لازم اصلحو طلعت دخلت اقرب غرفه جنبها شغلت المكيف والمروحه عشان يجف الفستان وبقت تصلح ف شعرها وبتغني
فجأه جا زول طلع من الحمام بجفف ف شعرو
شافتو بقت تصرخ حرامي هو زاتو اتخلع معاها قفل ليها خشمها هسس ف زمتك ف حرامي بدخل الحمام ياخد دوش هو جاي يسرق ولا يستحمى خيالك المريض ده فكاها
اسسفه ياخخ بس اتخلعت وانت بتعمل شنو هنا
ح اكون جاي اسرق يعني دي غرفتي ي استاذه
اممم اسفه بس كنت عايزه اجفف فستاني
ولا يهمك عادي اخدي راحتك اصلا انا طالع مشى ع الدولاب يتعطر وهي بتلف ف شعرها مسك ف الحلق وبتحاول تفك فيهو زح ايدها وبفك فيهو وريحه عطرو كانت ماليه المكان وضربات قلبها زايده غمضت عيونها
خلصنا يلا عن اذنك طلع وقفل الباب ختت ايدها ف قلبها ده شنو حاسه قلبي ح يطلع من مكانوو قعدت شويه ونزلت تحت قعدت وهي بتفتش عليه ب عيونها بس قاعد مع الرجال ف الصالون
ملاذ: كنتي وين
يان: وسخت فستاني ومشيت نضفتو
اخدو قعدتهم وطلعو ولما اتحركو م شافتو ركبت سماعتها لما وصلو
دخلت غرفتها وهي سارحه وقلبها لسه بدق ،لدن بتنادي فيها وهي ولا هنا
ملاذ ضربتها ف كتفها هيي سارحه وين ؟؟
يان: ابدا م ف شي بس م مصدقه انو خالد ح يتزوج خلاص
لدن: وعقبالنا ي رب
ملاذ: انتي ومنوو ؟!
يان: هي ويزن ي ستي
ملاذ: ليه م قلتو لي ي جزم كويس
يان: اقعدي احكي ليك وحكت ليها ماتت من الضحك
ملاذ: اخيرا بوره واحده فينا اتفكت عقبالنا انا وانتي
يان: بورتك كانت ح تتفك بس انتي عامله فيها تقيله
لدن: خليها لما يضيع من ايدها
ملاذ: يضيع كيف
لدن: ح تجي واحده زي سمر وتخطفو منك وح تندمي ع تقلك ده
ملاذ: انا م تقيله بس خايفه انا م ناقصه اتكسر كفايه البعملوه اهلي فيني
يان: وهو م ح يكسرك لانو عارف وضعك وهو مكسور اكتر منك حاولي قربي منو واديه فرصه
ملاذ: ان شاء الله يلا ننوم بكرا دكتور يوسف ح يجينا بدري لانو اخر يومين قبل الامتحانات لازم ننجز
يان اول م سمعت اسم يوسف ابتسمت واتذكرت الحصل قبيل
ملاذ طقطقت ليها ب اصابعها سرحتي وين تاني
يان: لا م ف شي يلا تصبحو خير ونامو
...
الصباح نزلو تحت شربو الشاي وفطروا يوسف اتأخر اتصلت عليه يان م برد رجعت اتصلت ليه كتير م برد ابتدت تقلق وانو يكون حاصل معاه شي
قالت ليهم م برد شكلو م جاي اررح نحضر لينا فيلم طلعو فوق وقعدوا وهي لسه بتحاول م برد
انا طالعه السوبر ماركت عايزين حاجه ؟!
ملاذ: امشي معاك
يان: لا بمشي سرعه وبجي
لدن: جيبي ل شيبس وملاذ كمان
يان: طيب يلا ونزلت ركبت عربيتها واتحركت وهي سايقه اتصلت ع زول
كيفك ...طيب تمام شكرا باي
بعد نص ساعه من اللف وصلت مكان وبقت متردده بين تنزل وما تنزل
اووف ده شنو البعمل فيه ده بعد تفكير نص ساعه نزلت ودخلت هسي انا امشي ع وين شافت الريسبشن مشت عليه
لو سمحت مكتب
أنت تقرأ
أنقذني_من_الأدمان🚭💊
Misteri / Thrillerالإدمان ده فتره ف حياه كل ولد او بنت وبنعتبرها فتره مراهقه بس عمرو م بكون سبب ف اننا نحكم ع انسان انو كعب لأنو نحن م عارفين هو بعمل كده ليه "وراء كل مدمن قصه " ودي واحده من القصص البتحكي عن واحد من الاسباب دي 💛 انا شخصياً عمري م بحكم ع مدمن انو م...
