هو:معاك خالد
خالد مين؟؟
هو:دكتور خالد العالجك ف المستشفى
ايوه عرفتك خير ف حاجه !؟
هو: لالا خير م ف حاجه بس كنت عايز اتطمن عليك
انا بخير شكراً
هو: بما انو اتطمنت ما اكتر عليك يلا مع السلامه
بااي
ما اهتمت ل الموضوع جا مسج من ياسر :بكرا ح نطلع نفطر برا انا وانتي ويزن تصبحي ع خير
اتبسطت بالموضوع ونامت عشان تصحى بدري
ب جهه تانيه قاعد خالد تلفونو برن
خالد: امي كيفك
الحمدلله بخير انت كيفك
خالد: بخير لو انتي بخير
صوتك م عاجبني ف شنو احكي لي
خالد: لالا م ف شي
طيب انت مش خلصت شغلك قاعد لهسي بتعمل ف شنو ممكن افهم
خالد: والله انا كمان م عارف المقعدني شنو بس م قادر ارجع وانا.. سكت
كمل وانت شنو
خالد: لالا م ف شي خلال الاسبوع ده بكون معاك ان شاء الله انا تعبان عايز انوم تصبحي ع خير
تمام وانت بخير
....
يان صحت الصباح بدري صلت الصبح لأول مره بما انهم قرروا يبدوا حياه جديده مع اصحابها
دخلت غرفه ياسر انت لسه نايم قوم ياخخخ ،ي بت الساعه كم هسي م ف مطعم بكون فاتح جنيتي ، انت قوم بس ح امشي اصحي يزن القاك لبست فاهم ،ماشه ع غرفه يزن كان بجوط ب اعلى صوتو
انا مش قلت ليك م تتصلي علي تاني ؟ وانتي الاخترتي طريقك بعيد مني انتي حالياٌ متزوجه احترمي الحاجه دي وقفل الخط ..
يان فتحت الباب ودخلت صباح الخير الحمدلله لقيتك صاحي
يزن: عايز انوم هسي
نعممم م ف نوم مش اتفقنا اننا ح نطلع نفطر سوا 😒
خلاص هسي بجهز ،تمام منتظراكم تحت
نزلت تحت اتصلت ع لدن ، لدن حبيبتي😍 مصحياني من النوم عشان تقولي ل كده ، انجزي عايزه شنو
م عايزه منك شي بس عازماك ع الفطور برا ، بسم الله انتي كويسه شكلو الحادث الحصل معاك اثر ع مخك 😳 انا كويسه وم تخليني اغير رايي البسي احلى حاجه عندك واتظبطي ح ارسل ليك اللوكيشن خلال نص ساعه تكوني معاي وقفلت فيها الخط
ياسر جا نازل وبعدو يزن اها نمشي !؟
طلعو كلهم ومشو بيت خطيبه ياسر طلعت معاهم
يان: مرت اخوي السسسمحه ،هسي ف زمتك العجبك فيهو شنو لا خلقه لا اخلاق
ياسر: اجيبهم من وين وانا اخوك انتي
يزن: ده طير جبهتك احسن تسكتي
سلمى: عرفتي عجبني فيه شنو كده
يان: اي عرفت والله يعينك عليه
وصلو المطعم وقعدوا بعد عشره دقايق يان شافت لدن داخله ،دقيقه ي جماعه دي صحبتي لدن الجابها هنا شنو اشرت ليها جات
لدن: صباح الخير شباب
يان: صدفه عجيبه مالك م قلتي لي انك طالعه فاطره برا كان طلعنا سوا
لدن: دي ماله دي جنت
يان: المهم بما اننا اتصادفنا تعالي اقعدي معانا
طلبو الاكل وبقو يتونسوا ويضحكو
ياسر: بما انو انتو الاتنين هنا عايزكم تمشو مع سلمى السوق تشتري حاجات لانو انا م بفهم ف حاجات البنات دي
يان: كده يداب انا فهمت العزومه ل شنو ، م عندي مشكله بس لدن م ح تقدر تمشي لانو عندها بحث مفترض تسلمو بكرا م كتبتو فعشان يزن م بحب السوق خليها توصلو ف طريقها
لدن عايزه تتكلم ضربتها ف رجلها ب تحت نظام مشيها
لدن: م عندي مشكله انا 😊
لدن ويزن اتحركو وياسر ويان وسلمى طلعو ع السوق وصلو ولافين ف المحلات صادفو دكتور خالد وهو بشتري ف ملابس
ياسر: دكتور خالد كيفك
الحمدلله تمام وانتو وكيف مريضتنا ان شاء الله ف تحسن ،يان اكتفت ب ابتسامه
ياسر: اتفضل اشرب حاجه لو عندك زمن ،جدا م ف مشكله
مشو محل وطلبو عصير وبتونسوا الا يان ساكته وسارحه بعيد منهم
خالد : شكلك م بتحبي الونسه
ياسر: بالعكس دي م بتسكت بس م عارفها مالها شكلها زهجت من اللف الكتير
يان: انا تعبت نرجع بعد كده
ياسر: باقي حاجات مفترض نستلمهم من الصايغ
يان: انا م بقدر امشي معاكم امشو انتو انا ح اركب تكس ارجع البيت لاني مصدعه
خالد: انا ممكن اوصلك ف طريقي
يان: م عايزه اتعبك بمشي براي
ياسر: خليه يوصلك ع الاقل بكون متطمن عليك
يان: طيب نقوم يلا !؟
طلعو وهم ف العربيه ف حاله صمت شغل اغنيه it's you
الاغنيه دي انا بحبها جداا كانت اغنيه خالد المف.. سكتت
خالد:وانا كمان بحبها جداً طلع عندنا ذوق مشترك
اممم
سكتو لما وصلو وهي نازله كان يوسف قدام بيتهم شايل حاجات لما شافهم ملامحو اتحولت تلقائيا
دكتور يوسف كيفك
الحمدلله بقيتي كيف
بخيير ف احسن حال
دي حاجات موصيني عليها ياسر قال ادخلها غرفتو ممكن توصفيها لي
طيب دقيقه ح اساعدك فيهم
ده كلو وخالد واقف لسه م مشى طلع راسو ب الشباك اجي اساعدكم
يوسف: م ف داعي بنقدر عليهم تقدر تمشي شكرا
يان استغربت من ردوا بس قالت يستاهل لانو مسيخ شالو الحاجات ووصلوهم الغرفه ونزلو
دقيقه اجيب ليك حاجه تشربها
م ف داعي
احسن ليك ده عصير من ايدي فما تفوت اللحظه دي عليك
ضحك طيب ي ستي ،عملت العصير وجابتو ليه شرب
اها رايك شنو؟؟
اممم م بطال
والله 😒
لا لا حلو شديد م تزعلي نفسك
اي كده اعدل كلامك
طيب استأذن انا وشكرا ع العصير
" وكم اعشق ملامحها الطفوليه وغضبها الذي يجعلني ابتسم كم هي طفله بريئه "
طلعت ع غرفه يزن لقتو مشغل موسيقى وبتبسم ساي
احم احم ، جيتي متين انت ، لو انت فاضي كان عرفت ، مبسوط كده مالك ؟؟ ابدا بس عشان طلعت معاكم ، امم واضح ... وطلعت
دخلت غرفتها اتصلت ع لدن
ده شنو العملتيه ده ي بت
يان: بحكي ليك بس اول شي احكي لي حصل شنو من ركبتو ف العربيه لحدي م وصلتيه سسسرعه
لدن: عادي اتونسنا وسمعنا اغاني وطلع ظريف وحبوب وشافع شديد
يان: زي اختووو وحكت ليها انها سمعتو بتكلم مع واحده وكده
لدن: هي مش اتزوجت م تخليهو ف حالو متخلفه دي ولا شنو
يان: ما تنفعلي حبيبتي زعلانه كده مالك
لدن: البزعلني شنو كمان
يان: ولا شي حبيبتي وضحكت قفلت
"الخطه ماشه كويس وقريباً ح اعرس ل اخوي التاني 😌"
عدا بيهم اليوم وتاني يوم وهي ف الجامعه شافت دكتور يوسف عند الخاله البقعدو عندها
صباح الخير دكتور
يوسف:صباح النور اتفضلي اقعدي اها كيف مع الدراسه والسنه قربت تخلص امتحاناتكم باقي ليها اسبوعين
يان: والله ي دكتور اكذب عليك م قاعده اقرا لانو انا م كنت متابعه من بدايه السنه انت عارف فخايفه شديد
يوسف:م تخافي انا ممكن اساعدك
يان: كيف؟؟!
يوسف: الايام دي انا بداوم مسا ف الشركه فممكن الفتره الصباحيه دي اشرح ليك ولو شلتك معاك كمان م عندي مشكله
يان: م عارفه اشكرك كيف 😍
سجل رقمي عندك طيب وانا كمان وب كده حاعرف لما تكون فاضي
اتونسو لما اصحابها جو وسلمو عليه كلمتهم يان ب الحصل وفرحوا شديد بعدها يوسف استأذن ومشى
" وهل ابتسم لي القدر ام يخبئ شيئاً اخر "
لدن تلفونها اتصل بقت تتبسم ومشت بعيد اتكلمت وجات
يان: والله وبقت تجينا مكالمات تخلينا نبتسم ي ملاذ
ملاذ: ف تغيير حاصل بقينا نحب ولا ايه
رامي: شكلنا كده
لدن: م ح ارد عليكم اصلاً فهمكم كلو غلط
خلونا من ده اها ح نعسكر ف بيت منو ل الامتحانات انا شايفه بيت ناس ملاذ لانو فاضي
رامي: انا الضايع فيكم ي جزم
كملو محاضراتهم يان قالت ليهم رايكم شنو نمشي بيتنا نتغدا هناك وكانت بتعاين ل لدن
لدن: اظبطط فككره موافقه
ملاذ ورامي: تمام يلا
اتصلت ل يزن انا والشله جايين ع الغدا ظبط الموضوع
لدن معاكم ؟ م سامعه ؟ لالا م قلت شي ، امم طيب تمام
اتحركو ووصلو سلمو ع بعض وقعدوا كلهم يان كلمت اخوانها ب موضوع المعسكر
يزن: انا شايف تعسكروا هنا
يان: اشمعنا يعني
يزن: ااا عشان رامي يقدر يعسكر معاكم وم تظلموه هنا ف انا وياسر ممكن يقعد معاي ف غرفتي وب كده كلكم ح تقروا سوا
لدن: فكره حلوه
رامي: اخيرا ف زول انصفني
يزن: ومنها ح نراقبكم ونشوف قرايتكم ولو ف شي غلبكم نساعدكم
يان: انا موافقه
ملاذ: وانا موافقه
يان: برضو دكتور يوسف ح يشرح لينا قال
ياسر: طيب م تجيبو لي خطيبتي معاكم اشرح ليها
يان: متجرس شديد كلها تلاته اسابيع وتعرس بططل شفقه 😹
اتونسو وعدا اليوم كلهم مشوا
يان وهي بتعاين ل يزن مالك ي ياسر بتتبسم براك
ياسر: انا كمان م عارف
يان: شكلو ف عرس تاني ف بيتنا ولا شنو
يزن: الزول م يتبسم براهو مالكم
ياسر: السألك منو هسي 😹
يزن: اووف منككم ماشي انوم زاتو
الصباح ف الجامعه الشله كلها مع بعض تلفون يان اتصل
الووو
كيفك
الحمدلله تمام
ف الجامعه ؟!
ايوه
انا برا ممكن تطلعي خمسه دقايق بس
خير ف حاجه ؟
م ح اخد من وقتك كتير
طيب
ملاذ: ده منو المنتظرك برا
يان: ده دكتور خالد
لدن: خير عايز شنو
يان: م عارفه والله امشي اشوف عايز شنو واجي
أنت تقرأ
أنقذني_من_الأدمان🚭💊
Misterio / Suspensoالإدمان ده فتره ف حياه كل ولد او بنت وبنعتبرها فتره مراهقه بس عمرو م بكون سبب ف اننا نحكم ع انسان انو كعب لأنو نحن م عارفين هو بعمل كده ليه "وراء كل مدمن قصه " ودي واحده من القصص البتحكي عن واحد من الاسباب دي 💛 انا شخصياً عمري م بحكم ع مدمن انو م...
