أنقذني_من_الأدمان🚭💊

22

مؤيد:خالد انتحر
ياسر: لا حوله ولا قوه الا بالله
مؤيد: انا ح امشي ولو ف جديد بديكم خبر وطلع
يزن: امم رايككم شنو نحضر فيلم
ياسر: انت مش عرسك كان قبل كم ساعه !؟
يزن: ايوه
يان: والله ي لدن انا ف رايي تطلبي الطلاق من هسي
يزن: خرابه بيوت
لدن: كلامك صاح بس خلونا نحضر فيلم اول
سمر: فوله واتقسمت نصين شبه بعض
امها: ربنا يحفظهم
يان: انا ح اعمل البوشار وانتو جهزوا الفيلم ملاذ وسمر اعملو العصير قامو معاها جهزوا الحاجات وشغلو الفيلم ومندمجين اخر اندماج الفيلم انتهى
يوسف: ي جماعه نمشي بعد كده الصبح زاتو. قرب
امو: اي ي ولدي يلا
ابو يان: بيتو وامشو بكرا بدل تمشو وتاني الصباح تجو ل الجرتق
يوسف: م ف طريقه البيت فاضي وزاتو نغير ملابسنا دي
ابو يان: طيب ي ولدي
يان: خلي معانا سمر طيب
سمر: اي خلوني ابييت مع يان
يوسف: راحتك ي ستي
يوسف: تصبحو ع خير
يزن: خلو بالكم من الشارع
يوسف: ان شاء الله يلا وطلعوا
ياسر: وانتو ع غرفكم بعد ده كفايه سهر
كل زول مشى ع غرفتو سمر وملاذ ف غرفه يان
سمر: امم جاني عريس
يان: احححلفي ده منو
سمر: مؤيد
ملاذ: ي بنت المحظوظه انا كنت منبرشه ب كلوو
يان: الصراحه الولد قطططعه خِلقه واخلاق م فيه كلام
ملاذ: اها وانتي رايك شنو
سمر: قلت ل يوسف الراي رايك
يان: معناها نقوول مبرووك
سمر: عقبالك
يان: لالا انا تاني ح اركز ف قرايتي وبس
ملاذ: ويوسف !؟
يان: م عايزه اظلمو معاي اكتر من كده
سمر: يوسف بحبك وانتي عارفه كده كويس
ملاذ: هو عمل كتير عشانك وتعب وتجي هسي تقولي م عايزه تظلميه هو ف ظلم اكتر من انك تطلعيه من حياتك
يان: م عارفه انا والله بس
سمر: م بس انتي بتحبيه وهو بحبك وده كفايه
ملاذ: صح بعدين هسي لا ف رهف لا ف خالد عشان يخربوا حياتكم
سمر: ح تكونو مبسوطين م ف زول ح يقيف ف طريقكم انتي بس ادي نفسك فرصه
يان: ان شاء الله يلا ننوم بعد كده ورانا شغل كتير الصباح
..
ف بيت يوسف امو جات داخله غرفتو
يوسف: احكي اصلا جيتك م ساي
امو: عايزه اسألك اتكلمت مع يان
يوسف: لا لسه
امو: ومنتظر شنو
يوسف: م جات فرصه مناسبه اتكلم معاها
امو: وم ح تجي لانو لو انت منتظر الفرصه عمرها م ح تجي انت البتفتش الفرصه مش تنتظرها
يوسف: فعلا معاك حق
امو: بكرا ح نمشي بيتهم افتح معاها الموضوع واتلحلح كده
يوسف: كويس ي ست الكل
امو: طيب تصبح ع خير
يوسف: دقيقه نسيت اكلمك سمر جاها عريس
امو: ده منو كمان
يوسف:  مؤيد بتعرفيه
امو: ولد كويس والله وانت بتعرفو اكتر مني
يوسف: كويس شديد عشان كده انا متمسك بيه
امو: ربنا يقدم الفيه الخير ادي ابوك خبر وع بركه الله
يوسف: الصباح بكلمو يلا ح انوم بعد ده
امو: طيب وطلعت
الصباح ف بيت يان بجهزوا ل الجرتق الشباب تحت شغالين ويان وسمر وملاذ ف غرفه يزن مع لدن برتبو ليهم ف الشنط
يان: ح نشتاق ليك ي هبله
لدن: انا معاي يزن م ح اشتاق ليكم تاني
ملاذ: اظهري ع حقيقتك ي واطيه
سمر: بكرا تزهجي وترجعي لينا وقتها م ف واحده ح تعبرك
لدن:  وانا اقدر م اشتاق ليكم
ملاذ: تتراجعي ي كلبه
يان: م اوصيك ع يزن ي لدن عارفه ح تختيه ف عيونك بس م عايزاك تدققي ع تصرفاتو زي م انتي شايفه هو لسه شافع ف تصرفاتو وبتهابل بس شويه شويه ح يحس ب المسؤوليه حاولي م تزهجي منو
لدن:  م تخافي انا حبيتو عشان تصرفاتو دي وعمري م ح ازهج منو وانا متأكده انو يزن م ح يزعلني ولا انا ح ازعلو وحتى لو زعلنا من بعض دقايق والزعل بروح
يان: ربنا يخليكم لبعض ي رب
لدن: ويخليكم لينااا
...
ف عربيه يوسف ماشين بيت يان
يوسف: ي حاج سمر دي متقدم ليها عريس
ابوه: لو ولد ناس وانت بتعرفو ابشر تب
يوسف: بعرفو كويس مؤيد صحبي
ابوه: م فيه كلمه وانا اديت
يوسف: انا ح اكلمو عشان يجيب اهلو ويجي نتعرف عليهم
امو: ان شاء الله
وصلو البيت كلهم كانو قاعدين البنات بجهزوا ف لدن
يوسف مشى ع ياسر ويزن ومؤيد
يوسف: نقول مبروك ل العريس الجديد
يزن:ده منو الطالع بعدي
يوسف: مؤيد ي سيدي
مؤيد: يعني وافقت واهلك وافقو
يوسف: اكيد طبعا انت بتترفض كمان
ياسر: مبرووك
مؤيد: الله يبارك فيك
يوسف: ربناا يتتم ع خير
يزن: عقبالك باقي انت بس
يوسف: ادعي اختك تحن علي
ياسر: وقعتك صعبه انت وضحكو
..
البنات نزلو لدن وقعدوها وجا يزن قعد جنبها جرتقوهم جابو ليهم الحليب اتعولقو بيهو
يوسف جرا يان ب الجنبه
يوسف: اممم ونحن دورنا متين
يان: دورنا ف شنوو
يوسف:ح تستعبطي يعني عرسنا
يان: امم م عارفه
يوسف: م ف حاجه اسمها م عارفه
يان: ده م وقتو هسي خلينا مع يزن
يوسف: لا وقتو وانا عايز اعرف قرارك انتي عايزاني ولا لا
يان: عايزاك بس
يوسف: م بس ولا حاجه مش عايزاني يبقى انا ح افتح الموضوع مع اهلك ونجي نتقدم
يان: اووف منك طيب تمام
يوسف: انتي عارفه اني بحبك ولا م عارفه
يان: م عارفه
يوسف: طيب انا بحبك
يان: عارفه
يوسف: متخلفه خلاص
يان: خليني امشي يلا رجعت وقفت جنب سمر
سمر: مشيتي وين
يان: مع اخوك المعاق ده
سمر: اها اتكلمتو
يان: ايوه وفتح الموضوع
سمر: رايك كان شنو
يان: وافقت طبعا انا اقدر اقول ليه لا
سمر: مبروووك اخيرا ح نفرح بيككم
يزن: خلونا نمشي بعد كده م تفوتو علينا طيارتنا وتخربو لينا عرسنا
ياسر: ي ولد انت مستعجل طبيعي لسه طيارتك باقي ليها ساعتين
يزن: اقضيهم ف المطار اضمن لي
يان: حالتك صعبه ي ود امي 😹
يوسف: طيب انا بوصلكم
يزن: لالا بمشي براي عايز اتونس مع مرتي
يان: تقول ف زول عايز يشيلها منك بسم الله
يزن: م شغال بيكم انا يلا ي لدن نطلع ودعوهم وهم بضحكو
يان: الناس لما بودعوهم بكونو ببكو بس نحن بنودع ديل ونحن بنضحك
سمر: مجانين 😹
دخلو جوه كلهم بتونسوا
ام يان: البيت بقى شين من غيرهم
يان: هو متين مشى غايتو
ياسر: قلب الام حنين
يوسف: بما اننا ملمومين كلنا ح استغل الوضع زي يزن عرسوا لي ي اخوانا
ياسر: انا كمان عرسو لي
سلمى: قول والله
ياسر: الزول م يهظر
يوسف: اها ي ياسر ح تديني اختك ولا اشوف واحده تانيه
ياسر: انا اديتك وامي وابوي ادوك هو نحن م مصدقين ح نرتاح منها
يان: كده ي ياسر كوويس
يوسف: نقرا الفاتحه
قروا الفاتحه والكل ببارك تلفون يان اتصل ردت
يان: كيف يعني انت بتهظر صااح اخوي مستحيل يعمل كده
ياسر: يزن مالو ي يان
يان: ده واحد قال يزن عامل حادث شكلو غلطان بس هو متصل من تلفون يزن بكون ده مقلب عشان يخوفنا عليه م اكتر انا عارفه عوارتو 
ياسر: شال منها التلفون واتكلم مع الزول طيب ماشين اي مستشفى
يان: مستشفى شنو انت صدقتو
ياسر: يان اهدي هم كويسين شويه رضوخ بسيططه خلونا نتحرك ع المستشفى ي جماعه ،طلعو كلهم وصلو المستشفى يوسف مشى الريسبشن ف بت قاعده
يوسف: ف حادث فيه بت وولد جابوهم قبل شويه ودوهم وين
هي: دخلوهم العمليات ف الطابق التاني
يان: عمليات شنو ياسر انت مش قلت هم كويسين
امهم: جيبو لي ولدي ي ياسر
ياسر: صرخ فيهم اهدوا ياخخ م ممكن وطلع ع الطابق التاني لحقوه منتظرين الدكتور يطلع تمت 3 ساعات
يوسف: ح يطلعو منها ان شاء الله
يان: اصلا انا عارفه هم ح يقومو ب السلامه
  الدكتور جا طالع
يان: طمناا ي دكتور كويسين صاح
الدكتور: حاولنا ننقذهم بس اراده ربنا اكبر مننا البركه فيكم ادعو ليهم بس
يان: انت كذاب يزن م بموت ويخليني ولدن صحبتي م بتعملها هم بس عايزين يهظروا معانا ويخوفونا عليهم انا عارفه
الدكتور: اهدي كلنا لهاا
يان:  هم مسافرين طيارتهم باقي ليها نص ساعه امشي ي ياسر صحيهم عشان م تفوتهم ويزن يقول نحن السبب اخرناهم
ياسر: يزن مات خلاص ي يان مات م سمعتي الدكتور قال شنو
يان: كيف تقول ع اخوك مات انت مجنون يزن حي هسي انا بدخل اجيبو ليكم ولدن ح تجي معاه
امهم: يعني خلاص ولدي م ح اشوفو تاني انا لسه م لحقت افرح بيه
يان: م تبكي ولدك قاعد وح تفرحي بيه م ف زول يبكي فاهمين هم م ماتو جيبو لي اخوووي ي ياسر حاول يمسكها وهي بتضرب فيه عايزه يزن ولدن انااا 😭😭😭💔