يان:اهلين دكتور خالد خير ف شنو ؟!!
خالد:كنت عايزك ف موضوع مهم
يان: اتفضل احكي
خالد: ممكن نقعد ف مكان ونتكلم
يان:اسفه م بقدر لانو عندي محاضرات
خالد: م مشكله انا م عارف ابدأ من وين بس
يان: ي ريت تتكلم سرعه لانو محاضرتي باقي ليها عشره دقايق
خالد : من الاخر كده انا بحبك حاولت اتجاوز المشاعر دي بس م قدرت انا مفترض اسافر من بعد اتحسنتي بس قلبي م مخليني اعمل كده انا اتعلقت بيك ف فتره قصيره جداً ونفسي تبقي لي واطلبك من اهلك ومتمني توافقي وما تقولي رايك هسي فكري ب راحتك
يان: عن اذنك محاضرتي ح تبدا ومشت ب سرعه وهي متوتره
...
ملاذ: مالو كان عايز شنو ووشك متغير كده ضايقك ف حاجه !؟
يان: الموضوع اكبر من كده الانسان ده قال بحبني وعايز يتقدم لي
لدن: المززز ده عايزك انتي ي بنت المحظظوظه 😍
رامي: انا الولد منبرش فيه خلي البنات عامل زي الفي الافلام الاجنبيه
ملاذ: اسكتو ياخخ م تشوشو ليها راسها ،انتي عايزاه ؟!
يان: لا طبعا وانا عمري م فكرت ادخل ف علاقه ولا عايزه
ملاذ: عندك سبب مقنع يخليك ترفضيه
يان: لا بس
ملاذ: استخيري اول شي واديهو فرصه اتعرفي عليه لو لقيتي الزول البتتمنيه وافقي لو عكس توقعاتك خليه
يان: م عارفه نشوف الموضوع ده بعدين يلا نلحق المحاضره عشان نرجع البيت دكتور يوسف ح يجينا
خلصو محاضرات ومشو بيت كل واحد اخدو ملابسهم واتحركو ع بيت يان واستاذ يوسف كان بتونس مع ياسر سلمو عليهم وطلعو فوق ارتاحو شويه ونزلو ع الصاله عشان يشرح ليهم
طول الشرح يان كانت سرحانه ويوسف ملاحظ ل الحاجه دي
يوسف: نقيف هنا الليله وبكرا نكمل اخدو راحتكم ،يان م تمشي عايزك
اسف لو بتدخل ف خصوصياتك بس شكلك م تمام فيك حاجه ؟!
يان: ابدا بس تعبانه شويه
يوسف: انسي اني دكتورك اعتبريني صحبك واحكي لي وح اساعدك
يان: صحبتي ملاذ اتقدم ليها واحد وهي م بتعرفو كويس وم عارفه تاخد قرار
يوسف: م ممكن تحكم عليه وترفض وهي م اتعرفت عليه لازم تديه فرصه وف الاخر القرار قرارها وم ف زول ح يجبرها ع شي
يان: امم طيب بقول ليها كده
يوسف: بما انو روقتي خلاص ممكن كبايه عصير زي حق المره الفاتت
يان: شايفاك اتعودت
يوسف: ف زول بشرب عصير من ايدك وم يتعود اقصد العصير طعمو حلو
يان: ططيب دقيقه بعملو ليك
عملتو ليه وشرب
يوسف: اممم م عجبني
يان: م عجبك شنو انت شويه وكنت ح تبلع الكبايه 😹
يوسف: لوف باقي اديني ليه اشربو ف البيت 😹
يان: جادي انت
يوسف: اي والله بدل اخسر قروشي ف المطاعم ساي
يان:سسسسمح
جابت ليه باقي العصير وطلع مشى وهي طلعت غرفتها
ملاذ: شكلك رايقه بركاتك ي شيخ يوسف
يان: انطططمي ،لدن وين انتي!؟
ملاذ: قالت عايزه تشرب مويه م لاقتك تحت
يان: ااا صح اي شفتها " شكلها صحبتي وقعت وما سمت " دقيقه ماشه غرفه يزن وجايه اديني تلفوني من جنبك
ف غرفه يزن ،غرفتك حلوه م قلت لي كنت عايزني ف شنو
يزن: كنت عايز اتونس معاك بس
لدن: تتونس معاي هنا هسي البنات ح يفقدوني انا ح امشي
يزن: دقيقه ياخخ عايز اديك حاجه جاب كيس من الدولاب اتفضلي افتحيه
لدن : وااااي شوكلاتات وشيبس انا بحبكك ياخخ انت احلى يزن ف الدنيا
يزن: قللتتتي شنووو
لدن: اسفه انفعلت شويه عن اذنك وطلعت ع غرفتها
يان: الكيس ده فيهو شنو ؟!
لدن: ب توتر شيبس وشوكلاته جبتهم من السوبر ماركت
يان: طلعتي متين ومالك م كلمتينا
لدن : ااا كان نفسي فيهم بس
يان : امممم ادينا معاك طيب
شغلو ليهم فيلم وبحضروا فيه ل المساء لما جا ناداهم يزن ل العشاء
نزلوو وبتونسو كلهم
ابوها: كيف مع المذاكره ي شباب
رامي: الحمدلله ماشه كويسه
ابوها: شدو حيلكم عشان تجيبو معدلات عاليه
ملاذ: ان شاء الله ي عمو دعواتكم بس
امها:موفقين ان شاء الله
يزن قاعد كده جاهو مسج ف الواتس من رقم غريب فتحو لقاهو فيديو ليهو هو ولدن لما كانت معاه ف الغرفه لما اتشرق
يان: بسم الله مالك هاك اشرب مويه
يزن: شرب المويه ووشو متغير الحمدلله شبعت
يان: هو انت لحقت تاكل حاجه اقعد كمل اكلك
يزن: باكل بعدين اتذكرت ف شغل لازم اعملو وقام ع غرفتو وبفكر ده منو الصورهم معقوله يان م اظن هي وقتها كانت مع دكتور يوسف تحت ، ملاذ لالا م بتعمل كده ،ياسر ورامي كانو برا البيت والرقم ده بتصل فيه مغلق اووووف ياخخ ده منو 🤦🏻♂
أنت تقرأ
أنقذني_من_الأدمان🚭💊
Mystery / Thrillerالإدمان ده فتره ف حياه كل ولد او بنت وبنعتبرها فتره مراهقه بس عمرو م بكون سبب ف اننا نحكم ع انسان انو كعب لأنو نحن م عارفين هو بعمل كده ليه "وراء كل مدمن قصه " ودي واحده من القصص البتحكي عن واحد من الاسباب دي 💛 انا شخصياً عمري م بحكم ع مدمن انو م...
