أنقذني_من_الأدمان🚭💊

23

بعد مرور 3 سنين يان ف غرفه يزن فتحت الدولاب طلعت جكت يزن بتشم فيه قاطعها صوت ياسر
ياسر: انتي هنا وانا بفتش ليك من قبيل يلا نطلع ح نتأخر ع الطياره
يان: كنت بودع ف غرفه يزن م ح اشوفها قريب يلا نمشي لبست الجكت ونزلو
امهم: م اوصيك ع اختك خلي بالك منها
ياسر: م تخافي ي امي انتي بس خلي بالك من نفسك وصحتك
ابوهم: سوق براحه وخلي بالك من الطريق
ياسر: ان شاء الله يلا ي سلمى اطلعو العربيه وانا ح ارفع الشنط
سلمى: طيب
ودعوهم واتحركو ع المطار
يان طول الطريق بتتذكر انو ده نفس الشارع المشو فيه يزن ولدن عشان يلحقو الطياره بس ماتو هنا حاولت تمسك نفسها اخدت نفس عميق ونامت لما وصلو ياسر صحاها نزلو دخلو المطار واتوجهوا ع الطياره المتجهه ع امريكا بعد كم ساعه ف الجو هبطت الطياره نزلو وكان ف صاحب ياسر منتظرهم سلمو عليه ورفع الشنط وصلهم البيت
ياسر: شكرا ي فارس تعبتك معاي
فارس: العفو انت عبيط نحن اخوان وم معنى اني عايش نص عمري هنا ح اكون زي الاجانب ديل المهم اخد راحتك الاسبوع ده حتى تنزل شغل
ياسر: ان شاء الله
فارس: يلا استأذن انا

" فارس سوداني امريكي الجنسيه عايش ف امريكا من عمرو 7 سنين ونسبه لأنو اهلو سودانين بتكلم سوداني كويس عمرو 26 سنه اصغر من ياسر بس عقلو اكبر منو زميل ياسر ف الشغل رغم انو ابوه عندو شركات بس قرر يستغل ب حياتو ويشتغل بعيد عنو ويبني نفسو بنفسو ، هو ولد وسط ولد وبت تؤام واخوه الكبير واختو اصغر منو ، ملامحو اجنبيه بس شايل من سمره السودانين 💛"

بعد اسبوع ياسر نازل الشغل
ياسر: يان من جينا انتي قاعده ف البيت اطلعي اتفرجي ع البلد
يان: م هسي
ياسر: طيب رايك شنو نطلع بعدين نتعشى برا كلنا
سلمى: انا موافقه زهجت من قعده البيت
يان: طيب تمام
ياسر: خليكم جاهزين الساعه 7 يلا انا طالع
..
ف الشركه بعد الدوام
فارس: قبيل م قدرت اعزيك حسيت انو اختك ومرتك لسه متأثرين فما حبيت ازيد عليهم البركه فيكم وربنا يتقبلهم ويصبركم
ياسر: اميين ي رب نحن متصبرين بس يان هي لسه دافنه نفسها معاهم وم قادره تتخطى الموضوع وم عارف اعمل شنو
فارس: طيب م تشوف ليها شغل تشتغل يشغلها شويه
ياسر: م فكرت فيها دي الفكره حلو بس تشتغل شنو
فارس: هي خريجه شنو
ياسر: درست كيمياء حيويه بس بتحب شغل التصميم والديكورات
فارس: كده اتحلت انت ناسي انو فريد اخوي عندو شركه تصاميم صغيره كده ح اكلمو وانت كلمها شوف رايها
ياسر: م عارف اقول ليك شنو والله
فارس : ولا شي ويلا عشان اتأخرنا طلعو كل واحد ع بيتهم
..
ياسر اها جاهزين انا ح ادخل اخد دوش والبس سرعه جهزوا ونزلو وصلو ع المطعم طلبو اكل واثناء م هم بياكلو
ياسر: لدن انا شايف انك تشتغلي بدل تقعدي كده
يان:اشتغل شنو هنا
ياسر: انتي بتحبي التصاميم وعندك 3 لغات وعلاقتك كويسه ب الحاسوب وعندك افكار كتيره يلا اخو فارس صحبي الوصلنا عندو شركه تصاميم وم عندو مشكله تشتغلي معاه
يان: طيب افكر واقول ليك قراري
يان الصغيره: بابا انا عايزه ايسكريم
ياسر: حاضر من عيوني نخلص اكل ونمشي ناكل ايسكريم
يان: يزن كان بحب الايسكريم زيك
يان الصغيره: هو وين ليه م بجينا ي عمتو
يان: مسافر هسي
ياسر: يلا نمشي بعد كده مشو محل ايسكريم اكلو ورجعو البيت نامو
..
ف بيت اهل فارس ،فارس جا داخل دي شنو الريحه دي شكلي جيت ف وقتي
فادي: تقول بتشم ريحه الاكل م بتجي الا ف زمنو
فدوى: امو م تسمعك م بترضى ف ولدها
امهم: سامعاه واحسن تخلو ولدي ف حالو
فريد: اول م يجي بتنسي اننا اولادك طوالي
فارس: انا م عارف زعلانين كده مالكم ام وبتحب ولدها بتحشروا نفسكم بينا ليييه
ابوهم: اتضاربو بعد كده بالله
فارس: ديل اولادك الما عاقلين ديل
ابوهم: ما عاقل غيرك م ف
فارس: شوفي راجلك ده ي حجه
امهم: م تشتغل بيهم اكل يلا بعد خلصو اكل
فارس: فريد عايزك ف موضوع
فريد:اصلا م بتجي الا تكون عايز حاجه تعال نطلع برا طلعو اها احكي
فارس: عندي اخت صحبي ياسر بتعرفو جات امريكا ليها اسبوع فعايزك تشغلها عندك
فريد: عندها شهاده
فارس: لا هي عندها شهاده كيميا حيويه بس خبره ف التصميم
فريد:كده ح اشغلها ع اي اساس
فارس:هي شاطره شديد جربها اسبوع لو نفعت عينها ولو م نفعت اعمل العايزو عليك الله م تخجلني قدام صحبي
فريد: ططيب
فارس: انا اصلا بقول عليك اكتر زول فاهم ف البيت ده
فريد: وقت المصلحه بس صاح ي تافه
..
الصباح رهف صحت صلت وفكرت انو ياسر بحاول يعمل اي شي عشان تطلع من الفيه ده
وهم بفطروا يان : انا موافقه ع الشغل وح امشي معاك هسي
ياسر: احلى خبر خلصي اكل واجهزي
سلمى: تاني ح نقعد برانا ف البيت
ياسر: اتعودوا ع كده تاني
خلصو اكل وطلعو اتصل ع فارس وصف ليه المكان اتحركو ع هناك وصلو سألو من مكتب فريد وطلعو ل السكرتيره قالت ليهم دقيقه اديه خبر جات طالعه اتفضلو
ياسر:فريد كيفك
فريد: نورت ي ياسر
ياسر: بنورك انا متأخر ع الشغل دي يان اختي م ح اشكرها ليك بس شوف شغلها واحكم استأذن انا وح اجي اخدك بعدين
فريد: ح ندخل ف الشغل ع طول ي يان عايزك تعملي لي تصميم ل club قدامك يومين عشان تخلصيه
يان:ممكن تديني 4 ساعات واسلمك ليه
فريد: معقوله ب السرعه دي طيب اتفضلي ضغط الجرس السكرتيره جات وصليها ع مكتبها لو سمحتي
يان: عن اذنك وطلعت ع مكتبها
فريد: دي بتهظر فاكره نفسها ح ترسم حديقه وشجر لما تقول 4 ساعات