الصور دي اتاخدت متين وده انا فعلاً بس رهف كيف ف الصور دي ؟! ودي غرفتي الصور دي حصلت انا م قادر استوعب شي انا الليله ح اقتلها م ح ارحمها
يزن: لالا انت تهدأ خالص طالما الصور دي كانت ف بيتكم حاول تتذكر براحه كده اليوم ده رهف كانت معاكم ف البيت هي جاتكم متين
يوسف: قبل الخطوبه جات وانا ضربتها كف لانو اتكلمت ف يان جات بعد يومين اعتزرت لي وباركت الخطوبه وقعدت معانا ل يوم الخطوبه
يزن: بس معناها الصور دي اتاخدت خلال الفتره دي بس السؤال انت كيف م حسيت عليها؟!
يوسف: دقيقه هي كان يوم جابت ل عصير ف غرفتي وقالت امي عملتو لي دي اخر حاجه بتذكرها تاني صحيت الصباح وجهزنا وجيناكم
لدن: معناها هي عملت ليك حاجه ف العصير بعدها انت م وعيت وجات غرفتك واخدت الصور دي ورسلتها ل يان
ملاذ: بس لاحظو الصور دي م مصوراها هي ف زول تاني معاها اخد الصور دي
يزن: صاح ونحن لازم نعرف هي كان معاها منو بس حاليا نحن لازم نعرف الرقم ده حق منو وموقعو وين
ملاذ: رامي هو البقدر يساعدنا لانو دي شغلتوو دقيقه بتصل عليه يجي
يوسف: كان م مصدق البسمع فيهو ده ومخلوع
قاطعهم تلفون لدن بتصل ردت لقتها دي يان متصله من رقم امها
يان: وين انتو جيت لقيتكم م ف
لدن: اا نحن طلعنا نفتش عليك لأنك اتأخرتي ونسيتي تلفونك ف البيت وهسي قطعنا بنزين بنملا فيه
يان: اجيكم ؟؟
لدن: لالا قربنا نملأ
يان: طيب صح تلفوني وين
لدن: اخدتو ف شنطتي قلت لو لقيناك نديك ليهو بس ح نجي ع البيت هسي
يان: طيب تمام منتظراكم
..
يزن:ان شاء الله م حست ع حاجه؟!
لدن: لالا اطمن
ملاذ: رامي جاي علينا قريب
شويه ورامي وصل وهو شايل اللابتوب حكو ليه الحاصل كلو شال التلفون وبقى شغال فيه بعد ربع ساعه انا عرفت المكان الفيه صاحب الرقم وده عنوانو بس انا شايف اننا حالياً م نمشي ليه لانو رهف ح تعرف وب كده ح تاخد احتياطاتها
يزن: كلامك صح
رامي: نحن لازم نوقعهم الاتنين مع بعض ويكون عندنا دليل قوي تجاهمم الاتنين
لدن: طيب البحصل شنو هسي
رامي: الحل عند يوسف
يوسف: م فهمت
رامي: رهف عملت كده عشان هي بتحبك صاح؟! يبقى انت الوحيد الممكن توقعها
يوسف: وضح اكتر
رامي: م عليك الا توقعها وتوهمها انك عايزها وتخليها تصدق وب كده هي ح تحس انو انتصرت ف الوقت ده نحن ح نوقع بينها وبين الزول المتفقه معاه
يوسف: كده انا فهمت المطلوب
رامي: لدن وملاذ الفتره دي انتو خليكم مراقبين يان كويس عشان م تعمل حاجه غبيه وم تحسسوها ب شي انا ويزن ح نراقب صاحب الرقم ونعرف هو منو يوسف ح يكون مع رهف اوك
يزن: طيب يلا هسي نمشي لانو اتاخرنا ورهف منتظرانا طلعو كلهم ووصلو البيت طلعو ع غرفهم
يان: اتاخرتو كده مالكم
لدن: اخرتنا البيتزا بس كنا جعانين وقلنا نجيبها ناكل سوا
يان: فعلا جعانه والله
لدن: طيب يلا ناكل اا ونسيت ده تلفونك
بدوا ياكلو وخلصو نامو ع طول
...
ب جهه تانيه يوسف مشى الحلاق حلق شعروا ورجع البيت اخد دوش وطلع نام
الصباح صحى مشى ل سمر وحكى ليها الحصل وطلب منها تتصل ل رهف تعزمها ع الغداء وطلع مشى الشغل ع كده
سمر اتصلت ل رهف
سمر: رهووف كيفكك
رهف: اتذكرتيني من وين الليله
سمر: عايزاك ف موضوع مهم ب خصوص يوسف تعالي بيتنا بعدين عازماك غدا
رهف: خلاص تمام ي ستي
أنت تقرأ
أنقذني_من_الأدمان🚭💊
Mystery / Thrillerالإدمان ده فتره ف حياه كل ولد او بنت وبنعتبرها فتره مراهقه بس عمرو م بكون سبب ف اننا نحكم ع انسان انو كعب لأنو نحن م عارفين هو بعمل كده ليه "وراء كل مدمن قصه " ودي واحده من القصص البتحكي عن واحد من الاسباب دي 💛 انا شخصياً عمري م بحكم ع مدمن انو م...
