أنقذني_من_الأدمان🚭💊

20

خالد: يعني كنتي بتستغبيني طول المده الفاتت دي
يان: ايوه كنت عارفه بعمايلك الواطيه زيك دي كلها انت انسان مريض محتاج علاج
خالد:اداها كف انا مريض فعلاً وح اقتلك وادخل السجن واثبت اني مريض نفسي واطلع
يان: واول م تطلع فاكر ح تكون حي ولا اخواني ويوسف ح يرحموك
خالد: انا ح اقتلهم واحد واحد وانتي اولهم طلع حزامو وبقى يضرب فيها ب وحشيه وهي تصرخ
ب هناك يوسف نزل سرعه بحاول يتصل ل سالم م برد لما زهج اتصل ل يزن
يوسف: يزن اتحرك ع بيت يان سرعه الكلب ده ح يقتلها
يزن: كيف يعني وده منوو
يوسف: ده م وقت اسئله هسي اتحرك ع هناك وقفل فيه وفضل سايق ب اقصى سرعتو رجع ليه سالم
سالم: لقيت منك مكالمات كتيره
يوسف: امشي بيت يان الكلب ده بضرب فيها انا قربت عليك
سالم طلع طوالي وبقى يضرب ف الباب وحاول يكسرو لما جا يوسف الاتنين بحاولو يكسرو الباب كسروه ودخلو يان كانت ف الارض والدم مالي المكان يوسف مسك خالد بقى يضرب فيهوو
سالم: خليهو هسي خلينا ننقذ البت دي ح تموت انا ح اتصل ع الاسعاف
يوسف: مسك راس يان اصحي م تموتي انا جيت خلاص وم ح اخليه يقرب عليك
خالد استغل انشغالهم ب يان وطلع بقى جاري ف الشارع
يزن وياسر جنب البيت شافو ياسر ف الظلط جاري بس وصلو البيت
الاسعاف كانت واقفه ومطلعين يان ف نقاله نزلو جاريين عليها
يزن: اختي مالها ي يوسف
يوسف: ده م وقتو خلونا نتحرك ع المستشفى
ركبو عرباتهم ومشو وراء الاسعاف وصلو المستشفى دخلوها غرفه العمليات
ياسر: العمل فيها كده منو وريني سرعه
يوسف: خالد ومن زمان هو بضربها
يزن: انا كنت حاسس اصلا والله م ارحمو الليله انا بجيب راسو وعايز يمشي يوسف مسكو
يوسف: ده م وقتو هسي خلونا نتطمن ع يان اول وكلو ملحوق
ياسر: وانت عرفت من وين وليه م كلمتنا من بدري
يوسف: ح احكي ليكم اي شي بس بعد يان تطلع بالسلامه
مرت 4 ساعات ف العمليات ف الوقت ده اهلها وصلو طلعوها من غرفه العمليات ل العنايه
يوسف: طمناا ي دكتور
الدكتور: الحمدلله اتجاوزت مرحله الخطر بس الاصابات كانت بليغه وف كسور ف الجسم عشان كده ح تقعد ف العنايه المكثفه وحمدلله ع سلامتها
امها: يعني بتي ح تعيش صح
الدكتور: ان شاء الله ادعي ليها بس
يزن: ي رب
يوسف نزل تحت جاب ليهم اكل انتو م اكلتو حاجه من جيتو وده م كويس عشان صحتكم
ابوها: م ف نفس للاكل
يوسف: لازم تاكلو عشان يان تصحى تلقاكم جنبها اداهم الاكل
يوسف ف مشوار انا لازم اعملو م ح اتأخر
يزن: ماشي وين ماشي معاك
يوسف: لالا شويه وبجي انا طلع اتحرك وقف قدام القسم لقى سالم واقف منتظروا
سالم: ده اللابتوب
يوسف: شكرا ي سالم
سالم: ع شنو يلا ندخل دخلو القسم وع مكتب الرائد مؤيد نفس القبض ع يوسف دقه الباب
مؤيد: اتفضل
يوسف: السلام عليكم ي حضره
مؤيد: يوسف وعليكم السلام كيفك
يوسف: الحمدلله بخير
مؤيد: خير ان شاء الله
يوسف: جاي افتح بلاغ ف رهف النصري وخالد عبدالعزيز
مؤيد: التهمه شنو
يوسف: حكى ليه كل القصه وده اللابتوب فيه كل التسجيلات وده فلاش فيه اعترافات ب قتل ميدو
مؤيد: انا طول فتره شغلي دي شفت قضايا كتيره بس اول مره تمر علي قضيه ب البشاعه دي م تخاف خلال 24 ساعه هم ح يكونو عندي
يوسف: عشان كده جيتك مخصوص
مؤيد: جهاز التنصت لسه ف تلفون خالد صح
يوسف: ايوه تقريبا بس هو م ب الغباء ده اكيد ح يكون غير شريحتو
مؤيد: يبقى هو ح يحاول يتصل ع رهف لانو الوحيده الممكن تساعدو
كده معناها نحن لازم نتحرك ع رهف ونقبض عليها قبل يصلها وحتى بعد كده نجيب خالد لحدي عندنا ضغط ع جرس جاهو ضابط
حسن جهز لي قوه سرعه ح نتحرك ع العنوان ده
حسن: حاضر سعادتك وطلع
مؤيد: تقدروا تمشو واي جديد ببلغكم بيه ،
يوسف رجع المستشفى ومؤيد اتحرك ع بيت رهف ضرب الجرس جات فتحت الشغاله
مؤيد: ده بيت رهف النصري
الشغاله : ايوه
مؤيد: ناديها لينا لو سمحتي
الشغاله: حاضر وطلعت ل رهف
امها: خير عايز منها شنو
مؤيد: الرائد. مؤيد بتك متهمه ومطلوب القبض عليها
امها: نعممم متهمه ف شنو شكلك غلطان ف العنوان
رهف جات نازله ف شنو ي ماما
امها: الزول ده قال انتي متهمه
رهف: شكلك غلطان انت عايز منو
مؤيد:انتي رهف النصري
رهف: ايوه
مؤيد: يبقى انا ف المكان الصاح انتي متهمه ب اشتراكك ف قتل محمد صالح الشهير ب ميدو وابتزاز فياريت تمشي معانا ب الذوق بدل نكلبشك ونرفعك ونعمل فضيحه
رهف : طيب ح اجي معاك
امها: ي بتي تجي معاه ع وين وده شنو الكلام البقول فيه ده
رهف: اتصلي ع المحامي وخليه يلحقني
مؤيد: م اظن المحامي يقدر يعمل ليك شي اخدوها وركبت البوكس قدام واتحركو ع القسم
...
ف المستشفى الاجواء كلها خوف وتوتر
يوسف: وقفتكم هنا م فيها فايده ارجعو البيت ارتاحو
يزن: نرجع ونخليها براها
يوسف: هي م ح تصحى قبل اسبوع وانا عايزكم ف موضوع كلكم
ياسر: احكي
يوسف: المكان هنا م مناسب ح نمشي بيتنا لانو هم كمان لازم يعرفو
يزن:  ورينا م تبوظ اعصابنا
يوسف: يلا نمشي وح تعرفو
اتحركو يوسف ويزن وياسر وامهم وابوهم ع بيت يوسف وصلو جات سمر فتحت الباب دخلو
يوسف: نادي الفي البيت كلهم
سمر:حاضر مشت نادت سلمى وامها وابوها
يوسف: جيبي لي لابتوب طلعت جابتو وجات
امو: ي ولدي ف شنو وترتنا معاك
يوسف: اول شي يان ف المستشفى بسبب كل واحد قاعد هنا واولكم انا
سمر: يان حصل ليها شنو
يزن: قصدك شنو
يوسف: بدأ يحكي ليهم كل القصه وشغل التسجيلات
ام يان: بتي شافت ده كلو براها واتحملت العذاب ده بسببنا وانا الكنت مقاطعاها عشان فاهمه غلط
ابوها: انا الخليتها تتزوجو انا السبب
ياسر: تاني عدنا نفس الغلطه
يزن: كنا نحن الانانين م هي
سلمى: وانا الما رضيت اسمي بتي عليها
كلهم ببكو واي زول بلوم ف نفسو
يوسف: ده م وقت تلومو نفسكم يان حاليا محتاجه اننا نكون معاها وتصحى تلقانا جنبها
....
ف القسم مؤيد شغل التسجيلات ل رهف
مؤيد: كل الادله ضدك وعشان م تلبسيها براك قدامك حل واحد
رهف: بقت تبكي حل شنو
مؤيد: خالد مؤكد ح يتصل عليك وح يقول عايز يلاقيك م تحسسيه انك ف القسم ووافقي تلاقيه وقتها نحن ح نقبض عليه
رهف: ح اعمل العايزو
مؤيد: ل وقتها انتي ح تكوني مشرفانا هنا
يوسف بقى قاعد ف المستشفى م بتحرك وكل يوم بجي زول يبيت عدا اسبوع ف المستشفى يان صحت بس كان جسمها كلو علامات من الضرب حولوها الغرفه
دخل ليها يوسف حمدلله ع السلامه م ملاحظه انك بقيتي رد مستشفيات
يان: ابتسمت ليه الحصل شنو
يوسف: م حصل اي شي هسي انتي كويسه واتصلت ع الكل كلمتهم ب الخبر وجايين علينا
يان: خخخ خالد
يوسف: م تخافي رهف وخالد اتقبض عليهم
يان: الحمدلله
يوسف: اشربي العصير ده عشان تقومي بسرعه
يان: م عايزه
يوسف: م باخد ف رايك انا شربها العصير ب الغصب
شويه والغرفه اتملت
يزن: خوفتيناا عليكك
ياسر: كويسه انتي
يان: هزت راسها نظام ايوه
امها جات حضنتها اعفي لي ي بتي اعفي لينا كلنا
يان: مسحت دموعها وابتسمت ليها
سلمى: يان الصغيره جات تسلم عليك ادتها ليها
يان: شالتها وبتعاين ليها وهي مبسوطه بلمتهم حوليها
جاهم الدكتور : لمه ف الحرم ان شاء الله ما شاء الله بقينا احسن هسي
يان: الحمدلله
الدكتور: خلوها ترتاح بعد كده وح يقعد معاها مرافق واحد بس تاني وممكن تزوروها ف زمن الزياره ح تقعد معانا لما نتطمن عليها وبعد كده نخرجها
يوسف: ان شاء الله يلا ي جماعه نمشي
امها: انا بقعد معاها انتو امشو
يزن:طيب وطلعو
سمر ساقت امها وابوها وسلمى
ويزن ويوسف وياسر قاعدين تحت المستشفى
...
ف القسم تلفون رهف متصل ندهت ع الضابط ينادي مؤيد
مؤيد مشى ليها مسافه وصل الخط فصل
مؤيد: ح يرجع يتصل تاني فعلا رجع اتصل يلا ردي وحاولي تطولي ف المكالمه وم تخليه يحس ب شي
رهف: الوو مين معاي
خالد: معاك خالد ي رهف
رهف: وين مختفي انت وبتصل ليك رقمك مقفول سألت منك ف المستشفى قالو م قاعد تجي قربت امشي ليك البيت
خالد: انتي م عارفه الحصل شنو حكى ليها
رهف: وليه م اتصلت لي من وقتها هسي انت وين ولقيت مكان تقعد فيه
خالد: كنت مع واحد صحبي وهسي انا محتاج قروش عشان اقدر اسافر ساعديني
رهف: من وين م عندي
خالد: اتصرفي عشان انا لو وقعت بتقعي معاي
رهف: بتهددني يعني
خالد: ايوه
رهف : طيب ح احاول اتصرف اديني فرصه ل بكرا
خالد: طيب بعد تدبريهم اتصلي لي
رهف: تمام وقفلت
مؤيد: حسن عرفت مكانو
حسن: ايوه سعادتك
مؤيد: طيب نحن م ح نستعجل ح نقبضو بكرا
طلع اتصل ل يوسف وحكي ليه الحصل
يوسف: لما تكونو متحركين اتصل لي حابي امشي معاكم
مؤيد: لو اتهورت ح تبوظ اي شي
يوسف: م ح اعمل شي م تخاف
مؤيد: طيب وقفل
ياسر: اها قال ليك شنو
يوسف: عاملين ليه كمين وبكرا ح يتقبض ان شاء الله
يزن: بس قبل يتقبض لازم ناخد حق يان فاهمني
يوسف: اتطمن م ح يحصل غير كده
ياسر: ربنا يسهل
....
تاني يوم المساء رهف اتصلت ع خالد
رهف: القروش معاي نتلاقى وين
خالد: حلوو وصف ليها المكان بس م تجي ب عربيتك اركبي تكس عشان احتمال تكوني مراقبه
رهف: شكلك ناوي توقعنا
خالد: م تخافي
رهف: طيب انا طالعه عليك وقفلت
مؤيد: حسن شوف تكس من الواقفات ف القسم ديل وجيب المفتاح انا ح اسوق وانت ح تكون مع القوه ب عربات ملاكي عشان م يحس علينا
حسن: حاضر سعادتك
اتصل ع يوسف كلمو طوالي يوسف اتصل ع يزن قال ليهم خليكم جاهزين جاي عليكم طلع عليهم واتحركو ع المكان
مؤيد ورهف وصلو مكان بعيد عن الناس
مؤيد: خلي بالك م يكشفك واداها ظرف القروش نزلت وقفت شويه اتصلت ع خالد
رهف: وين انت
خالد: شايفك جاي عليك كنت بتطمن انو م زول لاحقك
رهف: طيب جا وقف قدامها مدت ليهو الظرف ان شاء الله يكفوك
خالد : ح يكفوو طالما المبلغ القلتو ليك
رهف: خلي بالك من نفسك واول م تطلع من البلد دي اتصل لي طمني
خالد: تماام م تخافي يلا ح امشي اناا
قاطعهم يوسف
يوسف: م بدري
يزن: معقوله تمشي من غير م تودعنا ي ابو النسب
ياسر: حركتك شينه
خالد: توقعيني ي رهف والله م ح ارحمك
يوسف: ده لو عشت ابقى فكر انك ترحمها ولا لا