ودعو العرسان وسط دموع بين فرح وزعل ،اتحركو ع المطار معاهم يوسف ويان
يان: خلي بالك منها وما تغيظها بحركاتك دي
ياسر: ع فكره انا اخوك م هي وصيها علي م توصيني عليها
يان: انت م عايز يوصو عليك بتعرف تاخد حقك
يوسف: يلا ح تتأخروا وم اوصيك عليها عارفك ح تختها ف عيونك
سلمى: ح اشتاق ليك ول سلمى وامي وابوي خلي بالك منهم
يوسف: ان شاء الله يلا بعد كده مع السلامه ودعوهم وطلعو ع العربيه
..
يوسف: احم احم
يان: مالك
يوسف: عقبالنا يكونو مودعننا كده
يان: بعد سته ،سبعه سنه كده
يوسف: نعمممم!؟ انا ح اديك 6 شهور بس تكوني خلصتي السنه دي وف اجازتك السنويه بنعمل العرس
يان: ولا تحلم الا اخلص جامعه
يوسف: طيب ح اعرس واحده لما تخلصي جامعه اطلقها واعرسك
يان: الا اقتلك والله
يوسف: م ممكن اقعد اعذب ل الزمن داك ح اعجز كده
يان: ح تقعد غصباً عنك عجوز كده عايزاك انت مالك
يوسف: انا انتظرك العمر كلو خلي كم سنه
بتكلمو لما وصلو بيت ناس يوسف ودخلو وهم بضحكو
رهف: ضحكونا معاكم
يان: لالا م عايزين زول يضحك معانا
سمر: احم احم
يزن: يلا بعد كده نحن نمشي كمان الزمن اتأخر
طلعو ع العربات يوسف رسل ل يان مسج "اول ما تصلو اتصلي لي"
وصلو البيت ويان من التعب نامت ب ملابسها صحت الصباح لقت مكالمات كتيره من يوسف ومسجات ،اووف لا حوله انا نمت وم اتصلت ليه رجعت ليهو
يوسف: ده حالتو وصيتك تتصلي لي
يان: اسفه والله نمت كنت تعبانه
يوسف: كويس امشي صحصحي كده انا ف الشغل هسي لبعدين باي
...
ملاذ: الفايتني شنو انااا
لدن: حاسه ف شي حاصل
يان: انا ويوسف اعترفنا لبعض بحبنا
ملاذ: انا اصلا كنت حاسه واااي مبرووك ياخخخ وحضنوها الاتنين فرحنا ليكم شديد تتهنوا ببعض
يان: امييين ي رب يلا ننزل نفطر
" ف ناس برميهم ف طريقنا القدر بطريقه بتخلينا نحس ب الكره تجاههم بس تلقائياً من غير م نحس بتحول الاحساس ده ل حب عميق "
يان فتحت الواتس لقت سمر ضافتها ف قروب هي ويوسف وسلمى رسلت ليهم سلام
سمر: جيتي ف وقتك ح اعملك ادمن ضيفي يزن ولدن وملاذ وميدو وياسر
يان: طيب ضافتهم كلهم وجروها ونسه وضحك
ميدو رسل اوو المزز كيفكم اهم حاجه الكراش بتاعتي هنا ولا لا
سمر: للاسف لا
ميدو: ضيفوها لي والا اطلع
سمر: امم طيب مع انو ح توتر الجو ضافتها بعد دقيقتين رسلت سلام
ميدو:وعليكم الف سلام
رهف: اخباركم شنو وبقت تتونس مع ميدو والباقين م ف زول شغال بيها
المسا دخل يوسف لقى القروب
يوسف: الف رساله ده شنو لما علقتو لي تلفوني 😒
رهف: اسفين جرت بينا الونسه
سمر: نحن عطاله نعمل شنو
يوسف:تقومو تعلقو لي تلفوني كده
يان: لو م عاجبك اطلع طوالي
يوسف: م برد ليك هنا
سمر: يان رسلت ليك حاجه ف الخاص شوفيها
يان: حاضر لقتها صورتها هي ويوسف لما كانو داخلين الصاله وهي عايزه تقع مسكت فيه عملتها استوري وكتبت
"كيف اقع وانت تقف بجانبي لتمسك بي "
الناس كلها علقت ع الصوره حلوين مع بعض
يوسف شافها عمل اسكرين وختاها حاله
" لو وقعتي بقع معاك 💛"
رهف اول واحده شافتها ردت ليه
والله ح تقع معاها قلت لي
م رد ليها ، انت بتصرفاتك دي ح تخليني اعمل حاجات م عايزاها وخليك متذكر العلاقه دي م ح تستمر كتير ..
ملاذ ولدن ورامي رجعوا ع بيوتهم يوسف ويان علاقتهم بقت قويه شديد وكل الناس عرفت بيها الا اهلهم حباها وكان بخاف عليها من نسمه الهوا
رهف اختفت من حياتهم بس كانت متواصله مع ميدو وهو اتعلق بيها جداً
...
ملاذ اتصلت ل الشباب وقالت ليهم النتيجه الليله نتلاقى ف الجامعه طلعو كلهم ووصلو الجامعه كانو متوترين مع انهم قبل فتره م كانو مهتمين ب اي شي اي واحد كان بلز التاني عشان يشوف النتيجه جاهم يوسف هي كلها نتيجه بتتهابلو كده لييه انا بشوفها مشى وجاهم وشو زعلان
رامي: اصلا كنت عارف مستحيل ننجح
يان: نعوض ف الجاي م مشكله
لدن: عملنا العلينا الحمدلله بس
يوسف: ممكن تدوني فرصه اتكلم منو القال انكم م نجحتو ،انتو ناجحين وبمعدلات كويسه جدا
ملاذ: اححححلف م مصدقه انا
يان: والنبي نجحنااا 😍
يوسف: ايوه نجحتو وبالمناسبه دي عندي ليكم خبر حلو يان م ترفضي بس انا جاي اتقدم ليك نعمل خطوبه بس عشان انا م بقدر اتواصل معاك من ورا اهلك شينه ف حقي
يان: بس ي يوسف
يوسف: ما بس ولا شي وافقي عليك الله
ملاذ: تفكير يوسف صاح العلاقه احسن تبقى رسميه لانو لو اهلكم عرفو بتبقى شينه ف حقكم خصوصا انكم نسايب
يان: اووف منكم طيب بكلم ياسر ويزن اشوف رايهم اول
يوسف: طيب تماام بالمناسبه دي انا عازمكم يلا نمشي
المساء يان اتصلت ع ياسر مكالمه فيديو عريسنا شنو يعني منفض لينا كده وما شغال بينا من عرسته
ياسر: دي شنو منفض لينا دي غايتو انتي عندك كلام كده
يان: هسي خليت ده كلو وركزته ف الكلمه دي طير من وشي اديني سلمى اسلم عليها
سلمى: جنبببك
يان: مرت اخوي السمحه اشتقنااا
سلمى: كتيير والله كيفك ومبروك النتيجه
يان: عرفتي من وين
سلمى: يوسف قال لي
يان: ايواا طيب بمناسبه يوسف انا عندي موضوع بس م عارفه افتحو كيف بس دقيقه انادي يزن عشان لازم يعرف كمان مشت دقت الباب ودخلت قالت ليه بتكلم مع ياسر
يزن: شنو يعني عرستو ونسيتونا
ياسر: انا معاي القمر ب حالو عايز بيكم شنو تاني
يزن: بكرا تزهج وتجينا راجع
ياسر: خلينا من ده يان اها الموضوع شنو
يزن: اي موضوع ده
يان: امم انا متقدم ل عريس وانتو بتعرفوه كويس
يزن: ده منوو؟!
ياسر ملامحو اتغيرت بس حاول يكون عادي
يان: يوسف اخو سلمى
سلمى: من ورااي ي جزم
يزن: انا عن نفسي موافق لانو بعرف يوسف كويس
ياسر: خليه يجي ويلاقي امي وابوي وربنا يقدم الفيه الخير
سلمى: مبرووك مقدماً ونحن محظوظين بيك شديد
يان: م اتحرم منكم ي رب ودعتهم وقفلت رجعت غرفتها اتصلت ع يوسف رد من اول جرس
يان: قاعد ف الخط انت
يوسف: منتظرك الحصل شنو
يان: رفضوا م عارفه ليه
يوسف: كيف يعني وليه يرفضوا
يان: انا كمان مستغربه من رده فعلهم
يوسف: انا بتصل ليهم هسي افهم الحاصل
يان: ابرد ابرد بهظر وافقو وقالو تجي تقابل امي وابوي
يوسف: حيوانه الله يسامحك وقعتي قلبي خلاص بكرا بكلم الحاج والحجه وبخلي ابوي يتصل ع ابوك يحدد زمن نجي بيتكم
يان: ان شاء الله الفيه الخير بحصل انا نعست تصبح ع خير
يوسف: تلاقي الخير ي رب
....
تاني يوم يوسف قاعد بفطر مع اهلو ي جماعه انا عايز اعرس
امو: يوم الهنا ي ولدي
ابوه: طوالي دي منو الاقنعتك بالسرعه دي
سمر: انا متأكده انها يان اخت ياسر
يوسف: ياها زاتها
امه:زين م اخترت ي ولدي اصلا انا من شفتها دخلت قلبي
ابوه: ناس شفنا نسبهم ف بتنا م فيهم عيب وانا موافق
يوسف: الله يخليكم لي ي رب
ابوه: اديني رقم ابوها اتصل عليه
اداهو الرقم وطلع ع شغلو اتصل ل يان حكى ليها فرحت
....
ب جهه تانيه المساء ابو يان قاعد ف الصاله معاه امها جاهو اتصال ده ابو سلمى ان شاء الله خير
ي راجل ي طيب كيفك
أنت تقرأ
أنقذني_من_الأدمان🚭💊
Mystery / Thrillerالإدمان ده فتره ف حياه كل ولد او بنت وبنعتبرها فتره مراهقه بس عمرو م بكون سبب ف اننا نحكم ع انسان انو كعب لأنو نحن م عارفين هو بعمل كده ليه "وراء كل مدمن قصه " ودي واحده من القصص البتحكي عن واحد من الاسباب دي 💛 انا شخصياً عمري م بحكم ع مدمن انو م...
