أنقذني_من_الأدمان🚭💊

18

تاني يوم لدن اتصلت ع يوسف وقالت ليه انها تحت الشركه نزل ليها وركب معاها
يوسف: ي بت قلقتي بي ف شنو؟
لدن: م عارفه اقول ليك شنو وم عارفه اصلا انا جيتك انت ليه بس م ف زول غيرك بقدر ينقذ يان
يوسف: الحاصل عليها شنو اتكلمي سرعه وانقذها كيف يعني
لدن: خالد هو السبب ف سجنك
يوسف: علاقتو شنو ؟!
لدن: هو القتل ميدو وكان متفق مع رهف
يوسف: مستحيل هو م بعرف رهف
لدن: طلعت تلفونها اسمع التسجيل ده وشغلت ليه مكالمه رهف وخالد
يوسف: الناس دي مريضه انا م قادر اصدق انهم وصلو المرحله من الجنون والتسجيل ده وصلك كيف
لدن: يان سمعتو كان بتكلم ب التلفون وتاني يوم هي وملاذ ركبو ليه جهاز تنصت
يوسف: طيب عايزاني انقذ يان من شنو
لدن: المجنون ده بضربها كل يوم وجسمها كل مورم
يوسف: وعايشه معاه ليه الحيوان ابن الكلب ده والله م ارحمو
لدن: م ح تقدر تعمل شي لانو ف الاول والاخر زوجها
يوسف: دي اخره استعجالها م عارف الخلاها تاخد قرار بسرعه كده شنو
لدن: انت السبب بعد اتقبض عليك خالد اتصل ليها وهو مغير صوتو وقال ليها لو عايزه يوسف يطلع انا معاي دليل براءتو بس بشرط تتزوجي خالد خلال يومين وفعلا عملت كده وبعد العقد رسل ليها الفيديو وهي رسلتو ل يزن وطلعت
يوسف: يعني انا سبب الجحيم العايشه فيه ده حتى وانا م معاها معذبها ليه كده ي رب وضرب باب العربيه ب ايدو 💔💔💔💔
لدن: م كده ي يوسف امسك اعصابك يان قالت ح تواجه خالد ب التسجيل المعاها وانا متأكده ح يقتلها لو عملت كده انت لازم تتصل ليها تتكلم معاها
يوسف: بس
لدن: م بس يان عملت كده عشانك وانت لازم تنقذها منو
يوسف: طيب اديني رقمها ادتو الرقم ونزل ركب عربيتو واتحرك ع البيت ودموعو م كانت راضيه تقيف اتذكر لما وقعت ودخلت ف غيبوبه ب سببو والمره دي كمان ممكن تموت ب سببو ي ربي ليه دايما انا بكون ليها وجع وبتتأذي بسببي م ح اسامح نفسي لو حصل ليها شي 💔💔
....
ب جهه تانيه رهف اتصلت ع خالد وطلبت تقابلو ويان بتسمع ف المكالمه بتكون عايزه منو شنو شكلهم بجهزوا ل مصيبه جديده
خالد بعد المكالمه طلع قال عندو شغل  رهف وخالد قاعدين مع بعض
خالد: ده شنو موضوعك الما بتحكي ب التلفون ده
رهف : عايزاك تساعدني اتزوج يوسف زي م انت اتزوجت يان
خالد: المطلوب مني شنو
رهف: حاجه بسيطه ح نستفز يوسف
خالد: م فهمت ح نستفزو كيف؟!
رهف: يوسف نقطه ضعفو اخواتو فبس ح نستعمل اختو سمر كوسيله ضغط عليه
خالد: طيب كيف وضحي اكتر
رهف: كل الحكايه .... فهمت!؟
خالد: ده انتي طلعتي اخبث من الشيطان ب افكارك دي
رهف: ميه مره قلت ليك انا رهف النصري
خالد: قصدك رهف الشيطان وضحكو
خلصو قعدتهم ورجع البيت دخل غرفتو ونام
يان ف غرفتها تلفونها برن اول م عاينت ل الرقم وشها كان م بتفسر بين فرحانه وزعلانه وندمانه ومشتاقه ردت
يان: يوسف
يوسف: والعبره خانقاهو حافظه رقمي لسه
يان: رقمك بس انا حافظه حاجات كتيره
يوسف: كيفك
يان: الحمدلله تمام وانت
يوسف: الحمدلله كنت عايزه اطلب منك طلب وي ريت م ترفضي انا عايز الاقيك ضروري
يان:مستحيل م بقدر
يوسف: الموضوع مهم ولازم اشوفك ولو خمسه دقايق
يان: م بقدر اطلع خالد مانعني الطلعه
يوسف: هو بمشي الشغل متين
يان: الصباح وبرجع المسا
يوسف: طيب خلال الفتره دي انتي انزلي وانا بجي اسوقك وبرجعك سرعه
يان: بس
يوسف: م بس وافقي عشاني
يان: طيب اول م يطلع بتصل ليك
يوسف: حاضر يلا تصبحي ع خير
يان: تلاقي الخير كانت مبسوطه انها ح تشوفو وف نفس الوقت خايفه من خالد لو عرف
...
تاني يوم خالد طلع ع الشغل ويان اتصلت ع يوسف ربع ساعه وكان تحت بيتها اتصل ليها نزلت وركبت معاه اتحرك ومشى ل المكان الكانو اتلاقو فيه لما صدمتو ب العربيه
يان: انت لسه بتجي هنا
يوسف: ذكرياتنا كلها هنا عايشه
يان: اا كنت عايزني ف شنو
يوسف:لدن حكت لي كل الحصل معاك وانا م عارف مفترض اعتذر ولا اعمل شنو لانو الاعتذار م ح يغير شي من الانتي عايشاه حاليا بسببي بس كل الفي ايدي حاليا انو انتي لازم تخلي الحيوان ده وانا ح اساعدك
يان: الغبيه دي انا حالتي فهمتها م تحكي ل زول ،ح نعمل شنو طيب امس رهف اتصلت عليه وطلبت تلاقيه شكلهم بخططو ف شي وع م اعتقد ليك انت لانو المره الفاتت قالت ليه انها ح تعمل اي شي عشان تتزوجها
يوسف: نجوم السماء اقرب حالياً انتي ح تراقبي مكالماتهم وانا ح اراقب تحركاتهم لما نعرف هم بخططو ف شنو ونفشل خطتهم حتى بعدها ح نواجه خالد ونقدم الدليل ل الحكومه انو هو قتل ميدو ولوقتها انتي اعملي حسابك
يان: طيب تمام بس الطلعه صعبه م ح اقدر الاقيك كل مره
يوسف: صحبي اسمو سالم ساكن ف البيت الفاتح فيكم هو ومرتو وبتو انا بشرح ليه الوضع وانتي ح تجيني هناك ع اساس ماشه ليهم ده طبعا بعد نخلي مره سالم تزورك وهو يشوفها
يان: طلع تفكيرك بعيد
يوسف: من زمان بس انتي م مقدره النعمه العندك
يان: اممم يلا نرجع قبل خالد يرجع اتحركو وقف عربيتو بعيد هي دخلت بيتها ويوسف دخل بيت سالم
سالم: نورته ي استاذ كيفك
يوسف:اسمي يوسف م استاذ
سالم: كويس معليش وضحك
يوسف: عايزك ف موضوع مهم بس انت ومرتك ممكن تناديها
سالم: خير ونادى عليها سلمت ع يوسف وقعدت
يوسف: بدأ يحكي ليهم من بدايه علاقتو ب يان ل اخر حاجه
رنا: م مصدقه ف ناس كده الحاجات دي ف الافلام م ف
سالم: لا حوله ولا قوه الا بالله كميه مرض م طبيعي
يوسف: يان حاليا ساكنه ف البيت الفاتح فيكم ع طول
رنا: سبحان الله صدفه عجيبه
يوسف:ايوه كل المطلوب منك تمشي تزوريهم ب حجه انك جارتهم وتكتري زياراتك وتخلي خالد يثق فيك عشان يخلي يان تجيك وكده انا بقدر الاقيها
رنا: فهمت طيب وهسي ح امشي ليها
سالم: طيب تماام امشي وانا بخلي بالي من نور
يوسف:م عارف اشكركم كيف
سالم:دي اقل حاجه اقدمها ليك
يوسف: طيب استأذن انا وح نكون ع تواصل وطلع مشى واتصل ع يان فهمها انو رنا ح تجيها وشويه ورنا طلعت ليها ضربت الجرس فتحت ليها
رنا: يان انا رنا
يان: اتفضلي يوسف اتصل حكى لي م عارفه اشكرك كيف
رنا: يوسف فضلو علينا كتيير ودي ابسط حاجه نعملها ليهو
اخدو ونستهم لما خالد جا
خالد: معانا ضيوف السلام عليكم
رنا: وعليكم السلام
يان: دي رنا جارتنا الباب الفاتح فينا
رنا: كان نفسي اجيكم من سكنتو هنا بس زوجي كان عيان شويه مبرووك الزواج مع انها جات متأخره
خالد: الله يبارك فيك والبيت بيتك ف اي وقت
رنا: تسلم استأذن انا وبجيكم مره تانيه
رنا طلعت وخالد دخل غير ملابسو ويان جهزت الصفره
يان: رنا دي طلعت ظريفه بشكل ونستني الليله بدل القعده براي
خالد: شكلها ظريفه ومحترمه اها بقت عندك جاره تونسك هسي
يان: اي والله
رنا بقت تجيهم طوالي وتتونس معاهم وبتجيب معاها نور بتها خالد اتعود عليهم خصوصا انو بحب الاطفال ف يوم قاعده معاهم
رنا: انتو ليه م بتجونا عاملين تقال يعني
خالد: م كده والله
رنا: خلاص بكرا عازمنكم عشا وم عايزه اعذار
يان: انا موافقه عن نفسي
خالد: وانا م عندي مشكله
وفعلا مشو واتعشو معاهم واتصاحب مع سالم وب كده يان بقت بتقدر تمشي ليهم ف اي وقت وح تلاقي يوسف من غير م خالد يحس
...
ب جانب تاني سمر اخت يوسف طالعه من الجامعه ركبت عربيتها عايزه تتحرك خبطت فيها عربيه من قدام
نزل منها واحد وهي نزلت
هو: انا اسف
سمر: انت بوظت العربيه خالص
هو: م كان قصدي والله
سمر: الحصل حصل
هو: طيب ف محل صيانه قريب من هنا بعرفهم كويس ح اصلح ليك فيه العربيه
سمر: لالا م ف داعي بصلحها ب طريقتي
هو: لا والله ح اصلحها انا وم عايز نقاش
سمر: بس ما
هو: م تبسبسي لي الموضوع انتهى اديني مفتاح العربيه
سمر: طيب اتفضل ، اتصل ع ونش جا شال العربيه
هو: طيب يلا ح اوصلك
سمر: بركب تكس
هو: تركبي تكس كيف يعني م شايفاني راجل قدامك ولا شنو يلا تكس بلا بتاع اركبي يلا
سمر: مجنون انت طيب
اتحركو وصلها جنب البيت
هو: اديني رقمك عشان لما تجهز العربيه اتصل ليك وم تخافي م ح اعاكسك
سمر: والله انت مجنون وادتو الرقم
هو: ب المناسبه انا اياد وانتي
سمر: انا سمر
اياد: عاشت الاسامي واتحرك مشى
المسا ف بيتهم وهم بتعششو
يوسف: م شايف عربيتك برا
سمر: اتخبطت مع عربيه تانيه ووديتها الصيانه
يوسف: متين ده وليه م كلمتيني كويسه انتي
سمر: كويسه م فيني شي بس العربيه باظت من قدام
ابوها: م مشكله المهم انك كويسه
امها: تاني مره خلي بالك ي بتي
سمر: ان شاء الله
الصباح ماشه الجامعه يوسف قال ليها بوصلك ف طريقي
سمر: طيب بس اجهز واجي وطلعت غرفتها اتصل عليها رقم غريب ردت
اياد: م تفكري تركبي تكس انا ف الشارع التاني من بيتكم
سمر: انت ي مجنون انا ح اطلع مع اخوي
اياد: لا ح تطلعي معاي بما اني البوظت عربيتك ح اوصلك وارجعك كل يوم لما تتصلح ولو رفضتي ح اجي هسي بيتكم واعمل ليك فضيحه
سمر: لالا وع شنوو خلاص ح امشي اخوي نزلت تحت
يوسف: اها جاهزه
سمر: ريان صحبتي اتصلت علي وقالت ح تجي نمشي سوا
يوسف: طيب امشي انا وطلع
اتصلت ليه جا وقف برا مشت ركب معاه
سمر: انت مجنون ع الاخر
اياد: وانتي لسه شفتي جنون
سمر: الله يورينا خيرك بس
وصلها وانتظرها المسا برضو رجعها وكان ف عربيه بتراقب فيهم
قاعده ف غرفتها جات سلمى داخله
سمر: كان تناديني انا بجيك
سلمى: قلت اتمشى شويه
سمر: عندك حاجه عايزه تقوليها احكي
سلمى: امم ده منو الجا الصباح وصلك ده كنت نازله وراك اوصيك تجيبي لي حاجه وشفتك
سمر: اا ده الخبط لي عربيتي وحكت ليها
سلمى: طلع راجل والله بس اعملي حسابك الزمن ده م ف زول مضمون
سمر: حاضر م تخافي علي وانتي خلي بالك من نفسك عشان البيبي يجي بصحه كويسه
سلمى: ان شاء الله
سمر علاقتها بقت قويه مع اياد خلال الفتره دي لما مشو استلموا عربيتها وهم واقفين قدام الورشه
اياد: اتعودت اكون الشوفير بتاعك تاني الا افتش لي بت تاني اخبطها عشان اوصلها
سمر: ح تقعد تفتش ل البنات يعني
اياد: حتى لو قلت اعمل كده م ح القى واحده زيك
سمر: امم واضح
اياد: تقبلي تتزوجيني؟!
سمر: شنوو
اياد: السمعتيهووو
سمر: انت بتهظر صح
اياد: جادي والله انا حبيتك من اول م شفتك وعايز اكمل باقي عمري معاك عشان كده عايز ادخل البيت من بابو
سمر: م عارفه اقول ليك شنو
اياد: ولا شي فكري واخدي ووقتك وبعد بكرا عازمك غدا ردي لي ويلا اركبي عربيتك وامشي
سمر اتحركت وصلت البيت وكانت مبسوطه لاقتها سلمى ف وشها
سلمى: دايمه الضحكه احكي لي مالك
سمر: اياد قال بحبني وعايز يجيب اهلو يتقدم لي
سلمى: وانتي رديتي ب شنو
سمر: م رديت ليهو قال لي فكري وح يعرف ردي بعد يومين
سلمى: وانتي بتحبيه ولا لا
سمر: ابتسمت وخجلت
سلمى: يبقى وقعتي ربنا يتمم ع خير بس ف رايي م تستعجلي ادي علاقتكم وقتها حتى خليه يقابل اهلك
سمر: ان شاء الله يلا انا تعبانه ح انوم.
...
ف بيت يان قاعده هي وخالد تلفونو اتصل عملو سايلنت ومشى غرفتو  ويان دخلت غرفتها فتحت اللابتوب
خالد: مالك عايزه شنوو
رهف: ليه م اتحركت ل هسي وم انجزت حاجه ف الموضوع القلتو ليك
خالد: ح انجز بس مشغول شويه
رهف: الاحسن تنجزز ولو م قادر بنجز موضوعي براي
خالد:خير قربت خلاص
يان اتصلت ع يوسف وحكت ليه السمعتو واتفقو انو يان تراقبو كويس
بقت طول اليوم قاعده قصاد اللابتوب
...
بعد يومين سمر طلعت من الجامعه واتصلت ل اياد قالت ليه خلصت قال ليها طيب انا متحرك عليك م جبتي عربيتك صاح زي م اتفقنا اني ح اوصلك!؟
سمر: ايوه
اياد: طيب شويه ووصل اتصل ليها طلعت ركبت معاه سلمت عليه
سمر: انت بالمناسبه مش قلت انو اختك بتقرا معاي هنا
اياد: اا ايوه
سمر: ليه م عرفتني بيها
اياد: م جات فرصه وانا لما اشوفك بنسى اي شي
سمر: اممم وابتسمت
وصلو المطعم وطلبو الاكل
اياد: دقيقه ح اعمل مكالمه واجيك
سمر: طيب
طلع برا واتصل
اياد: انا حاليا قاعد معاها وح اعمل الاتفقنا عليه