THE HELL KING'S BRIDE [UNDER REVISION]

†THKB 1：Shadow

† † †
CHAPTER 1: SHADOW

"Ma'am, pinapatawag n'yo po raw ako?"

Agad na umikot ang swivel chair ng kanyang boss, at sumalubong sa kanya ang seryoso nitong mukha.

Napadako ang tingin niya sa folder na hawak nito. Pamilyar iyon.

Her manuscript.

Napamura siya sa isip. Mukhang may mali na naman sa isinulat niya.

"May ipapa-revise po ba kayo, Ma'am?" kinakabahan niyang tanong.

Hindi agad sumagot ang babae. Sa halip, pabagsak nitong inihagis ang folder sa ibabaw ng mesa.

"I need you to revise the whole story, Ms. Deladia," mariin nitong saad. "Or better yet... scrap everything. Create a new plot, a new genre, new characters-everything."

Nanlaki ang mga mata ni Carquielle.

"Pero, Ma'am... akala ko po maayos na ang plot ko? Sinunod ko naman po lahat ng revisions na sinabi n'yo. Bakit pati ang buong kuwento kailangan pang baguhin?"

Humugot ng malalim na buntong-hininga ang kanyang boss bago siya tinitigan.

"Because the more you revise it, the worse it becomes." Umiling ito. "Isa ka pa naman sa mga inaasahan kong aangat sa publishing firm na ito, Carquielle. Kilala kita bilang isang mahusay na manunulat, pero anong nangyayari sa'yo?"

Sandaling tumigil ito bago nagpatuloy.

"You've become distant... and gloomy. Hindi ko na makita ang passion mo sa bawat salitang isinusulat mo."

Unti-unting napayuko ang dalaga.

"I'm sorry, Ma'am. Pagbubutihan ko pa po."

"You should, Ms. Deladia." Sumandal ito sa upuan. "I'm giving you one last chance. Dahil kapag nabigo ka pa ulit... mapipilitan na talaga akong tanggalin ka."

Biglang nagliwanag ang mukha ni Carquielle.

"I'll do my best, Ma'am! Maghahanap po ako ng bagong ideya. Sisiguraduhin kong magugustuhan n'yo ang susunod kong manuscript."

"No need."

Binuksan ng kanyang boss ang drawer ng mesa at inilabas ang isang maliit na cream-colored envelope. Inabot niya iyon kay Carquielle.

"This is an invitation to the upcoming exhibit of Mi Primero y Mi Último."

Maingat niyang tinanggap ang imbitasyon.

"Ayon sa impormasyon, mahigit isang daang taon nang nakatayo ang mansyon kung saan gaganapin ang exhibit. Marami pa ring natitirang antigong pintura, eskultura, muwebles, at iba't ibang mahahalagang kagamitan mula sa panahong iyon. Magkakaroon din ng bidding, kaya siguradong dadalo ang mga kilalang haciendero, kolektor, at iba pang mayayamang personalidad."

Sinuri ni Carquielle ang imbitasyon bago muling tumingala.

"Sasama po ba ako sa bidding? May ipapabili po ba kayo?"