YING &YANG ....Volume3 of Becoming Empress COMPLED

အပိုင်း၆

ကျူးယင် မြေခွေးလေးရဲ့ အမွှေးနုနုတွေကို လက်တစ်ဖက်က ပွတ်သပ်ရင်း ကျန်တစ်ဖက်က အသာပွေ့ထားလိုက်သည်။

လုရန်က သူ့ခြေထောက်ကိုပဲ အကြည့်ရောက်နေတာမို့ ကျူးယင်မှာ မြေပေါ်ခြေမချရဲပါချေ။ မတော် လာပွေ့နေမှ ပန်းနိုင်ငံက နတ်တွေမြင်ပြီး သူအရှက်ကွဲနေလိမ့်မည်။

အကိုလျန်ဒီကို ဘာလို့မလာချင်လဲဆိုတာကို သူသဘောပေါက်လာသလိုပဲ
ပန်းနိုင်ငံက လနတ်ဘုရားမရဲ့ အပန်းဖြေနေရာမဟုတ်လား
ဒီဆေးခင်းကရော ဒီမှာရှိနေတာ သွေးရိုးသားရိုးဟုတ်ရဲ့လား

ကျူးယင် ခေါင်းရမ်းလိုက်ဖြစ်သည်။ သူ့အကိုတွေရဲ့အကြောင်းကို သေချာလေ့လာဖို့လိုနေပြီ။

အကိုကြီးဆိုလည်း အကိုကြီးမို့၊ အကိုလတ်ဆိုလည်း အကိုလတ်မို့ တစ်ယောက်ကို ပုံပြင်တစ်ပုဒ်ဆီဖြစ်နေကြသည်။ အကိုငယ်ကတော့ တစ်ယောက်ထဲ စိတ်ချရသေးသည်။

လုရန်က တစ်ချိန်လုံး ကျူးယင်ခြေထောက်ကိုစိုက်ကြည့်နေရာက ပူပြင်းတဲ့အကြည့်စူးစူးကို အာရုံခံမိလို့ အကြည့်ရွှေ့တော့ သခင့်လက်ထဲက မြေခွေးရဲ့ စူးရဲနေတဲ့အကြည့်တွေကို မြင်ရသည်။

နက်မှောင်နေတဲ့မျက်ဝန်းတွေကြောင့် အကြောက်တရားဆိုတာ ဘာမှန်းမသိတဲ့လုရန်ပင် တန့်သွားရ၏။ မျက်၀န်းတွေကားအစိမ်းရင့်ရောင်သန်းကာ မည်းသည့်ဘက်သို့ ရောက်နေသည်။

ဒီမြေခွေးက သာမန်မြေခွေးမဟုတ်ဘူး

လုရန်မှာ အသိဥာဏ်သိပ်မ၇ှိပေမယ့် ကျူးယင်ရဲ့မှတ်ဥာဏ်တွေအတိုင်း သူဆက်ခံရထားတာမို့ အရမ်းတုံးလွန်းနေတာမျိုးတော့မဟုတ်ပေ။ ကျူးယင်သိထားသမျှကို သူလည်းသိထားပေသည်။ သို့သော်မျက်ဝန်းတစ်ခုလုံးနက်မှောင်နေတတ်တဲ့ သတ္တ၀ါမျိုးကိုတော့ သူမသိသေး။

ဒီမြေခွေးက နတ်ဆိုးများဖြစ်နေမလား

လုရန်ခေါင်းရမ်းလိုက်မိပြန်သည်။ နတ်ဆိုးတွေက အနီရဲရဲမျက်ဝန်းနဲ့ တချို့က ဖြူဖွေးနေတဲ့ မျက်ဝန်းတွေပိုင်ဆိုင်ကြခြင်း။

ကျူးယင် ဆေးခင်းကို လိုက်ကြည့်နေရင်း တစ်နေရာရောက်တော့ သူ့လက်ထဲက မြေခွေးလေးက ခုန်ဆင်းသွားကာ ရှေ့သို့ ပြေးထွက်သွားတာကို တွေ့လိုက်ရသည်။