Oops! This image does not follow our content guidelines. To continue publishing, please remove it or upload a different image.
"Good morning sir"
"Good morning everyone"
"Thank you sir"
Kan thu dawn chiah tih ah "thu rawh u ka tia mi" sir in ring leng lawngah a rawn tih chuan kan ding mar at nghal
"Good morning everyone ka ti ringawt a nih kha, nge thut in tum ngawt" a tarmit kar atang chuan a rawn ti a, hepa ka ngeizia leh ka ninzia hi chu aw..a thau ropui si a, a strik si, min hau ziah lehnghal, kan school atang hian pension vat vat se..nih loh pawn kan class ah hian rawn lut tawh lo hram se aw..
"Thu ru" a tih chuan kan thu nghal vat a..
"In class hi in bengchheng ber a, lehkha in thiam lo ber, in zak em" a dawhkan ben rik dup pah chuan a ti a..
A ruk chuan kan nui vur vur, a sawi dik lo hran chuang lo, keini class hi class dang ngaihtuah chuan kan bengchheng ber a, mahse kan class a nuam ber thung, section dangte chu an cool leh hlawm lutuk a, a nuam lo..
"Sarahh" leh ta pek chuan..rawn lut apiang hian min ko loh hian an awm thiam tawh lo a niang..
Muangchang chuan ka ding a
"Tun term ah hian i fail leh vaih chuan ka vaw ngil zawt zawt tawh ang che, i hria maw" min melh kur kur pah chuan a ti a, ka engamah a thawk eih lo, hetiang thil te chu nitin ka tawn ania, ka ngai neih vek tawh..
"Awle sir" chhan loh aia ka chhang mai mai..
"Awle²..tih lo khan tha takin lehkha zir tawh ang che, i hria em??" A aw rawl lah hi a ring si, min vin phei chuan ka beng a chhet mai dawn in ka hria..
"Awle..lo ngaithla teh u, hei chhungkaw thil avangin class ka rawn kal theih tawh rih dawn lova..ka aia Teacher dang a rawn kal dawn a, tha takin lo awm ula, lehkha lo zir nasa ang che u, ka subject bikah phei hi chuan in thiamlo ropui hlawm si a, min ti hmingchhe hauh suh ang che u, in hre vek maw" a tih chuan kan aw rual vek, a nawmzia hi, a awm loh tur hi kan class tan chuan malsawmna a ni ringawt..rawn let tawh lo law law se...
Mahse hmel hlim deuh hmuh chi a ni si lo, a mawi hnaiin kan ui thu kan han sawi ve malh malh hlawm a, kan chhungril ah erawh kan lawm vek tih a hriat ngawih²...
Class atanga a chhuah chuan a ngai te bawkin kan tawng leh nghal hlawm char²..a chang chuan kan bengchheng leh lutuk thin hi office atang pawn an lo hre thin ni awm tak a ni..
Ka hming chu Sarah a ni a, kum 17 ah upa ka ni, tunah hian Sehwa High school ah class 12 ka kal mek a..High school a nih vang hian class 10 thleng chuah a awm tura in lo ngai ange..a tir chuan class 10 chuah a awm a..mahse a school zirna leh disciplines a that em avang leh sport lamah an hmingthat em avangin school naupang tumah insawn an duh lova.. sawrkar lamah an ngen avangin 12 thleng zirna an hawn leh pah a ni..
Class 8 atangin ka la lut char char a..ka luh rei tawh em avangin ka in ti thu hle bawk..
Ka nu leh pa ten min la dampui a, nau mipa ngal zet mai ka nei bawk a, tunah hian class 10 a zir mek bawk..
Lehkha thiam thei ka ni lova, lehkhazir hi tuina pakhat mah ka nei lo, engtin nge class 10 te kha ka pass theih zawk le..keimah pawh hi ka in ringhlel viau zawk..
Mahse ka nu leh pate in tutor tha tak min hmuhsak a, exam dawnah chuan ka tang ve lutuk a, thrid ah ka pass ve hram kha, ka chhungte an lawmzia kha aw..
"Heyy..Sahara" kan class mipa ah ka kawm ngeih ber Jeon Jungkook a ni..class 8 atangin kan la in classmates chho char char a, kan mizia pawh kan inhrechiang viau..
Lehkhathiam thei tak chu a ni bik lova..mahse kei ai thlawt chuan a la thiam thei
"Eng nge..khatin min ko tawh suh" vin zet hian ka ti a..a nui vur vur ringawt
Kan class ah chuan ka hmeltha ber a, chuvang chuan tumah han zah emem hi ka nei lo, lehkha lamah erawh zero ka ni thung a, mahse pawi tihna em em pawh ka nei hran lo..hmelchhe deuh lehkha thiam bawk silo ai chuan hmeltha deuh lehkhathiam lo pawh a la zia tho tho, han vei teh vak hi ka nei lova, keimah pawh hian ka tlei em em tho..
"Vawiin tlaiah kan inkhel dawn sin, lo kal ve la"
"Nahi..ka peih i ring a mi" thatchhe zet chuan ka thu awn ruai a
"Sawm buai duh suh, Jungkook, khanu khan ei leh mut bak peih a nei lo" Jimin in a rawn tih chuan ka melhrum nasa mai
A sawidik em avang chuahah melhrum ka ni
"Khatin meng ziah suh, i hmelchhe lutuk" kan class ah hmeichhia ka kawm awmchhun Hyemi a ni, class 9 atanga inhria kan nia, a tir chuan ka inngei dun lutuk, a in la luck angreng bawk sia, keilah mahni tawkah chapo ar mai ka nia, chutia kei aia luck an awm tur chu ka ngai ngam lova, kan insual pah lehnghal..mahse hei tunah chuan bestfriend forever an tih ang khan kan awm tawh..
"Nge ka chanchin hlir hi an sawi bik" titau aw deuh chuan ka ti a, kan thutdun avangin ka lu chu a rwn chul heuh heuh a..
"Aw..i hmelthat vang a nih kha, hmeltha deuh chanchin sawi te chu a nuam alawm" ka khi leh vur vur tawh, henu hi chuan ka lawm zawng sawi hi a thiam em..
"Enteh Hyemi..keichu teacher ho hi ka ngei vek"
"Ngati maw"
"Aw..an hmelchhe hlawm si, an thau hlawm bawk si, a thau lo awmchhun lah a hmel a beh bawk si, kan school hian teacher chhelo deuh neih hi kan phu ve lo mi" dawhkan ben rik chawrh pah chuan ka ti a, Hyemi erawh a nui suk ringawt..
"I va ho tak, teacher hmel i en a niang chu, an thiamna hi en zawk ta che" nui vur vur chung chuan a rawn ti a
"Ve che..i bialpa hmelchhiat vang mai a, khatia han tih"
"I zak em a..ka bialpa te chu a hmeltha em mai, i lo star reu reu ange" a tih chuan ka ner sak, a bialpa Jung Ho-seok, class 12 sec A a mi..keini hi sec B kan nia..
Class 10 kan nih lai atang tawhin Hyemi nen hian an in ngaizawng tawh, an induh ve hlar hlar a nia..Jhope hi chu a hmel hi chu a tha tehchiam lo na in, a zaidam lutuk a, ka hmu hmeltha tep..het het, Hyemi bulah a hmeltha tih ka sawi chuan a nui tawp thei lo palh ang..
Lunch break a zo a, lunch breaks zawh chiah hi ka ninlai ber a ni thin, a chhan chu kan lo in eipuar a, mut a chhuak duh em a, mutthluk ngam bawk silo, kan English miss lah a kawlh ropui si a, min hrem ziah lehnghal..hrem zingah chuan ka tel vek hrim hrim bawk a..
"Hyemi, reilote chiah ka muhil dawn" ka sawi zawh rualin ka bag khanin ka mu nghal, mut hi chu a van nuam tak, ka mut duh vang hian school ka tlai pah ziah lehnghal...
Cont
A ngaihnawm em ang chu maw..🤣 a chhiar tu thu thu a ni mai..
