Oops! This image does not follow our content guidelines. To continue publishing, please remove it or upload a different image.
"Sarah, i school dawn lo a mi, tho tawh ta che" ka nau in min rawn sawi harh nawk nawk pah chuan a ti a
"Umm..kal dawn lo"
"Ngati maw"
"Ka damlo, lo va kal mai rawh"
"I na viau em, ka lo awmpui mai dawn che mi"
"Aih..kal rawh"
"Vawiin ah anu te pawh an rawn haw dawn a nia, i ngaihtuah awm lo taktak maw"
"Umm..ka tha" ka ning, ka nau pawh hian ka damlo taktak emaw a ti aniang, ka dam tha lutuk, ka harh lo mai mai a ni
School tan hun anih chuan ka lung a leng riau lehnghal, frist period ah sir Taehyung a rawn lut dawn si a, min hmu lo chu mak a ti ve deuh mai thei a ni, Jason pawh a mah chuahin a thu awm si a, a khua a har mai thei bawk, ka lo kal loh chu ka inchhir leh hnuhnawh viau mai..
Chhun thil ei hun awm velah ka nu leh pate zin pawh an rawn thleng a, damlo der ka nih avangin nat hmel deuhin thuthleng ah ka lo mu a, khua a lum tehreng nen, puan ka la sin zui, ka alh lo chuah
"Sarah, ngatinge school i kal loh, i damlo a mi" ka nu aw nghe² a hahdamthlak e
"Ummm" ka aw pawh a chhuak tha thei lo velin ka hria, ka damlo taktak mai dawn..
"I englai nge na.. damdawi i ei em" ka chal chu a rawn dawm nghal vat a, ka tah a chhuak ut ut lehnghal, ka nu chu ka kuah bet thlawp a, ka ngai lutuk ringawt..
Ka damlo hi chuan ka pangchang thin hrim hrim a, mahse tunah ka awmdan erawh thikna vang a ni, thil hrechiang lovin ka rilru a hah em em a, sir hian bialnu a lo nei leh silo phei chuan ka hahthlawn dawn tihna a nia, aaa..mahse pawi lo, nakinah nuih tiza tu a la ni leh tho ang..
Taehyung p.o.v
"Good morning sir"
"Good morning class..sit down"
Roll ka call nghal mawlh mawlh a, nimin ah Rose ka hmuh atang khan ka mood a dang vek a, sarah pawh extra class ka thulhpui Lehnghal, keimah mimal thil avanga, ka zirlaiin a tawrh pah ngawt chu ka inthiam lo viau..
"Khawinge sarahi" sarahi school a rawn kal lo amaw.. engvang nge, school te chu a attendence tha viau si a, engvanga kal lo ngawt nge a nih le..keimah vang te a ni thei angem..aaa..ni lo ang, a in tuha lo em mai
"Sir sarahi chu a dam lova" Jason in a rawn tih chuan ka awm a nuam lo nghal, a hrisel tha viau si a, engvanga damlo thut nge maw a nih le..
"A enge na a"
"Ka hre chiah bik lo sir, nimin tlai atang khan a nuamsam vak lova, ka lu a na a ti reng a" Ka ngaihtuah angreng hle mai, a na viau angem le..
"Awle, inlehkhabu phawrh ula, test tur kha zir ru le" sarah damlo vanga buai nge ka nih a, Rose ka hmuh leh vanga buai zawk, ka rilru ah zirlai lampang pawh a lut thei lo, heng hmeichhe pahnih te hian min ti buai takzet
