💜MY SEXY TEACHER💜
💜 TAEHYUNG FF💜
EPISODE FIVE
______________
Ka zung zo chu ka thawl deuh huaiin ka hria, ka zang vah mai
Zai rat rat chung chuan classroom lam ka pan a..
Lunch break a zo a, chawhnu class kan tan a, a ngai te bawkin miss heleni subject chu ka ning leh hle..
English hi chu aw, a va har tak, grammar zawng zawng thiam a ngai a, mahni pianpui lo tawng han zir reng mai chu a khamawm ve deuh a ni, lam dik lo lahin min hau nghal a, ka pianpui tawng a ni lova, nal takah ka tawng thei loh a nih pawhin min hriatthiam ve tur a nia, ani te chuan sap ramah a zir miau a, tih tak em ah te chuan sapho nen awmdun se, sap aw phawi ang chuan a tawng ve leh thei chuang awm miah silova, helaiah a tha ber awm ziazangin a ri char char a, kan miss chu nilo se chuan ka kek bu lawp duh tawh ang
A hmelthat tehreng nen, ka ngei vang nge ka hmu hmeltha thei tawh lo reng reng, bakah miss hian sir Taehyung hi a ngaihven deuh tlatin ka hria, a lo ngaizwng ru reng pawh a ni mai thei, kan school ah sir Taehyung a lo thawh atang khan a inchei nasa zualin ka hria, lan mawi loh hi a hlau ngwih ngawih in ka hria..
A explain mawlh mawlh a, a tawng te hi ka rui dawnin ka hria, ka mut a rawn la chhuak emem zui, ka mutthluk vaih chuan min hrem leh ngei awm si a, teacher ho lah hian min hrem hi an chak zek zek hlawm a, lehkha ka thiam lo vang nge, min zuam bik deuh tlatin ka hria..
Bell a rawn ri a, miss pawh a chhuak nghal vat a, office thlen hlan a nghakhlel a ni mahna..
A ngai te bawkin kan class chu kan tawng ri leh mup mup a, benchhen lamah hi chuan pakhatna kan ni ang, sawi tur hi kan hre hlawm thei bik reng reng..
"Test tur kha i thiam em" Hyemi in min rawn zawh chuan ka harhchhuak zawk, test tur kan nei tak e, thiam chu khawilam ah, engmah ka zir lo hrim², sir Taehyung bulah hi chuan a chhe zawngah lan ka duh lo a sin le aw..
"Aih"
"Lungngai suh, thiamlo an tam leh dawn tho, kan class te chu nangbak ah hrechiang an awm lo" min hnemna lah hi a lawmawm tehchiam bawk silo, keimah chuah thiamlo tur ka ni lova, ka rualah hrem hmabak chu tamtak an ni
Sir a rawn lut a, nidang ang chu nise ka khi leh vur vur tawh ang
A hmel atang lah chuan kan test tur chu a phur hmel emem lehnghal, a hlim rei hauh lo ang le..
"Le..in lehkhabu khungtha vek ula, kan test tawh dawn e, in thiamdan ka hre chak tawh hle mai, tha deuhin in chhang theuh dawn nia aw" nui sang chuan test paper chu a sem mawlh mawlh a, sir hi ka khawngaih lawk angreng hle mai, kan thiamlo zia a hre telh telh dawn si a, a mangang ru viau thei bawk, hlim tak sawn a la nui reng thei angem, tih ka hre chak takzet..
Kan test mawlh mawlh a, questions lah chu a set tam emem lehnghal a, ka va ning tak, a dik zawnah thai rawh tih bak thiam ka nei lo, chu pawh ka la risk zui, a question dang chu questions ka copy vel maimai...
Ka hawikual a, Jungkook chu a ziak mawlh mawlh bik a, ka thiamlo ti chungin a ziak char char bik a nia, hepa han pakhar zia hi chu..
Jimin lah a hawikual chhen a, ziah tur a hre bik lo a niang, min rawn hmuh chuan a nui vur vur a, tlem chuan a thlamuan thlak deuh, mahni chuah ah thiamlo ai chuan thiamlo dang an awm ve tih hriat chuan min ti thlamuang deuh..
Hun lah chu a kal muang emem a, darkar chanve rei tak a ni ang..
Ka pen hmawr pawh ka seh pawr vek tawh, ziah tur engmah ka hre tawh lo, sir lah a tei kual chhen a, ka lam a rawn kal apiangin ka ziak der ziah lehnghal..
A tawp atawp ah chuan bell a rawn ri ve ta, ka lawmzia hi..sir chuan paper chu a rawn khawn diat diat a, enge maw a hriat le, hepa hi a khi vur vur reng ringawt..
"Awle..in test paper hi zan inah ka lo check anga..naktukah kan sem lehnghal dawn nia, in thiamzia ka hmu chak tawh kher mai, full mark in hmu vek ka beisei" khi vur vur chung chuan a ti a, sir hi aw..a khi rei lo ang chu, zanin ah a check anga, a meng phar awn awn thei ang, a bikin ka paper a check lai phei chuan a tluk tawp thei ka ring, naktukah chuan a mood a chhe vek dawn sia, ka van peih lo lawk tak, saw tiang sawn nui reng se, hlim reng se..hmuh a nuam a sin le..
Sir chu paper pawm chung chuan a chhuak a
"Hey..Jeon Jungkook, hmela, pakhar pa, ka thiam lo ti chungah ziak theuh thei" Jungkook chu ka au nghal a..
"Ka thiamlo taktak alawm... sir in a check hunah chuan a tluk tawp thei ka ring" nui var var chung chuan a rawn ti a
"Jimin hawi nasa lutuk kha, a ring a herh dawn emaw ka ti hman a" Jungkook in a rawn tih chuan kan nui var var a..
"Sarah zwk alawm, a thiamlo hmel kha ka hmu chak a, a chhiat reuh mai zia chu"
"Ve che..Park Jimin, hmeltha min tih em kha"
Kan class hi chu kan in pawh a, han thutak run lah kan awm lo, duh deuh kan lo nei a, kan duh thu kan sawi pawn..an nui nghal vek zel, engkim hi a kal dik lo laklawh tawh a, kan ngaiho vek tawh..
"Sir kha ka khawngaih e" Jungkook in a rawn tih chuan "engati maw" Jimin nen chuan hriat chak hmel zet chuan kan ti rual a
"Ka test paper kha mawle..class 8 kan nih laiah kan zirlai ka ziak a, ka semdarh vel maimai a" nui vur vur chung chuan a ti a, Jimin nen in enin kan nui vur vur a, a hrilhai ngawt angle..sir hi ka lainat em mai, a rawn thawhna a la rei lo teh lul nen, bansan a chak ngawtin ka ring..
Ban dar a rik meuh chuan bag pawh ak tha hman lovin kan tlanchhuak dawr dawr a, kan thianzaho innghah khawmna thin library kawtah chuan kan in nghak sap sap a, kawng chanve vel chu kan kal ho vek thei a, mahni chuahah haw ai chuan thiante nen ah haw chu a nuam daih zawk..
Naktuk chuah school kal a ngai tawh bawk a, weekend hman dan tur rel leh vat a ngai dawn a ni..
Sir pawh office atangin a rawn chhuak a, a car awmna lam a pan lai te chu ngun takin ka thlir a, a perfect hliah hliah, engtikah emaw saw a car ngei sawn min la lenkual pui awm sia, mahse awi, naktuk ah min hau ngei ngei angle...damlo daih a, school kal lo mai ka duh
A rwn hawi a, min hmuh chuan min nuih vur vur chungin min rawn bye bye a, rangtak chuan ka bye let ve nghal, a car ah lutin a tlan chhuak nghal a, min hlat telh telh a, ka ngai telh telh mai, an inah lenchilh mai ka duh, mahse ka ngam bawk silo..
Cont
A tawi tiraw..🤣🤣 lockdown a ni tawh bawk a, zantin ka rawn dah thei tawh turah ngai ang aw..
In vaiin muttui, chhiar nuam vek ule😘
Please...Vote and comment...
