Oops! This image does not follow our content guidelines. To continue publishing, please remove it or upload a different image.
Kan eikham hnu chuan sir chuan "ka thlah ang che" a ti a, ka beisei lo lam daih a ni, ke in min haw tir a tum a niang ka lo ti rilru tawh a..
"Ka lawm e" car ah lutin kan tlanchhuak nghal a
Kan in awmna te chu ka hrilh a, hrilh loh pawh ni ila, a hre tho sia
"Sir min treat avangin ka lawm lutuk e aw"
"Keipawh le...i pass ziah chuan ka treat ziah ang che" lehkhazir ve duh tak tak na ka nei hial a ni
"Ka pass ziah chuan i pawisa a hek dawn lutuk a sin"
"A pawi ka ti lo, i pass ka duh ber" min lawmpui ve taktak in ka hria, pass zel thei ila ka ti ngawt mai..
Kan inkawt kan thlen chuan seat belt phelhin chhuah nghal ka tum a..
Ka banah rawn vuanin engemaw sawi tum niawm takin a ka a ang zuai tawh a, mahse a ngawi leh daih
"Tha deuhin i zir dawn nia aw" a tih chuan ka bu lauh a
"A nih mangtha aw, sir" inchhung lamah ka tlan lut nghal, sir bulah ka awm rei lutuk chuan ka dik lo zo vek thin, a mi uap a na em mai, bakah ka nihna lo deuhah lan zel ka ngai sia, Jason bulah te chuan ka mizia thup a ngai lova, sir hi chu ka duh em a, ka inthlahrung deuh hlek a ni
Inchhung ka luh rual rualin ka nu leh pate ka au nghal chuk chuk a, min zinsan reng bawk nen kan inhmu khat hle, an hmel ka hmuh chuan ka ngai tih ka hrechhuak chiah..
"Thil hmuh tir tu che u ka nei" ka bag atang chuan ka test paper chu ka la chhuak a, ka nu chu ka pe nghal a..
An vai chuan mak tihna leh lawmna in an khat, ka nu phei chuan min kuahin a tap deuh in ka hria
Heti khawp hian an lawm a nia, hei aia mark tha hmu phei ila chuan ka pa hi khuangchawi a tum ang ka ring
Ka chhungte hmel hlim chuan phurna nasa tak min pe a, an fanu laktlak lo tak ka pass ta mai hi an hnuk te pawh a ulh deuh a ni mahna..
Pass ve zelna chakna in ka khat a, zir ve taktak tawh ila tha ang, mahse hi a awm thin, mahni chuah chuan lehkha zir hi chu a ninawm thlawt..
Chaw eilai chuan ka nu chuan"bialpa hmeltha deuh i nei a mi" a tih chuan ka chaw eilai ka phuh chhuak tep..Ka nau in a lo sawi a ni ngei ngei ang, Jasona hi fel a tiin a ngaina em em a, Jason pawn a duat thiam lutuk, Jason nilo mipa dang ka kawm a phal tawh meuh lo chu a nia, sir zawk ka duh tih hria se phei chuan ka chhungte hi mak tih luatah an tluk tawp thei ka ring a ni..
Zingah chuan a ngai te bawkin Jason chuan min lo nghak leh ran tawh a, a hmeichhia zawk nghah ka ngai ziah a nia, a zahthlak ve det alawm le..
Min nuih vur vur pahin chocolate min pe a, kan inzui nasa ve tawh bawk a, ka lawmzawng leh ka mizia hi chu hre hneh ve tawh tak a ni
