أصعد الدرج والحظ🍀 ينزل بالمصعد

الجزو الرابع

بعد إسبوع من الكلام دا البنات كانو قاعدين يتمشو في الجامعة  المحاضرة بتاعتهم إتلغت ، لينا كانت مغيظوة

_ لينا : يعني هسى ما عجبهم إلا يلغو المحاضرة 😣
_ رماز : عليك الله أسكتي يا دودو القراية 🐛 ما تحرقي لي دمي ياخ بركة نرتاح من الدكتور دا 😀 ، والله ماف زول محظوظ غير فدوة ما جات من البيت
_ و منو القال ليك أنا زعلانة على المحاضرة أنا زعلانة على نومتي القطعتها 😴 ، و خسارت اللبسة الوسختها في الفاضي و (هنا يارا قاطعتها)
_ يارا : و منو القال ليك في الفاضي 😀
( الإتنين ردو عليها مع بعض ) : كيف يعني 😄

ويتفاجأو ليك بي رماز   الجرت  ناحية الشجرة 😓 ، مشت هبشت الشجرة وقالت بصوت عالي : خشبة 😁 ، و جات راجعة ، وديل لسة مصدومات من المنظر الشافو
_ رماز : هاااااي مالكم ، ( وبقت تحرك في يدها قدام وشهم )
_ يارا : الله يهديك يا رماز
_ لينا: أها خلينا من العبيطة دي كنتي بتقولي في شنو
_ قلت ليكم بما إنو المحاضرة إتلغت والوقت بدري 😪 بتفكرو في الأنا بفكر فيهو 😉
_شنو
_ أي نعمل شنو 😕
_يارا : إستغفر الله العظيم من كل زنبا عظيم 😠 ؛ ياربي عملتى شنو أنا في حياتي عشان يكون عندي صحبات متخلفات زيكم 😔 ، إتحركو قدامي أرح إتني حتسوقي يا رماز
_ وين ماشين
_ ماشين المول

وصلو المول قعدو يتسوقو  ،لينا و يارا مشو إشترو مع بعض ، لينا إشترت طرح و شالات حلوة ، أما يارا فلو عليها تخم المول كلو 😂 ما خلت ميكب ولا لبسة ما إشترت قربت تفلس بي أهلها الحمد لله لينا منعتها ، أما رماز فكانت أكتر واحدة شفته فيهم 😎
مشت الكوفير عملت بدوكير و منوكير 💅 ، و قاعدين يعملو ليها حمام زيت في شعرها 💆 ، ( نمشي نشوف ناس يارا ولينا بعد ما كملو شرا )

لينا :  عاجبك كدا تلفليفيني المول كلو 😫 ياخي رجليني و جعوني

يارا : أصلا الشوبنج كدا حبيتي أنا 😌
_  أول حاجة شوبنج في عينك إسمو تسوق تاني حاجة إنتي كملتي مصروفك كلو يا زفته 
_ لينا أنا نسيت أوريكم حازم مشتاكل معاي ليهو فترة  ، وانا كلمت فدوة قالت حتساعدني ، لكن هو للأن ما اتصل 😔
_ إشمعنى تكلمي فدوة بس 😒 نحنا ما ناس
_ والله إتلخمت مع القراية  معليش والله ما قاصدة ⁦❤️⁩ بعدين هدي كلمتك قبل ما أنسى و بعدين بكلم رماز
_ عايني ما تكتري كلام أرح المطعم أنا جعانة شديييوووود 😂

و أخذت الفتاتان يتحدثان و هن في الطريق إلي المطعم يضحكان و يتسليان مع بعضهما ، كانت يارا سعيدة جدا ولكنها لا تعرف ماينتظرها ذهبت لينا لي تطلب الطعام ، هن يردن تناول الطعام في السيارة إقتربت يارا من طولتهن المفضلة لتجلس فيها  إلى أن تجهز الطلبية ، أصبحت تشاهد في الناس و هم سعيدون و يدردشو ن ، الأسر الجميلة 👪 ، منظر الأطفال 👧 وهم يوقعون الطعام على ملابسهم 😂 ، الأزواج الذين يتبين الحب ❤ من نظراتهم ، و لكن لفتت نظرها طاولة معينة ، و لوهلة ظنت أنها رأت فدوة  ( فركت عينيها  بيدها الرقيقة ) نعم إنها فدوة وتجلس مع حب حياتها حازم 💔 ويضحكان مع بعضهما

" يارا و هي بتتكلم مع نفسها"
ما صدقت عيني معقولة حازم  يعمل معاي كدا و مع منو مع صحبتي 💔 معقولة حب حياتي يتخلى عني كدا ، معقولة دا هو الكان بقول لي أنا بخاف عليكي من النسمة معقولة دا هو زاتو البكسرني و بكسر قلبي ، وفدوة ما تغيرت و لاحاجة  هي اتقربت مني و أخدت حازم عشان تكسرني زيادة .

---------------------------------------

رأيكم شنو في فدوة ؟
ما تنسو تصوتو للجزو 😘