أصعد الدرج والحظ🍀 ينزل بالمصعد

الجزء الثالث

بليز صوتو 😘

_______________

يارا بقت سرحانة و بتعاين جنب المكتبة )
_ رماز : يازفته بتعايني وين ( رماز إتلفتت لي الحته البتاعين ليها يارا و بقت مبحلقة😓)
( الشمار زاد عند لينا 😂 الحاجة الخلتها تعاين معاهم )

بالقرب من مكتبه الجامعه كان هنالك شاب يرتدي نظارة شمسية 😎 يقف و معه بنت تبدو عليها ملامح الخبث يتحدثون و يضحكون مع بعضهما
_ رماز : غايتو محن 😑
_ لينا : فعلا الطيور على أشكالها تقع 😡
_ و الخبيثون للخبيثات ، عليك الله يا يوري ما تحرقي روحك بالفقر ديل ( واتلفت عليها واتفاجأت لما لقتها لسه سرحانة)

فلاش باك
---------------
_ عاين بكرة عندك محاضر الساعة ١١
_ حازم : لا لي 😕
_ عاوزة أعرفك على صحباتي 😀
_ خلاص تمام لي بكرة

(بعد ما إتكلمو شويةكدا )
_ يارا أنا نعست خلاص بكرة عندي محاضرة بدري
_ طيب تصبح على خير 😔
_ و إنتي من أهلي يا يوري 😍
_ ما تقول لي الأسم دا 😡
_ أوك حاضر
بعد ما أكملت مكالمتها مع حازم إستلقت على سريرها تنظر إلى السقف كانت تشعر بفرحة عامرة لأنها وأخيرا وجدت حب حياتها ، فتحت صورته على هاتفها و لما تشعر بنفسها و هي تغفو 😴

( الكلام دا قبل تلاته. سنين يارا كانت برلومة ، و شلتها كانت بتتكون من أربعة بنات هم يارا و رماز و لينا و واحدة إسمها فدوة ، فدوة ما بتحب يارا بتشمها شديد دائما بتقلل من قيمتها )

اليوم التاني بعد ما خلصنا محاضرات قعدنا في الكفتريا
_ لينا : يا بتي حازم بتاعك دا حيجي متين😕 ؟ أنا اتأخرتا 😔
_ يارا : عليك الله يا لينا إستني شوية
_ كويس بس خمس دقايق 😑
_ رماز : يا بت إنتي عبيطة تمشي هسى ، نحنا دايرين نشوف زوق يارا 😂
_ فدوة : عليك الله أصلا يارا ما عندها زوق 😏

" لينا حاولت تلطف الجو "
_ يارا أضربي ليهو ياخ
" يارا ضربت ليهو لكن لقت تلفونو مقفول "
_ يارا : تلفونو مغلق 😧
_ فدوة : أصلا إنتي يا يارا ما بتجيبي حاجة زي الناس هسى تلقيهو هرب
" يارا إتغاظت من كلام فدوة ، لكن برضو ختت ليها عذر يمكن ما قاصدة "
_ رماز : دا شنو الكلام البتقولي فيهو يا فدوة 😠

"تلفون لينا ضرب "
_ ألو ، طيب أوك جايا هسى ، معليش يا بنات حأضطر أستأذن عمتي في المستشفى 😔
" كلهم بصوت واحد " : ألف سلامة عليها
_ طيب يلا باي، ما تنسو بكرة تحكو لي 😉
ومشت
فضلو مستنين زي عشرة دقايق لحدي ما الباشا شرف 😑 : معليش يا يارا المحاضر بتاعنا لايوق أبا يطلع بالساهل
_ طيب ما مشكلة 😊 ديل صحباتي دي رماز
قام سلم عليها : إتشرفنا
_ رماز : شرف الله قدرك 😁
_ يارا : و دي فدوة
_ حازم : إتشرفنا
(فدوة ما ردت السلام لامن حازم إتحير منها)
_ رماز : ياخ يوري الزفته دي كل يوم قادنا بي سيرتك 😂😂، حازم عمل حازم سوى
_ يارا : أنتي حمارة ولا شنو 😠 ، مالك فاضحاني
_ ربنا يقدرني على فعل الخير 😝
_ حازم : ياخ إنتو ظراف 😂😂

( وفدوة لسه ما فتحت خشمها كانت سرحانة في حازم ) رماز لاحظت ليها😕 المهم إتونسو و حازم وصل يارا

( خلينا نشوف صفات حازم ، حازم أكبر من يارا بي سنة بقرا هندسة مدنية ، إتلاقو بالصدفة ، يارا كسرت ليهو موبايلو في أول يوم ليها في الجامعة ، كانت خايفة لمن ما شايفة قدامها و لسوء حظها طقشتو و خلتو يوقع الموبايل 😁)
يارا رجعت البيت وأخدت ليها نومة وقعدت تقرى
" يارا سمعت صوت رساله جاتها في الموبايل. ، يلا هنا إستغربت لما شافت الإسم 😕 ، كانت فدوة أول مرة فدوة ترسل ليها ، كيف و هي بتشمها ترسل ليها رساله و كمان مكتوب فيها (يارا حببتي )😒 ، يارا ردت عليها وبقو يتونسو "
و بقت كل مرة تتونس معاها ، يارا كانت مبسوطة إنو علاقتها إستحنت مع فدوة ( مسكينة ما عارفة الجايها شنو 😔😭) ، لحدي ما يوم كان متشاكلة مع حازم ، و رسلت لي فدوة
_ يارا يا سكر كيفك 😍
_ أنا ما كويسة يا فدوة 😫 ، إتشاكلت مع حازم 😔
_ واااي سجمي 😏 ، متين الكلام دا
_ من أمبارح 😭😭😭😭
_ طيب أمشي أتفاهمي معاهو
_ مبلكني 😣
" فدوة بتتكلم مع نفسها ، وأخيرا دي فرصتي 😈"
_طيب أنا ممكن أساعدك
_ كيف 😓
_ أديني رقمو وأنا بتفاهم معاهو 😪 ، بعدين أنا ما بقدر أشوفك زعلانة
( و أدتها رقمو)