أصعد الدرج والحظ🍀 ينزل بالمصعد

الجزء الثالث عشر

عدت أيام الإمتحانات بحلوها و مرها ، الليلة كان أخر يوم كنت تعبانة شديد 😫  رجعت البيت و أول شي عملتو رقدت نمت

كان صوت الذائب يعلو و يعلو و أنا لا أعرف أين أذهب ، حتى رأيته كان شابا وسيما يبدو عليه ملامح الإحترام و الأدب  يلبس ثوبا أبيضا مثلي كان يشير إلي للذهب معه ، كان هذا الشخص أملي الوحيد للنجاة من الذائب تحركت وراءه  إلى أن وصلنا إلى حافة نهر تملاءه التماسيح ، و عبر الجسر ، كنت أقف على حافة الجسر المهترء ، خائفة من العبور عليه ، كنت متأكدة من إني سأصقط في النهر لأنني غير محظوظة ، إتلفت إلي الشاب وقال : أرح أعبري الجسر بسرعة قبل الذائب ما تجي
_ ما بقدر ما بقدر إنت ما شايفو عامل كيف
_ أنا هسى عبرت
_ إنت صاح عبرت لكن أنا نحس ممكن أقع في النهر
_ إنتي جربي
إستمعت لما قاله و تقدمت إلى الأمام ، و أثناء ما أنا أعبر و قعت في النهر و تجمعت حولي التماسيح .

صحيت من الكابوس و أنا مخلوعة 😨: بسم الله الرحمن الرحيم  دا الشنو الحلم الكل مرة بجيني أنا لازم أمشي أخد لي دش .
بعد ما خلصت حمام حسيت بروحي جعانة نزلت تحت لقيت أمي بتجهز في السفرة قعدت أشتغل معاها ، كنت سرحانة بفكر لي تفسير للحلم البقى بجيني كل مرة دا 😢
إبتسام : يا بت هييييي
_ هااا 😓 في شنو
_ يا بت كشحتي الشوربة
يادوب أنا إنتبهت لي روح و أنا بغرف في الشوربة 😱 : معليش يا ماما
_ سرحانة وين إنتي يا بت اللذين 😒
_ ما في حاجة يا ماما

قعدنا إتغدينا مع بعض و إتونسنا مع بعض طبعا نرمين فتحت عيادتها الخاصة  و بقى إسمها على كل لسان ، طلعت غرفتي و فتحت تلفوني لقيت قروب الدفعة بتناقشو في موضوع الرحلة إتفقو إنها تكون بكرة في مزرعة أبو غادة إتونست  معاهم كتير و شغلتها ليهم ما حسيت بالزمن و هو بجري ، فتحت الدولاب و شلت اللبسة الماشة بيها بكرة و كويتها ، نعست شديد😴 بس كنت خايفة أنوم و أحلم بالكابوس تاني قمت مسكت تلفوني و بقيت بتصفح في الفيس شوية و ما حسيت بي نفسي و نمت
كنت في نفس المكان و في نفس النهر و مع نفس الشخص : يارا أرح عليك الله أعبري قبل الذائب ما يجو
_ إنت ما بتفهم قلت ليك بقع ، أنا نحس عارفة روحي 😢
_ طيب إتقدمي و أنا و أنا بساعدك
تقدمت قليلا و هو أيضاً تقدم ، وصلنا إلى منتصف الجسر أمسك بيدي و قام بسحبي إلى الضفة الأخرى
_ معاي تاني ما بتحسي بي خطر ، و حأساعدك في إنك تتغلبي على نفسك الدايما بتحطمك و بتقول ليك إنتي ما محظوظة 😊
صحيت على صوت النباه بتاع الصلاة ، قمت لقيت البيت لسة نايم عملتى لي روحي قهوة عشان ما أنوم تاني و افوت الصلاة و طلعت فوق في البلكونة بتاعتي بقيت بتأمل في السما و بسمع صوت العصافير 🐦  و بفكر في الحلم الجميل دا 😍 لكن لفت نظري الزول النط من الحيطة 😱 : الليلة وبعلي حرامي أسوي شنو أنا ياربي و البيت لسه نايم و انا الوحيدة الصاحية ، هسى لو كوركت أمي بتتخلع هي براها عندها الضغط 😫
قمت خميت بطانتي و دخلت المطبخ و شلت أكبر مفراكة فيك يا سودان إدبيت ورا بابا الصالون و أول ما فتح الحرامي الباب رميت فيهو البطانية و وقعت فيهو ضرب إشي شليت إشي خبيت نرمين مرقت من الحمام الجنمب الصالون و جاتني جارية : واااااااي حرامي 😭
_ ما تقفي تعايني لي أرح أضربي معاي
نرمين وقعت فيهو بوكسات و أنا شحطتو بالمفراكة و الحرامي بكورك ساي
مالك جا داخل علينا وشايل شنطة : دا شنو دا
(أنا و نرمين ) : حرااااامي تعال ألحقنا يا مالك
_ وينو الشافعي الإسمو كريم خاليكم تدقو في الحرامي براكم
نرمين : أجي يا مالك إنتى جنيت و لا شنو كريم في الإمارات
يارا : إنت شكلك مشتاق ليو شديييييد 💔 لمن بقيت تهلوس بيهو
_ يا متخلفات كريم جا من السفر و دي شنطتو بس هو وين
" نحنا سكتنا وقفنا ضرب " لما سمعنا الصوت الطالع من تحت البطانية : أنا هنا
رفعت البطانية و لقيناهو كريم 😱 شكلو كان زي الفار الطاقهو مطرة 😂
نرمين : وااااي سجمي حالتك صعبة أنا ماشة أجيب ليك تلج 😅
أنا و مالك رفعناهو من الأرض و كنا كاتمين الضحكة 😂
يارا : يا ولد أفتح خشمك قول شي و لا يكون إتخرصت 😂( مالك بقى يضحك )

كريم : هاهاها ظراف 😒 تضربوني و تضحكو علي آه يا زمن  
نرمين جابت مكمدات التلج شلتها منها و ختيتها في جبهتو : ياختي جميلة و هي زعلانة ( و بقيت بجضم فيهو ) 😂😂😂
ماما جاتنا في الصالة و لقتنا بنتونس
_ كيمو حبيب ماما 😍 لي ما قولت لينا إنك جاي
_ قلت أعملها ليكم سبرايز بس إنتو ناس ما بتنفع معاكم المفاجأت 😒
_ لي مالك ؟
_ أسألي بناتك 😑
حكيت لي ماما القصة و قعدت تضحك 😂  : هو في زول نصيح بنط بالحيطة 😂
مالك : إنتي عارفة يا أمي إنتي ما مدياني نسخة من المفاتيح 😅
_ ما كنت عارفة حيحصل كدا خلاص بديك المفاتيح تعمل كم نسخة منها 😂 ، عاينو صرة الوش 😘
كريم : أنا قايم أصلي 😒
أي زول قام صلى و نرمين عملت الشاي و إتونسنا