أصعد الدرج والحظ🍀 ينزل بالمصعد

الجزء السابع عشر

للأسف الشديد الإجازة إنتهت 😔 ، قضيت أحلى أيام في فيها مع جنون كريم و حنان بابا اللي زمان منو نزلت سنة خامس و طبعا فيها بس إنشغلت مع القراية  حتى إني خففت طلعات مع البنات 😂 ، في يوم بعد خلصنا من المحاضرات كنا قاعدين في الكفتريا  بنفطر شفت ليك لينا و رماز قاعدين يعاينو بي وراي 
_ في شنو ؟ ( و إتلفت ورا )
لقيت جواد واقف مع أختو و بتكلمو مع بعض و هنا إتذكرت الولد الفي الحلم كان بشبه جواد 😲
رماز : أحي الولد دا التقول نازل من الجنة 😍
لينا : حظها غادة عندها أخو محترم زيو ، يارا يا يوري معانا إنتي ؟!
_ إيوا رماز هي غادة إسمها غادة منو ؟
_ إسمها غادة أحمد ، بس لي 😐
_  ساي 😂
رجعت البيت طوالي لقيت كريم في الجامعة و بابا في الشغل ، أول حاجة عملتها فتحت اللابتوب بتاعي بقيت بفتش في صفحة جواد في الفيس ، يمكن كان شفت كم صورة ليهو بعرف هل هو الولد الفي الحلم ولا لا ، بس ما لقيت صفحتو 😭 قمت ضربت لي رماز
_ رماز إزيك 😍
_ مش كنتي معاي قبل شويه ضرابة لي مالك 😒
_ يخسي عليكي 😠 ، المهم أنا عاوزة أسألك من إسم غادة الكامل 😌
_ عاوزة تعملي ليها بطاقة و لا شنو 😂 ، و لا عاوزة تعرفي إسم جواد في الفيس 😉
_ 😱 إنتي دايماً كاشفاني بس كيف عرفتي 😐
_ حاسة سادسة ، المهم إسمو جواد الشيخ
_ طيب شكرا 😜
بحثت عن إسمو جاني كم زول بقيت بفتش بيناهم لحدي ما لقيتو 😻 واااااي صورة رهيبة مبالغة ياخ شفت صفحتو كلها و كدا إتأكدت إنو دا هو الكان في الحلم 😍😍 بس كيف و هو أصلاً ما معبرني ، فرحت شديد إني لقيت الزول الفي حلمي و بقيت برقص و بغني سوداني على مصري 😂  ، نرمين جات داخلة لي في الأوضة بقت عاملة كدا 😲 : الجن و لا النفسيات
_ عليك الله طيري و أقفلي الباب وراك 😒
_ أصلاً طايرة معقولة أقعد و أشوف التخلف دا ( و قفلت الباب )
واصلت غنى لحدي ما سمعت صوت إشعار فتحتو لقيت " تم قبول طلب الصادقة " من منو من جواد 😱
كنت عارفة إنو الحظ 🍀 لازم يخرب لي أي حاجة حلوة 😒 هسى الولد يقول علي شنو خفيفه و لفيفه
إتوترت شديد و ما عارفت أعمل شنو غير إني حظرتو أيوا حظرتو مالكم مستغربين 😂، دي الحاجة الوحيدة الله قدرني عليها يادوب كدا إرتحت نزلت تحت و قعدت أحضر في فلم كريم جا داخل كان حالق شعرو الكتير آخر حاجة كنت ممكن أتوقعها 😂
_ نعيما
_ أنعم الله عليكي 😜
_ مالك جنيت و لا حصل ليك حاجة
_ تغير لذيذ