أصعد الدرج والحظ🍀 ينزل بالمصعد

الجزو الخامس

لينا شالت الأكل و اتحرك ناحية الطاولة القاعدة فيها يارا لكن لقتها مافي 😨 ، بقت بتفتش بين الناس لكن ما لقتها 😔 ، و أثناء ما هي بتفتش شافت فدوة قاعدة مع واحد مديها ضهرو ، مشت عليها و هي بتقول :
_ دودو ، وانا أقول مالك ما جيتي الجامعة الليلة ، أتاريك بتخلطي
( لينا سكتت لما شافت القاعد معاها )
_ فدوة البقعدك شنو مع حازم 😓
_ و لشنو ما أقعد مع حبيبي 😌
_ حبيبك شنو ، إنتي جنيتي 😠 ، و يارا يارا شافتك
_  أمشي أسالي صحبتك 😏

لينا وهي بتحمر لي حازم : و إنت ما عندك شخصية 😤 هسى يارا عملت ليك شنو عشان تعمل فيها كدا 😠
_ حازم : ما ليكي دخل  😒
_ لينا : أنا نفسي أعرف إنت ما بتشوف ولا شنو هسى دي ما بتسوى شعرة من يارا 😡
( وأصواتهم علت 📢 )
لينا أتذكرت إنو مفروض تفتش يارا
_ لينا : أنا البقعدني مع أمثالكم شنو  😒 ( و مشت)

( لينا لفت المول كلو فتشت كل محل  ما خلت حته ما فتشتها  و لسه ما لقتها 😔، لينا قلقها زاد على يارا خافت تكون عملت في نفسها حاجة )
_ ياربي مشت وين 😭 فتشت المول كلو و مالقيتها حأشوفها برا
( لينا مرقت برا المول و بقت تفتش في الباركينغ   و برضو ما لقتها ، لينا غلبها تسوي شنو ،  رماز ضربت ليها  )
_ رماز كويس إنك ضربتي ما كان عندي رصيد أضرب  ليك ( و بقت تبكي 😭)  يارا يا رماز
_ يا بت بسم الله يارا معاي نحنا في العربية من قبيل منتظرنك
_ بالجد 😰 الحمدلله أنا جاية

        ( في العربية )

يارا كانت كانت بتبكي بي طريقه هستيرية و رماز قاعدة معاها في الكنبة الورا
_ يارا عليك الله خلاص ما تبكي عشان واحد ما يستاهلك ، هو لو كان بحبك بالجد ما كان عمل معاك كدا
" يارا لسه مواصلة بكى "  رماز كانت بتحاول تهديها بأي طريقة ، لحدي ما لينا ركبت العربية
_ يارا إنتي كويسة 😦 ، فتشت عليك في كل حته
         (يارا ما ردت )
_ حصل شنو يا رماز ؟
_ طلعت من الكوفير بدري لأنو كسرت حنك قص الشعر  💇، قلت أمشي ليكم في المطعم ( عارفاهم بكونو هناك 😂 )  و أنا ماشة أشوف ليك يارا واقفة مع حازم و فدوة و قاعدة تبكي 😭 و تضرب في صدر حازم ، أنا جيتها جارية ، لقيتها بتقول لي حازم : حازم أنا بحبك كيف بتعمل فيني كدا وين وعودك الزمان ، تتزكر لما كنت بتقول لي حأكون معاك طول العمر  💔 ( أحي ما عجبني ليها و الله 😫)
_ يارا خير 😟 الحاصل شنو
_ ألحقيني يا رماز حازم بيخوني ما فدوة 😭😭
حازم : عليك الله ما تنقي لي في راسي 😒
رماز : هاااااااي حيلك حيلك إتكلم مع صحبتي زي الناس يا باطل
فدوة : حزومي حبيبي 😌 ما تشتغل بيهم يا بيبي 😏
_ إحترمي نفسك يا فدوة خسارة العشرة البيناتنا 😤 ، " إتلفت لقيت يارا مشت بعيد ، جريت حصلتها و ركبتها العربية ، وانتي يا سجمانة ضربت ليك كم مرة ما بتردي
      لينا : معليش والله كنت ما مركزة كان همي ألقى يارا
   _ طيب خلاص تعالي أركبي جنبها عشان أسوق أنا

الطريق كلو كانو ساكتين ماف واحدة فتحت خشمها ، و يارا ملامح وشها إتغيرت من يارا البشوشة و الوناسة لي ملامح ما فيها أي تعبير 💔 (من أثر الصدمة ) ، وصلو يارا البيت إستنوها لحدي ما دخلت واتحركو ، في العربية :

_رماز : أنا كنت عارفة إنو فدوة ما ناوية على خير 😔
_ كيف يعني 😟

يتبع....
---------------------
كسرة القلب حارة ، يارب ما في زول يجربها