يارا رجعت للواقع بالضربة الأدتها ليها رماز "
_ هييييي براحة 😡 دا كتف على فكرة 😒
_ أسوي ليك شنو من قبيل بنادي عليك سرحانة وين يا السمحة
_ أنا لازم أمشي البيت حاسة بروحي تعبانة
_ لينا : والمحاضرة ، إنتي ناسية إنو فضل كم يوم لإمتحانات أخر السنة
_ رماز : أي والله خلاص فضل لينا سنة ونخلص من الجامعة دي 😀
_ أنا بالجد تعبانة و ما عندي مزاج 😫 لي محاضرة ، بقرها براي ما مشكلة
_لينا : أوعى يكون مزاجك إتعكر بسبب الكلاب ديل
_ أنا لازم أمشي ، يلا باي
( وصلت البيت و أنا زهجانة و ما قادرة أتكلم مع مخلوق ، مشيت بركنتا عربية سمر في القراش بتاع بيتهم و أنا نازلة من العربية سمعت صوت بوبي ( الكلب بتاع مهند ولد مالك ) و النباح لسه بعلى ، أنا أطمنت لأنو أكيد بكون مربوط ، بس حسيت زي الصبت فيني مطرة لما شفتو طالع من الممر و جاي علي بسرعة ، ما وعيت على نفسي إلا وأنا رافعة الإسكيرتي و جارية كتحت كتح في حياتي ما جريت زيو و الكلب لسة ساكيني وصلت حديقة بيتنا و قفلت الباب بسرعة و قفت ورا الباب و كدا يادوب شميت نفسي 😰 : الحمدلله الحمدلله فلت منو ، دخلت البيت لقيت أمي قاعدة مع مالك و بتحمر لي
_ شاكلتي أخوك الكبير لي يا يارا 😒
_ هو لحق يقول ليك 😑 تشاكليني أنا و لا تشاكليو هو فاكي لينا كلب ولدو دا
_ بوبي مالو هسى
_ إمشي أسألو قاعد قدام الباب 😒 بعدين الكلاب بربطوها ما بخلوها تسك خلق الله
أمها : سجمي أوعى يكون عضاك 😱 ، بعدين يا ولدي بالله عليك طير الكلب دا في أي دهية دا مخوف شفع الحلة يشهد الله من يوم جبتو ماف شافع بقى بمر قدام بيتكم
_ مالك : طيب أنا ماشي أرجعو محلو
طلعت أوضتي أخدت لي دش على أمل أنو الزهجة تروح لكن ما حصل حاجة ، نومت نومة طويلة كنت تعبانة من الجري الجريتو اللية جريت للجامعة و جريت من الكلب 🐶 ، ما صحيت إلا بنرمين و هي بتضرب فيني
_ قومي يا زفته مش عندك قراية
_ ياربي ما عندي مزاج لي قراية طيري من وشي
(نرمين بقت بتتكلم بي صوت طفولي 👶) : طيب ما دايرة تحضري مع أختك فلم
_ أحضري براك 😴
_ حتى ولو قلت ليك إنو فلم Us 😌 نزلتو في الفلاش بتاعي
( يارا نطت من السرير ) : بالجد 😀 أنتي عارفاني بحب أفلام الرعب كيف أرح قومي
يارا مشت تجهز الفشار ، أثناء ما نرمين قاعدة تركب الفلاش في الشاشة سمعت صوت صرخة يارا ، مشت ليها بسرعة : يارا مالك
_ الحلة تشتني 😭 دا شنو اليوم المن أولو زفت دا
نرمين ماتت من الضحك 😂😂
_ شكلك بضحك 😂😭😂😭😂 ، يا بت دي حاجة عادية
شالو الفشار و قعدو يحضرو في الفلم يارا عاينت لي نرمين : نينا
_ أنا مركزة في الفلم هسى
_ أنا مغيوظة شديد 😡 ، اليوم من الصباح واقع علي مصايب ، و الغيظة ما بتفك إلا إذا إتفشيت في حاجة
( نرمين خمت الفشار بي يدها و مدتو لي يارا ) : هاك إتفشي في دا 😀
( لكن هي ما كانت متوقعة اليارا عملتو ليها )
أنت تقرأ
أصعد الدرج والحظ🍀 ينزل بالمصعد
Fiksi Penggemarرواية سودانية /بقلم/ رقية كامل القصة جميلة جدا 😍، تستحق التأمل حبيت أعملها بقالب فيهو القليل من الكوميديا ، الحظ 🍀 عندو دور كبير في حياتنا ، إذا كانت أمور شخص متيسرة بنقول عليهو محظوظ ، أما إذا كانت أما إذا كانت أمورو متعسرة بنقول عليهو ما عندو...
