أصعد الدرج والحظ🍀 ينزل بالمصعد

الجزء السادس عشر

جا اليوم البابا يرجع فيهو السودان 😍 كنت متشوقة شديد لي سنة ما شفتو مشينا كلنا المطار بي مهند ، كنا منتظرنو لكن هو إتأخر 😞 ، و أول ما شفتو جاي علينا جريت و حضنتو
_ باااااااااباااا 😭😭😭😭😭😭 نورت السودان
_ بنورك يا حبيبت بابا
_ لي طولت مننا كدا 😢
جو الباقين و بقو يسلمو عليهو ، أكتر واحد كان مبسوط هو مهند لأنو بحب جدو شديد 👴 رجعنا البيت و أي زول فينا مشى إتخمد كانت الساعة ٢ صباحا نمت و ما صحيت إلا الظهر ونزلت تحت لقيتهم بجهزو للفطور
فهمي : صحى النوم في زول بقوم الظهر
_ 😴 كنت تعبانة
_ تعبانة من شنو
كريم جا ناطي قعد معانا : إلا كان تعبانة من الحوامة مع صحباتك 😂😂😂
_ أنا م سألتك
قعدنا نفطر مع بعض و بابا قال لينا : أنا ما نازل إجازة أنا عندي شغل هنا عشان كدا يمكن أقعد معاكم كتير المرة دي
نرمين : بالجد يا بابا 😀
_ مبروك العيادة
_ الله يبارك فيك 😂
_ و إنت يا مالك شغلك ماشي كيف
_ و الله تمام

بليل فتحت التلفون ما لقيت البنات رسلو لي قمت فتحت لي فلم أثناء ما أنا بحضر إتزكرت الحلم و كلام لينا بس دا منو الشاب دا 😢
جاتني رساله من بابا فتحتها لقيتو مرسل لي  " إبنتي العزيز إن أباكي يتضور جوعا هل يمكنكي إعداد العشاء له " 😂😂😂😂 بطني إتشرطت من الضحك قمت عملت ليها إسكرين شوت و رسلتها لي كريم
_ يارا أبوك دا جنا ولا شنو 😂 دا شنو البقول فيهو دا و لي ما بتكلم دارجي
_ بري ما بعرف
_ أمشي سوي ليهو العشاء لانو يتضور جوعا 😀

مشيت المطبخ بسرعة شديدة عشان أحصل الفلم و إتزلقت في الأرض و ضربت رجرلي بي رجل الطربيزة يلعن ابو حظ زاتو 😠 " شفتو لما لاعب الكورة بشوت الكورة وهو راقد بس بنفس الطريقة 😹) بقيت بصراخ : وااااااي رجلي
كريم كان ماري بي لما لقاني واقعة قام و قف و بقى بضحك : دا كلو من القطيعة في أبو 😂😂😂😂
_ تعال قومني بدل تقيف كدا 😒

قعدي في الكرسي و عمل لي موڤ في رجلي و لفاها لي بي شاش ،
_ بالجد شكرا يا كريم الله ما يحرمني منك ❤
_ على شنو ياخ 😅 بس فجأة قلبتي ظريفه كدا ساي من دون سبب ؟
_ أكيد لا بس عاوزة طلب بسيط
_ أنجزي 😒
_ إنت عارف رجلي واجعاني و ما بقدر أقيف في المطبخ عشان أسوي لي بابا العشا
_ و المطلوب 😧 أوعى تقولي لي أنا الحأسويهو
_. بالضبط 😌
_ بس أنا ما بعرف
_ أنا بقول ليك تسوي شنو 😂