أصعد الدرج والحظ🍀 ينزل بالمصعد

الجزء الحادي عشر

فدوة وقفت قدامي
_ خير يا طير 😑
فدوة ( بي إبتسامة خبيثة😏) : بالتوفيق

ما إشتغلت بيها كتير الزفته دي ، لكن نرفزتني الصراحة 😤
الإمتحان بدأ كنت متوقعه إنو يطلع صعب الشي الخلاني متوترة و خايفة أول ما إستلمت الورقة فرحت شديد لأنو طلع ساهل 😀 ، رماز كانت قاعدة جنمبي و لينا قاعدة قدام و فدوة بوراي ، القاعة كنت صانة و المراقب كان صعب شديد الصراحة أنا بخاف منو شديييييد و أثناء ما أنا بحل في ورقة صغيرة إتجعدت قدامي 😳 شكلو في زول رماها من ورا المراقب شافني : إنتي بعد الإمتحان تعالي لي
ياربي دي شنو المصيبة دي 😢 ، بقيت ما فاهمة للإمتحان شي ، أصلا حظي دايما  خاذلني ، بعد ما خلصنا الإمتحان مشيت ليهو في مكتبو
المراقب : شرفتي يا أستاذة 😒
_ و الله إنت فاهم غلط 😭 في زول جدع لي الورقة
_ ياخي غشاشة و كمان بتكذبي على العموم ما عندي كلام معاكي العميد منتظرك
_  العميد 😳 و الله أنا مظلومه يا دكتور
(  قام سفهني و لا أشتغل بي )
مرقت من المكتب لقيت صحباتي منتظرني
رماز : خير عمل ليك شنو 😧
_ قال لي العميد دايرك 😢
لينا : الليلة سجمك 😱 ما يقوم يفصلك
_ غيتو ما عمل فيني خير الرمى لي الورقة ( وقعدت أبكي ) 😭😭😭😭😭😭😭😭😭
_ ما في غير الحربوية فدوة
_ اي ما بعيد عليها
مشيت لي مكتب العميد وقفت قادم الباب و قلت : اللهم إنا لا نسألك رد القضاء ولكن نسالك اللطف فيه
ودخلت
_ إنتي يارا فهمي
_ نعم ( هنا لساني الطويل إنقطع 😭)
_ بتغشي في الإمتحان لي يا يارا
_ و الله أنا مظلومه ، و الله في الزول رمى لي الورقة ، و الورقة فاضية وحاتك ( و وريتو الورقة )
_ إنتي شكلك مسكنية و ما حصل زول شكى منك ، عشان كدا دا أخر إنذار ليك فاهمة 😒
_ بالجد 😰 شكرا بالجد ، و اوعدك تاني ما بكررها

مشيت لي ناس رماز لقيتهم متوترين أول ما شافوني جو جارين علي
لينا : أها طمنينا
رماز : أها قال ليك شنو 😧
يلا هنا أنا إستغليت الفرصة و عملت نفسي ببكي 😀
_ لينا عاينت لي رماز و قالت ليها : شكلو فصلوها
و انا مغطية و شي و قاعدة أعمل صوت بكى و بعاين ليهم بي غعر عيني
لينا : واااااي ما عجبني ليك يا صحبتي لكن ما مشكلة كلو بتحلى 😢
( الغريبة إنو رماز كانت ساكته و بتاعين لي لينا و هي بتواسيني )
لينا : عليك الله ردي يا يارا ( رماز قاطعتها ) : دقيقة

وجات و قفت جنبمي و قالت : عليك الله
_ اي 😭😭😭😭😭😭😭😭
و احس ليك بي لبعة قوية في ضهري 😰 اقسم بالله إتخلعت خلعة و نسيت التمثيلية
رماز : ما علي الكلام دا 😒 عاملة روحك فالحة وبتمثلي ، لكن نسيتي اهم جزو
_ شنو
_ الدموع  ، الدموع يا ماما على الأقل كان تكبي ليك موية في عيونك 😏
_ بالجد نسيت والله 😅
و لينا وقعت من الضحك  على منظرهم😂😂😂😂
لينا : يارا إنتي عبيطة 😂👊
رماز : هششششش إنتي زاتك عبيطة وصدقتيها  أها قال ليك شنو
_ ما عمل لي حاجة قال لي دا أخر إنذار ليك
لينا : حمد لله على السلامه ، لكن والله ما أخلي الحقيرة الإسمها فدوة دي 😬