أصعد الدرج والحظ🍀 ينزل بالمصعد

الأخيرة 💞

قشيت دموعي و عاينت لي جواد
_ في شنو يا يارا
_ جواد أنا لي حظي كدا 😢
_ كيف
_ لي كل الناس البحبهم بمشو بخلوني ، أول مرة لما إتأكدت إني لقيت حب حياتي إختفى ، و أخو البعتبرو سندي و كل حاجه حلوه في حياتي بين الحياة و الموت لي بحصل معاي كدا ؟
_ يارا إستغفري ربك ما في حاجة إسمها حظي كدا دي حاجات مكتوبة ، حازم ما كان من نصيبك و الحصل لي كريم دا قضاء و قدر و بعدين كريم لسه عايش إنتي بس أدعي ليهو
_ حاضر 😞

عدت الأيام و كنت بزور كريم كل يوم في المستشفى و بدعي ليهو في كل صلاة كريم غيرو ليهو نوع الكيماوي و طلعوهو من العناية المركزة
جواد دعمني كتير في الفترة دي شفت فيهو الجانب الحنون البخاف علي و برضى بزعلي و أخت إجازة من الشغل لأني كنت تعبانة نفسيا
في يوم رجعت من المستشفى رقدت في السرير جواد ضرب لي
_ اهلين
_ كيفك الليلة
_ جيت راجعة من المستشفى هسى
_ كيف لقيتي كريم
_ أبو يدخلوني أنا خايفة يا جواد
_ ما تخافي يا يارا ،كلو لي خير و بعدين مش نرمين قاعدة معاهو و بطمنكم عليهو كلو مرة
_ اي
_ طيب خلاص مالك مقلقة
_ حاسة إنو الفي البيت داسين علي حاجة تصرافاتهم ما طبعية
_ ما تشغلي بالك يا قلبي
_ قلت شنو
_ قصدي يا قلب أمك 😂
_ جواد عاوزة أساللك سؤال
_ إتفضلي
_ إنت بتحبني
و فجأة سمعت صوت الخط قطع ياربي أنا قلت حاجة غلط 😭 هو أصلا ما بحبني هو بعمل معاي دا كلو عشان أنا زي أختو 😢 هو قال لي الكلام دا بخشمو ، بقيت بين نارين نار مرض كريم و نار الحب من طرف واحد كانت أصعب أيام في حياتي 💔 عمري ما أتخيلت في يوم إني ممكن أفقد كريم ، نمت و أنا حاسة بي حاجة تقيلة بين صدري ، كان الهم الهم أصعب حاجة في الحياة ، هم إنو ما عارفه حيحصل شنو بكرة و إني ممكن أسمع خبر و فاة كريم في أي وقت .
صحيت الصباح على صوت تلفوني و هو بضرب لقيت مكالمة من نرمين أكيد كريم حصل ليهو حاجة 😭
_ ألو
نرمين : يارا تعالي المستشفى سريع
_ لي في شنو
_ الكلام ما بتحكي بالتلفون
قمت لبست عبايتي و مرقت سقت بأقصى سرعة عندي وصلت المستشفى و الغريبه المرة دي خلوني أخش غرفتو دخلت لقيتها فاضية 😨 كريم شكلو مات 😱 حسيت حيلي مات قعدت في سريرو و قعدت أبكي 😭 : لي يا كريم تتخلى عني كدا ، كيف تعمل كدا و تمشي من دوني 😭😭😭😭😭
لاحظت لي ظرف فوق صندوق في الطربيزة فتحتو قشيت دموعي وبقيت أقرى فيهو كانت نتائج تحاليل طبيه بأسم كريم كان مكتوب فيها إنو التحاليل نضيفة و الكانسر إختفى من الجسم ، طيب كدا يعني كريم عايش ، طيب لو هو عايش مشى لي ما قاعد في سريرو قلت الجملة دي بصوت عالي
و بعدها سمعت الباب بفتح و طلع منو كريم
أنا ما صدقت نفسي كنت حاسة إني بحلم جريت عليهو و حضنتو 😍

فلاش باك
----------------
جواد كان قاعد في مكتبو و بقلب بين الأوراق لما مالك جا داخل عليهو
_ مالك كيفك و كيف كريم
مالك قعد في الكرسي : والله يا جواد الجرعة الجديدة نفعت مع كريم و هسى نرمين ضربت لي و قالت لي إنو جسمو إستجاب الجرعة ، ما تصدق أنا مبسوط شديد ماشي أكلم أهلي
_ مالك ممكن طلب
_ إنت تأمر
_ عاين ممكن ما تكلم يارا
_ لي
_ أنا بقول أحسن نكلمها بعد ما كريم يبقى كويس و النتائج تبقى نضيفة كدا بكون أحسن
_ والله ما عارف لكن كدا حرام البت دخلت في حالة نفسية
_ عاين و بصراحه أنا داير أخطبها في اليوم دا و عشان تكون الفرحة فرحتين
_ مع إنها فكرة مجنونة شوية لكن عجبتني 😉

كريم بدأ يتحسن يوم ورا التاني و نرمين وصت أصحابها الدكاترة إنو ما يخلو يارا تخش لي كريم
و إبتسام كان صعب عليها إنها ما تكلم يارا لكن دا كلو لي مصلحتها ، كريم إتعافى و جا اليوم التطلع فيهو نتيجة التحليل الأخير ، كريم ما صدق نفسو لما شاف إنو النتيجة نغتف (_) و أول حاجة عملها إنو سجد لي ربنا و حمدو إنو نجاهو بالسلامة 🎉
________________________________________
يارا حضنت كريم : كريييييم حمد لله على السلامه
كريم : مفاجأة حلوة مش 😌
الباب فتح و العايلة كريمه كلها إتلمت
_ تعملو فيني كدا يا كلاب شكلكم زاتو 😠
إبتسام : و الله يا بتي أنا ما كنت رضيانة بالحصل دا لكن الأمر ضعيف
كريم : دا كلو من تخطيط نرمين و خطيبك
_ خطيبي منو أنا متين إتخطبت
سمعت صوت جواد من وراهم : و تنكري كمان 😒
و قرب مني و وقف قدامي : جواد زح من وشي هسى عشان ما أعوقك 😡
_ شكلك كيوت و إنتي معصبة. 😘
_ قلت ليك زح مني ، أمبارح قافل الخط في وشي و الليلة عامل خطيبي 😑 و لا و كمان عاملت لي مفاجأة أنا كنت حأروح فيها (سكت لما شفت الخاتم المطلعو من جيبو )
_ تتزوجيني 😅
_ خليني أفكر 😒
_ عليك الله ما تخربي اللحظة ، أنا يا يارا حبيتك من أول مرة شفتك فيها حبيتك بي كل تفاصيلك و بي ضحكتك و عفويتك بصراحه أنا ما كنت عارف حقيقة مشاعري إتجاهك لحدي لما قربتي تقعي من السلم .
دي قصه يارا ، يارا كانت بترمي كل حاجة على حظها ، عاشت قصة حب جميلة كانت أول إشارة ليها في حلم ، و بداية حبهم كانت في سلم .
نستفيد من الرواية دي إنو الحظ ما كل شي في الحياه ، و الفقدتو أصلا هو ما كان ليك .

إترقبوني في رواية جديدة في الأيام الجاية 😍
إسمها فصال بتتكلم عن مشكلة تدخل الأهل في حياة أبنأهم الزوجية و دا الرابط بتاعها https://my.w.tt/dayKRpJQE7

و ما تنسو التصويت
دي أول رواية لي إن شاء الله تكون عجبتكم