أصعد الدرج والحظ🍀 ينزل بالمصعد

الجزء العشرون

كنت بتكلم مع البنات مكالمة جماعية
_ بكرة مفروض أمشي أعمل الإنترفيو
لينا : ياخ إن شاء الله يقبلوك
رماز : آمين عشان الشغل يبقى حلو 😍
_ غايتو أنا حأمشي بكرة قاشرة و بالكعب العالي كمان 👠
_ رماز : يا بت الشركة فيها سلالم كتيرة
_ ما مشكلة ما تخافي علي 😘
ظبطت المنبه و نمت ، صحيت الصباح بدري و أنا مبسوطة ، لبست لبستي الجديدة كانت بنطلون أبيض و بلوزة بيضا و عليها جكت أزرق و لبست الكعب العالي عملت ميكب خفيف و طلعت و صلت الشركة
و سألت موظفة الإستقبال من مكان الإنترفيو قالت لي في الطابق الفوق طلعت في السلم  لحدي ما وصلت لي طابق كان ملان بي الموظفين سألت واحد من مكان الإنترفيو قال لي فوق وطلعت تاني في السلم لمن رجلي و جعتني و نفسي قام ندمت إني ما سمعت كلام رماز 😖 لحدي ما ظهر في السلم أخر زول كنت دايرهو ينزل جواد ، أنا من الخلعة الدخلت فيني كنت حأقع في السلم على ضهري 😰 لكن الحمد الله ثبتني قبل ما أقع : حاسبي
و مشى طوالي من غير ما يسلم علي 😤 حركة بايخة والله المهم عملت الإنترفيو و قالو لي إنو حيرسلو لي الموافقة  في الإميل
رجعت البيت و أخت لي نومة صحيت بي صوت حفلة في البيت  طلعت من الأوضة و أنا بتثأب 😴 و ما شايفة قدامي لقيت أمي و نرمين واقفين في السلم
_ خير في شنو 😪
نرمين : و الله سامعين صوت حفلة موسيقية 🎼 جوا البيت و ما عارفين جاية من وين نزلنا تحت و الصوت بقى يعلى و يعلى وقفنا قدام أوضت كريم و فتحنا الباب   لقينا كريم  و مهند مشغلين أغاني بأعلى صوت و قاعدين يرقصو 😂
إبتسام : ما شاء الله تبارك الله 😂 معلين الصوت على الأخر
مهند : حبوبة كريم قاعد يعلمني أرقص بريك دانس
نرمين : هنودي ما تابع كريم حيخربك 😌
كريم :  انتو شفتو الباب داك
يارا : مالو
_ ما تنسو تقفلو و انتو مارقين 😀
أي زول فينا لملم باقي جبهتو القصفوها و مرق 😂
قبلوني في الشركة و بديت شغل فيها كنا أنا و رماز في مكتب واحد زي ما كنا بندعي زمان و لينا طبعا خطبوها بت المحظوظة 😂 ، أما جواد فأنا ما كنت بحتك بيهو خالص بس بلاقيهو لما يكون عندنا إجتماع و علاقتنا رسمية جدا ، في يوم بعد ما قربنا نخلص من الدوام رماز كانت من الصباح سرحانة و كل ما تكون دايرة تفتح خشمها بتسكت
_ يا بت إنتي مالك من الصباح عاوزة تقولي حاجة 😕
_ يارا مش إنتي بقيتي قوية و ما بتأثر فيك حاجة
_ حشي في الموضوع طوالي
_ خطوبة حازم و فدوة كانت أمبارح
أنا صاح نسيت موضوع حازم و بقيت ما شغالة بيهو بس لما رماز قالت لي الخبر حسيت بي ضيق و كل أحاسيسي الأتجاوزتها رجعت لي حسيت بالإنكسار و الغدر
_ يارا خلاص الدوام خلص
_ هاااااا أنا عندي أوراق لسه ما خلصتها أمشي إنتي
_ طيب
أول ما رماز قفلت الباب عيوني دمعت 😢  ، ختيت راسي في المكتب   و قعدت أبكي ، سمعت صوت الباب بفتح و الزول الدخل خت الأوراق في مكتب رماز ، أنا قلت دي أكيد رماز رجعت تشوفني لي أنا ما مرقت معاها  عشان كدا ما رفعت رأسي  ، بس الزول قعد في الكرسي بتاع مكتبي ، رفعت رأسي و لقيتي جواد
_ آسف على الإزعاج بس جيت ختيت أوراق المشروع لي رماز
قشيت دموعي : لا ما مشكلة
_ إن شاء الله خير مالك بتبكي
سكت ما رديت ، بصراحه كنت محتاجة لي زول أفضفض ليهو كنت  تعبانة نفسيا ، لو حكيت لي واحدة من صحباتي أو أختي حيشاكلوني و يسمعوني كلام أنا ما بقدر أتحملوا
_ لو ما عاوزة تقولي عادي ، بس لكن أنا بنصحك تتكلمي عشان ترتاحي ، و يا سيت إعتبري سرك في بير
_ بصراحه كدا ( و حكيت ليهو قصتي )
_ ما تعبي روحك عشانهم  ، أصلا حازم شكلو كان بس بلعب عليك و ما بحبك ، البحب بالجد عمرو ما بخون و يا زولة ربنا رايد ليك خير إتخيلي إتزوجتو و خانك و إطلقتوا ، أما فدوة ففي ناس قلوبهم مريضة ما بتحب الخير للغيرها ، و مافي حاجة إسمها شلبتو منك العيب كلو على حازم السمع كلامها و إنتي تستاهلي زول أحسن منو
_ شكرا لأنك إتحملت كلامي الكتير 😢  بالجد كنت محتاجة زول أحكي ليهو ،ممكن أسألك سؤال