أصعد الدرج والحظ🍀 ينزل بالمصعد

الحزو السادس

و قد تأتينا المصائب على شكل أناس مرضى و ليس لديهم ضمير
-------------------------

تتذكري اليوم داك لما يارا عاوزة تعرفنا على حازم و إنتي مشيتي لأنو عمتك عيانة
_أيوا
_  فدوة كانت تصرفتها غريبة تصدقي في القعدة دي فدوة ما فتحت خشمها بكلمة 😯
_ هههههه كيف 😕
_ و الكان أغرب إنو كانت سرحانة فيهو ، و ما عملت حساب لي يارا إنو ممكن تتضايق
_  طلعت خسيسة شديد 😡 و أنا أقول لي بقت كويسة معاها بعد ما كانت ما بطيقها أتاريها عندها مخططات ، والمسكينة كانت قاعدة تحكي ليها مشاكلها معاهو

   " _نرجع لي يارا_ "
يارا دخلت أوضتها   جدعت شنطتها في الأرض  و وقعت في السرير بكى 💔 كانت بتبقي بي حرقة على الزول الوثقت فيهو ، و على صحبتها الإتنمنتها على سرها و سر سعادتها   ، كانت بتبكي على الأيام الحلوة القضتها معاهو و كيف هو باعها بالرخيص ، بتبكي على حظها صوت بكاها زاد لي درجة إنو نفسها كتم بقت بتنادي في أختها  بي صعوبةعشان تديها بخاخ الأزمة
     _ نرميييييييين  يا نرميييييييييييين 
و لا أحد يجيب ، حالتها زادت ولسة هي بتنادي في أختها  بي صوتها المتقطع ، قامت عشان تمشي ليها و قعت في الأرض و وقعت الطربيزة و الكباية الفيها ،  نرمين كانت بتقرا و مركزة شديد في القراية لكن لم سمعت صوت الكسير الفي أوضت يارا حست بأنو يارا يمكن يكون حاصل ليها شي مشت ليها بسرعة و إنصدمت لما لقتها واقعة في الأرض 😨
        _ ياااااارا يااااااارا ردي علي
        _ الب....البخ خاخ
(نرمين بقت تفتش في الأدراج و ما لقتو )
   _ ما لقيتو قاعد وين 
( يارا أشرت ليها محل الشنطة)
نرمين طلعت البخاخ من الشنطة ، و قعدتها في السرير  أدتها البخاخ
_ نحنا لازم نوديك المستشفى 😧
_ لا عليك الله ما عاوزة زول يعرف ( عيونها دمعت)
_ يارا أوعى تكوني كنتي بتبكي
_ 😢
_  مالك يا يارا 😓
_نرمين أنا تعبانة شديد 😭 ( رقدت في رجلينها و بقت بتبكي )
_  في حاجه حصلت ليك ، ما تقطعي قلبي
_ حااااااازم يا نرميييييييييييين
_ مالو مات 😱
_ حازم خاني مع فدوة 😢
_ وااااااي ما كنت قايلاهو كدا 😤 ود اللذين يصبر لي
_ أنا ما عارفة أبكي على شنو و لا على شنو  💔على  الثقة الأديتها ليهم ، نرمين أنا لي بحصل معاي كدا أنا عملت شنو في دنيتي عشان ألقى كل دا ، أنا بالجد كنت بحبو 😭
_ يا بت إستغفري أمشي صلي ركعتين لي ربنا و صدقني حترتاحي ، و البكى ما بعمل ليك شي غير بهيج ليك الأزمة ( نرمين مرقت من الأوضة ) يارا سمعت إشعار لي رسالة فتحت التلفون لقت فدوة مرسلة ليها مقطع صوتي (يا بجاحتك 😤)  فتحت المقطع  : 
       مشيتي قبل ما أكمل كلامي معاك 😏 عليك الله كيف كانت الشلبة حلوة مش 😌 ، و الله حازم قال لي أنك زول نقناقة و بتحبي تعملي مشاكل من أتفه الأسباب فقلت أريحو منك 😂 ، أوعى تكوني زعلتي إنتي عارفني ما بحب أشوفك زعلانة 😌  و ما تخافي على حازم أنا بعرف أهتم بيهو ، أصلا نحنا متفقين نعمل خطوبتنا بعد نخلص الجامعة 🙊 ، يلا باي حبيبتي وشكر ا على الهدية الحلوة دي 😘

يارا عينوها دمعت و ما قدرت ترد ليها

( يارا أخدت ليها حمام دافي الساعدها على إنو تسترخي ، صلت ركعتين لي ربنا و دعت إنها تبقى قوية وتتجاوز كل المرت بيهو ، مشت قرت ليها كم صفحة من القرآن و حست إنها هدت شوية ، قعدت قدام المرايا و بدت تسرح في شعرها الجميل ، لاحظت للهالات السوداء التحت عيونها ، و قالت لنفسها :
         _  أنا ما عندي حظ ، الزول الوحيد الإئتمنتو على قلبي مشى وخلاني ، لي حظي كدا 😢 ، بس لاكن لازم أكون قوية و أقدر أطلع من الأزمة دي

( و بالفعل يارا قدرت تتغلب على دا كلو إتحلت بالإيمان و الصبر ، بس زي ما نحنا عارفين الإنسان زي المرايا لو إتكسرت  حتى لو صلحتها بيكون في أثر كسر و لو بسيط ، يارا صاح رجعت مرحة و بشوشة بس إتغيرت جواها حاجات كتييييييرة ، بقت بتلوم حظها على أي شي يحصل ليها حتى ولو بسيط ، لي درجة إنها حتى لو القلم إتكسر بتنسب دا للحظ ) 

___________

يتبع ......