كان أبو زميلتنا عيان مشينا ليها في المستشفى و كفرنا لي أبوها ، طلعنا و إتحركنا بالعربية لي الطريق البودي لي بيت رماز
رماز : هييييي ماشة وين
_ أوديك البيت يعني ماشة وين 😑
_ لا نحنا الليلة عاوزين نشرب شاي مع خالتو إبتسام مش كدا يا لينا 😍
أي إشتقنا ليها شدييييد 😘
يارا : أجي يا لينا مش كنتي قبل يومين معانا
_ هدي إنتي قلتي قبل يومين و بعدين خالتو إبتسام دي الزول بشتاق ليها بسرعة 😌
_ إنتو قولو زهجانين و دايرين تموضعو بي 😉
_ إمشي أتحركي بس
مشينا البيت البنات قعدو مع ماما وانا طلعت غيرت هدومي جيت نازلة ليهم لقيتهم آخر ونسة و ضحك
إبتسام : تعالي يا بتي أكب ليك الشاي
رماز : خلي عنك يا خالتو أنا بكب ليها
يارا : دي شنو الظرافة الزايدة دي 😒👊
رماز : خالتو وينو هنودي
_ و الله قاعد مع حبوتو التانية أمو ولدت ليها شهر و جابت بت
_ أهااااا حمد لله على سلامتها ، لكن بتك المعفنة دي ما بتحكي لينا أي شي 😒
لينا : سميتوها منو العسولة
يارا : سموها زحل
إبتسام : عاد يا بناتي الله جابكم عندنا نضافة تقيلة الليلة عشان أبو يارا جاي من السفر
لينا : طوالي ياخالتو 😍
رماز : كان نفسي أنضف معاكم بس كح كح أنا عيانة و لازم أمشي البيت أرح يا يارا وصليني كح كح 😷
إبتسام : قومي ألفحي ليك أي توب و وصليها مسكينة شكلها تعبانة
_ حاضر 😡
لبست لي طرحة طويلة و مرقت مع رماز ركبنا العربية
_ حركة حلوة 😒
_ أنا أحلى 😌😹
_ كدا يا رماز تخلي لينا النضافة كلها علينا كلبة 👊
_ أقول أمشي إتحركي
وصلتها و رجعت البيت لقيت لينا مشت بيتها غيرت هدومها و إستأذنت من أهلها
_ أها جاهزة 😹
_ أيون ، أرح يلا
أنانضفت أوضت بابا و لينا قعدت تنضف في المطبخ جيت ساعدتها ، و جينا على المصيبة الكبيرة الهي الصالة زحزحنا العفش و ختيناهو بالجنمبة خلصنا قش و جبنا خرطوش الموية و القشاطة و بقينا نمسح ، كريم جانا نازل و شايل شبس قعد في الكنبة و بقى بتفرج في التلفزون
_ الله جابك لينا قوم ساعدنا 😒
_ ما قادر
_ قلت ليك قووووووم 😤
طوالي قام وبقى بنضف معانا سمعتو و هو بناديني إتلفت وراي و الساعة الإتمليت كلي موية 😲 كريم كان ماسك الخرطوش و برش فيني ، لينا بقت تضحك زي المجنونة و قعدت في السلم 😹
قمت شلت عصايت المسح و. هو شال العصاية التانية و بقينا نتحارب ⚔
لينا : و الله إنتو مجانين البشوفكم بقول شفع 😂
قمت شلت الجردل و كشحتو فيها : يا بت اللذين 😡
و بقينا نتشاكل و نتراشش بالموية ماما جات داخلة الصالة : سجمي جنيتو إنتو 😱 بطلو البتعملو في دا 😠
هنا أي زول فينا إحترم نفسو
_ أنا غلطانة العتمد على شفع زيكم
مشينا غيرنا هدومنا و قعدت مع لينا في أوضتي
_ لينا أنا عاوزة أقول ليك حاجة 😓
_ إتفضلي
_ لينا في كنت بحلم بي حلم كل مرة بتتكر
_ كيف يعني
و حكيت ليها القصة
_ عايني إنتي مش قلتي إنك بعد مرات بتصحي على آذان الصبح
_ اي
_ يبقى الحلم عندو معنى و معنى حلو كمان 😉
_ الله يبشرك بالخير يا لينا 😍
أنت تقرأ
أصعد الدرج والحظ🍀 ينزل بالمصعد
Fanfictionرواية سودانية /بقلم/ رقية كامل القصة جميلة جدا 😍، تستحق التأمل حبيت أعملها بقالب فيهو القليل من الكوميديا ، الحظ 🍀 عندو دور كبير في حياتنا ، إذا كانت أمور شخص متيسرة بنقول عليهو محظوظ ، أما إذا كانت أما إذا كانت أمورو متعسرة بنقول عليهو ما عندو...
