يارا : أنا نفسي أعرف مشكلتها معاي شنو بتأذيني كدا
لينا : البت دي لازم تتأدب 😤
رماز : أنا بأدبها ليكم 😌💅
( الإنتنين في نفس الوقت ) : كيف ؟
_ أنا بوريكم تسو شنو 😈 .................................
كنا حوالي تلاتة شلل أولاد على بنات منهم شلة فدوة الجديدة 😒 و شلة غادة صحبت رماز بنتونس مع بعض و نتفق نعمل رحلة بعد ما نخلص منالإمتحانات كنا أنا و فدوة بنحمر لي بعض 😒 لحدي ما فجأة فدوة بقت تكورك : وااااااي بطني بطني الحمام وين الحماااااااااااام 😨 ( و جرت ناحية الإستراحة )
كنا أنا ورماز و لينا أول ناس فكو الضحكة 😂😂😂😂 و الناس كلها بقت تضحك بعدنا
لينا : و الله إحراج شديد 😂 خصوصاً قدام الأولاد
غادة : والله يا رماز طلعتي شيطانة 😂😂
رماز : تستاهل بت الكلب 😏
وانا لسه ميته من الضحك 😂😭😂
_ فلاش باك _
----------------------
رماز : الكيك الجبتيهو من البيت لسه قاعد يا يارا
_ أي لي
_ جيبهو بس 😌
رماز شالت الكيك مني وطلعت من شنطتها زيت خروع ، و فكت ليها كبسولة حبة رشتها على الكيك
لينا : أجي يا البرقش الزيت دا حنستفيد منو شنو ، و الحبة دي شنو
رماز : إسكتي خليني أشوف شغلي
رماز كبت الزيت في الكيك و نحنا مصدومين
_ مالكم متنحين فيني أول مرة تشوفو زيت خروع 😑
_ لا نحنا مستغربين عشان كبيتي في الكيك
_ إنتو متخلفات بالجد 😒 ما حصل سمعتو إنو زيت الخروع بسوي إسهال حاد و حبوب الأنتيبايوتيك 💊 لما تبلعهيا في الجوع بحصل شنو
أنا ولينا بقينا نعاين لي بعض بطريقة شرانية 😈 : وجع بطن ، فكرة حلوة 😘
رماز : والله فدوة دي تستاهل يختو ليها سم في الأكل ، لكن أنا ما دايرة أتسجن بسببها 😌
يارا : أوديك وين يا رماز 😘
_ السما الأحمر بس خلينا أكمل شغلي
رماز بقت تتلفت لحدي ما لقت غادة صحبتها من الثانوي قاعدة بعيد أشرت ليها ، غادة جات وسلمت علينا
رماز : غادة ممكن طلب بسيط 😍
_ خير أنجزي 😕
_ شفتي صندوق الكيك دا عاوزاك تخلي فدوة تأكل منو
_ لي يعني
_ نحنا بس عاوزين نديها قرصة ودان صغنونة 😌 طبعا أنا عندي ثقة كبيرة في قدراتك الإحتيالية 😜
_ و قدراتي الإحتيالية في محل هذه الثقة 😏 جيبو الصندوق دا
غادة شالت الصندوق و مشت لي فدوة
_ دودو يا عسل 😘
_ هااااي غادة مشتاقين 😍
_ بالأكتر ، طبعا جدي طلع من المستشفى أمبارح و عملنا ليو عزومة صغيرة كدا
_ حمد لله على سلامتو بس لي ما عزمتينا 😒
_ أسفة نسيت بس جبت ليكم حبة الكيك 😌 ( وفتحت الصندوق و مدتو ليها ) إتفضلي
_ تسلمي ياخ 😋 حأشيل تلاتة مع بعض
" غادة مع نفسها شيلي على راحتك 😏"
_ لا بس كافكي إتنين
_ لي كدا 😤
_ بس كدا 😌 💅
نحنا كنا بنعاين لي غادة من بعيد و قاعدين نضحك 😂 لحدي ما جاتنا
غادة : الهبلة شالت إنتين بدل واحدة 😂
رماز : كدا أحسن عشان المفعول يضاعف 😎
أنت تقرأ
أصعد الدرج والحظ🍀 ينزل بالمصعد
Fanficرواية سودانية /بقلم/ رقية كامل القصة جميلة جدا 😍، تستحق التأمل حبيت أعملها بقالب فيهو القليل من الكوميديا ، الحظ 🍀 عندو دور كبير في حياتنا ، إذا كانت أمور شخص متيسرة بنقول عليهو محظوظ ، أما إذا كانت أما إذا كانت أمورو متعسرة بنقول عليهو ما عندو...
