أصعد الدرج والحظ🍀 ينزل بالمصعد

الجزء الرابع عشر

بديت أجهز في نفسي لأنو الناس حتصل المزرعه الساعة ١٠  غسلت شعري و لفيتو بالفوطة و ختيت ماسك كركم 💆 نزلت تحت عشان أنادي نرمين تظبط لي شعري 💇  جيت ماره قدام اوضة كريم ، الباب كان فاتح قمت دخلت لقيتو ما بقيت برتب في هدمو في الدولاب قمت سمعت صوت باب الحمام و هو بفتح قبلت لقيت كريم نط : سلاما قوما من رب رحيم 😨  و رجع و قفل باب الحمام تاني .
طبعا أنا بقيت بضحك من منظرو 😂 ( كريم أكتر زو ل بحبو في أخواني هو سبب سعادتي ⁦❤️⁩ بضحكني بحركتو و طيشو 😂 و العجب لما يعمل نفسو جادي بكون منظرو بيش 😁 )
_ يا ولد دي انا يارا 😂
فتح الباب وجا مارق: و في زول بخش أوض الناس  كدا ، و دا شنو العاملهو في و شك دا
_ مارقة مع أصحابي
_ بالجد 😀 أنا ماشي معاك
_ يا ولد مش إنت جيت من السفر هسى ، الزول البجي من السفر بكون اليوم كلو نايم 😂
_ لكل قاعدة شواذ 😌 بعدين الطلعة أكيد فيها مزز 😎
_ أهااااا 😀 كدا فهمت ، كدي غور أنا ماشة أتجهز
_ إنتي الغوري جايا أوضتي و دايرة تطرديني كمان
مرقت و مشيت لي نرمين زبطت لي شعري عملتو لي و يفي و لبست فستان فرايحي لونو بيج و عملت ميكب خفيف وقفت في المرايا الصراحة ما عرفت نفسي كنت مزة 😘 لينا ضربت لي : يا بت أنا غلطانة إني بخليك توصليني 😤 الساعه ١١ يا زفته
_ هدي هدي خليك ريلاكس أنا جايك هسى ( قفلت الخط في وشي الزفته )
ختيت طرحتي في كتفي و شلت شنطتتي مشيت الصالة لقيت كريم جاهز و خالف لي رجلو كمان
_ يعني إنتى جادي 😕
_ في أتم الجدية 😜
_ إتحرك قدامي 😒
إتحركنا بالعربية و وصلنا بيت لينا أصلا بيتهم قريب مننا ضربت ليها قفلت الخط : يا ربي الخلقت الناس الليلة أصبري لي يا لينا 😠
كريم : هديك ليها
لينا فتحت الباب وركبت و رزعت الباب إتلفت عليها : العربية دي بقروش على فكر 😒
_ يقرش حلقومك أنا أصلا الوداني أمشي معاك شنو ها مواعيد ماف 😠 ، لينا ما كانت ملاحظة لي كريم لأنها كانت منفعلة مع يارا
كريم : خلاص يا جماعه حصل خير
لينا : كيمو إنت في السودان حمد لله على السلامه 😂 ، هو في زول بجي من السفر بكون مضرب كدا
_ أسألي صحبتك 😑
يارا : بعدين هسى ما عندنا زمن
سقت بسرعة فظية لحدي ما وصلت خليت لينا و كريم يخشو و أنا بركنت العربية جيت داخلة ماشاء الله على المزرعة جميلة الخضار و الزينة كانو خاتين كراسي و في ناس بعزفو قربت من الحتى دي و ما لفت نظري إلا البعزف جيتار كان بغني غنية " ليه يا حب بدق على باباي ❤ حرام ياحب ضيعت شباب " بس بقيت مركزة معاهو كنت حاسة إني شفتو قبل كدا لكن وين ما عارفة ما وعيت إلا بي قرصة رماز : يا بت إنتي نصيحة سرحاتك كترت لازم بعد نوديك تجاني الماحي 😂
_ 😒
_ أرح نحنا قاعدين هناك
طبعا أنا ما فتحت خشمي بكلمة كنت بحاول أتذكر أنا شفت الولد دا وين
لينا : يا بت أنا بتكلم معاك 😠
_ هاااا 😓 أي سامعاك
  طبعا يا رماز أنا تاني بكون عبيطة كان مشيت مع يارا
_ أي يارا دي ما عندها مواعيد 😂
_ بطلو يا زفتات انا أخرني كريم
رماز : كريم جا من السفر 😂 إذا خلاص المناقرات بدت ، وينو هو
_ قاعد بعيد ما عارفة وين
لينا : أي صاح مالو مضرب كدا
_ أنا ضربتو 😂
_شنووووووو 😱
_ لكن ما قاصدة كنت قايلهو حرامي 😁❤
_ يارا إنتي ما نصيحة أها قبيل كنت واقفة سرحانة وين 😂
_ ما عارفة بس الولد البعزف جيتار حاسة إني بعرفو
رماز : ياتو واحد
يارا أشرت عليهو : داك 👈
_ دا جواد أخو غادة 😂 شفتي وين يا بت أمي
_ ما عارفة شكلو ما غريب علي 😅
_ ما عشان بشبه أختو يا فهم 👊
_ لا لا حاسة إني شفتو
_ أهاااا  دي حركات ساي عجبك الولد 😂 الصراحة هو سمح سمح شديد كما شعر و عضلات و لا العجب اللحية 😂
لينا : طيب لي ما عرستي يا الفالحة مش أخو صحبتك 😂👊
_ ما استايلي ما بحب الأولد المأدبين شديد ديل 😒 _ أها بتحبي العيونهم طايرة مش 😎
يارا : يا جماعة أنا ما بتكلم على شكلو لكن حاسة إني بعرفو
لينا : خلاص ما تعبي روحك أصلا عادي بعد مرات بتشوفي ناس بتحسي إنك بتعرفيهم
_طيب خلاص أرح نمشي البوفيه المفتوح 😋 أنا جعانة
مشينا هناك و غادة جات معاها أخوها و سلمت علينا :
هاي بنات ، أعرفكم دا جواد أخوي
_ إتشرفنا
كلنا قلنا : شرف الله قدرك
_  دي رماز بتعرفها و دي لينا و دي يارا
بالجد ما كنت قادر أنزل عيني منو بقيت أحاول أتزكر فيهو لكن ما قدرت لمن هو لاحظ 😆
كريم جانا و بقينا نتونس ، بعد خلصنا كنا قاعدين أنا و كريم في العربية مستنين لينا ورماز ، إتلفت على كريم : إنت إجازتك كم شهر
_ أنا حولت في جامعة في السودان 😅 ما بقدر أقعد في الغربة
بالجد كان يوم حلو شدييييد 😍 كانت بداية حلوة للأجازة رجعنا البيت كنت تعبانة شديد و عدت أيام الإجازة المملة لحدي ما في يوم كنا قاعدين نتونس بليل كريم جانا و كان شايل التلفون : أبوي قال جاي بعد إسبوع

الله كدا يادوب الإجازة حتبقى حلوة 😍