جواد : إتفضلي
_ بما إنك قلت لي الكلام دا فشكلو إنت عندك خبرة في الحاجات دي
_ 😂😂😂 تصدقي ما حصل جربت أرتبط ، و بي دا كلو كنت حلال مشاكل أصحابي المرتبطين
_ إنت جااااادي 😂😂😂😂😂 البشوفك بقول خبرت أربعين سنة ؛ بس لي ما حصل إرتبط ؟ مع إنو إنتو الأولاد بتحنكو كم بت في زمن واحد
_ أولاً مافي وحدة عجبتني
_ يا ثقة 😂 أها ثانياً شنو إن شاء الله
_ ثانياً أنا ما بحب أعلق بت بي و انا ما واثق من مشاعري إتجاها
_ والله الله يكتر من أمثالك ، ما كنت قايلاك ظريف كدا 😂
_ دا دليل على إنو أحساسي بي أنك بتتهربي مني كان صاح 😌
_ هاااااا بصراحه عشان 😥
_ عشان البلوك الأديتي لي 😒 أول مرة أشوف لي زول برسل طلب صداقه و أول ما الزول التاني يقبلو يقوم يبلكو
_ و الله الطلب إترسل بالغلط 😥
_ فهمنا الطلب إترسل بالغلط البدخلك حسابي شنو من الأول 😐
_ خلاص مش نحنا فتحنا صفحة جديدة 😅
_ فتحنا يا ستي و ما تنسي تفكي البلوك دا ،خلاص أمشي أرجعي البيت عشان الزمن إتأخر
_ كويس
رجعت البيت الساعة ٧ بابا كان طيارتو الساعه ١ صباحا مشيت نمت عشان أصحى ليهم لأنو أنا الحأوديهو المطار ، صحيت الساعة ٩ و نص قعدت أتونس مع بابا عشان حأشتاق ليهو شديد 😞 و جهزت معاهو باقي شنطو و مشيت إتجهزت كريم خت الشنطة الكبيرة في صندوق العربية و ركب معانا أول مرة أشوف كريم زعلان على سفر بابا كدا كان ببكي طول الطريق لمن حنني 😥
فهمي : يا ولد مالك بتبكي محسسني إني تاني ما حأجي السودان
كريم : خلي بالك من نفسك يا بابا 😢
_ يا ولد إنت لما كنت شافع ما كنت بتبكي على سفري كدا 😂
وصلنا المطار و وصلنا بابا كريم بكى شديد و هو بودع بابا ركبنا العربية و كريم لسه بشهق مشيت و قفت قدام كافيه
_ دا شنو لي موقفانا هنا
_ يعني حأرجعك البيت و إنت حالتك كدا
نزلت و إشتريت وافل بالشكولاته كملت آخر حاجة في مرتبي بس كريم يستاهل ، ركبت العربية و بقينا نأكلها مع بعض و نتونس قعدت أضحك فيهو 😂
في الشغل علاقتي إتحسنت مع جواد و بقينا أكتر من أصحاب كنت بحكي ليهو أي حاجة بتحصل في يومي وهو برضو بحكي لي و مع الأيام حسيت بأنو شعوري إتجاهو إتغير و بقى حب أيوا حبيتو ♥️كنت بحب طريقت لبسو و كلامو غير فيني حاجات كتييييييرة💕 السوداوية الفيني قلت و بقيت بشوف الحياة بطريقه جديده مليانة تفاؤل 🌞 لكن هل هو ببادلني نفس الشعور دا كان السؤال المهم
نزلت بوست في الفيس كتبت فيهو " ليه يا حب بدق على بابي " الغنية دي كانت بتعني لي كتير دي الغنية الكنت في أول مرة أشوف فيه جواد 💖
طبعا الناس شغلوها لي و كدا و بقو بقولو لي دا من البدق على بابك 😉 ، بس الزول النزلت البوست عشانو ما رد لي 😢 زعلت شديد مع إنو كان أون لاين و نزلت المطبخ عملت لي شاي مريت بالصالة لقيت كريم راقد و خاتي منديل في نخرتو
_ يا ولد مالك
_ رعفت
_ طيب دقايق أنادي ليك نرمين
مشيت ناديتها صلحت ليهو قعدتو ميلت ليهو راسو لي قدام و بقت تضغط على نخرتو براحة و ختت ليهو تلج فيها
نرمين : كدا خلصنا النزيف وقف
_ الحمدلله الجاب ليك الراعف شنو
_ الشمس 😅
رجعت أوضتي و شربت الشاي بتاعي فتحت الرسائل لقيت جواد مرسل لي فيديو فتحتو لقيتو بعزف في الجيتار و بغني غنيتي المفضلة " ليه يا حب" و بعد ما خلص قال لي مستحيل أنسى الغنية اللما كنت بغنيها شفتك قدامي و ظهرتي في حياتي 💞 ، فرحت شديد و بقيت بكرر في الفيديو مية مرة 😂 و نمت على صوتو
كنت قاعده أشتغل لما لينا جات داخلة علينا أنا و رماز
_ صباااااااااح الخير 😘
(ردينا الإتنين في نفس الوقت ) : صباح الورد
لينا : عليك النبي يا رماز ما تقولي خشبة
_ لا أنا عقلت خلاص 😀 ( بس إتلفتو علي لما هبشت المكتب وقلت خشبة )
لينا : رماز عقلت و يارا إتجننت سبحان الله 😂 ، المهم بليل مارقين
يارا : وين
_ برسل ليكم اللوكيشن إتجهزو
رماز : خلاص طيري خلينا نكمل شغلنا
رجعت البيت و غسلت شعري و كويتو عملتو كيرلي مشيت لي كريم في أوضتو
_ أرح أمرق معاي
_ أنا تعبان يا يوري مرة تانية
( يارا بي صوت طفولي ) : عليك الله >.<
_ ما قادر ياخي
_ المرقة ظابطة شديد أرح أمشي معاي و أوعدك حنرجع بدري 😍
_ أمري لله 😑
مشيت لبست فستان دانتيل اسود و لبست سلسلة ذهبية و ما عملت غير روج احمر
ركبت العربية و إستنيت كريم لحدي جا
_ بدري لكن 😒
_ إتأخرت عليك 😀
إتحركنا و طول السكة كريم ما فتح خشمو على غير عادتو
_ يا ولد إنت كويس
_ تعبان شوية
_ من شنو
وصلنا المطعم و لقيناهم كلهم وصلو أنا الوحيدة المتأخرة 😂 قعدنا نتونس و نضحك
لينا : و الله يا جواد يارا حلمت بيك قبل ما تلاقيك 😂😂😂😂😂
يارا : يا معفنة تاني بكون غلطانة كان قلت ليك حاجة 😠
( طبعا هنا كلهم ركزو معاي )
جواد : لي يارا ما قلتي لي الكلام دا 😐
أنت تقرأ
أصعد الدرج والحظ🍀 ينزل بالمصعد
Fanficرواية سودانية /بقلم/ رقية كامل القصة جميلة جدا 😍، تستحق التأمل حبيت أعملها بقالب فيهو القليل من الكوميديا ، الحظ 🍀 عندو دور كبير في حياتنا ، إذا كانت أمور شخص متيسرة بنقول عليهو محظوظ ، أما إذا كانت أما إذا كانت أمورو متعسرة بنقول عليهو ما عندو...
