الدكتور طلع من القاعة و غادة طوالي جاتنا ورا
غادة : الليلة حنطلع أوزون
يارا : بالجد 😀 بصراحه نحنا كنا محتاجين طلع تبظ لينا مزاجنا
_ خلاص نحنا ماشين و حناكل مجاني لأنو جواد عزمنا
لينا : يا سلاااااااااام ياخي 😍
رماز : الله كمان جواد ماشي معانا
_ اي
يارا : أمشو إنتو أنا حاسة بروحي تعبانة
لينا : إنتي مش كنتي قبل شويه متحمسة 😐
_ كنت لكن حاسة روحي مهبطة 😅 بعدين عندي قراية كتيرة
غادة : من متين بقيتي مجتهدة كدا 😂
و كدا بقيت بتهرب من كل طلعة بكون فيها جواد أودي وشي وين أنا عملت ليهو طلب صداقه بالغلط و حظرتو أكيد حيقول دي متخلفة 😅
إمتحاناتنا قربت و أخيراً حنخلص من الجامعة دي كنت مجتهدة شديد دي أول سنة في الجامعة أجتهد كدا
فضل يومين على تخريجنا 🎉🎉🎉🎉🎉
ما تصدقو قدر شنو أنا كنت فرحانه 😻😻😻 إتفقنا أنا و البنات على إنو بكرة نقضي اليوم كلو في الكوفير نظبط أشكالنا المبهدلة دي و الإمتحانات زادتها بهدلة 😂 مشيت لي كريم في الأوضة لقيتو بحلق في شعرو بقاهو صلعة عديل 😂
_ مالك يا ود الناس مع الحلاقة دي
_ مزاج 😅
_ طيب أرح معاي ماشة ألعب مع مهند
_ أرح
مشينا بيت مالك و لقيناهو قاعدة مع زحل 👶 شلتها منو وبقيت ألعب معاها : و حبيبي و حبيبي 😍 زوزو العسل زوزو السكر ، أحي أنا من الجضوم و بوستها أديتها لي كريم وأبوها و مشيت لي سمر بقيت بتونس معاها
_ أنا زحل دي يوم بسرقها منكم 😂
_ و لا تسرقيها أنا بديها ليك بس خليها تكبر شوية
_ 😂😂😂😂
_ إنتي تخريجك بعد بكرة مش ؟!
_ يب 😌💅
_ خلاص عشان أجهز توبي ، عندي توب لسة ما لبستو قلت ألبسو في تخريجك 😜
_ أي لازم تقشري 😉 بس ما تقشري أكتر من حماتك 😂😂😂😂
_ لا لا طبعا هي في الأولى 😂
مرقت منها ولقيت كريم شايل زحل و برفعها و بنزلها 😂 قعدت أتونس مع مالك و فجأة كريم صرخ زوزو عضتهو في صلعتو 😂😂❤ أنا و مالك إتفقعنا ضحك
مالك : شكلها عجبتها الصلعة
مهند جا و كريم مشى لعب معاهو
كريم : تعالي ألعبي معانا
_ لالا أنا ما بفوز حظي نحس 😞
_ إنتي لسه في عباطتك دي 😂
اليوم التاني مرقت من الصباح مشيت للبنات في الكوفير قضينا اليوم كلو في الكوفير عملو لينا حمام مغربي و كويت شعري و إتظبطت تمام 😌 💅 مرقت قريب المغرب كان الجو حلو شدييييد 😍 المطرة بتنقط كريم ضرب لي
_ يارا إنتي وين ؟
_ مرقت من الكوفير هسى
_ طيب تعالي سوقيني أنا قاعد في مطعم جنمبك
_ كويس
مشيت سقتو ، كنت سايقة بسرعة عشان أحصل الترزي قبل ما يقفل عشان كنت عاوزة أقصر الفستان شوية بس بتاع المرور وقفنا 👮
_ إتجاوزتي السرعة أديني رخصتك
_ حاضر
و بقيت أفتش فيها بس مالقيتها شكلي نسيتا 😞 أنا لي حظي كدا
_ معليش بس شكلي نسيتا في البيت 😳
_ أممم كويس شكلك أصلا ما عندك رخصة أرح شرفينا في القسم
مشينا معاهو القسم
كريم : الليلة نحنا حنسوي شنو 😲
_ دقيقه أضرب لي مالك
_ ألو مالك ألحقنا نحنا مع ناس المرور و أنا نسيت رخصتي تعالي سريع 😭😭😭😭😭😭
_ طيب مسافة السكة.
المسافة الكنا مستنين فيها مالك عدت علي زي السنين لحدي ما جا و بقى بتناقش مع الشرطي و أدهو رخصتي ،
_ يلا إتحركو قدامي 😒 ، و عربتك بكرة بتصلك
ركبنا مع مالك و رجعنا البيت كنت متغاظة شديد فوت مواعيد الترزي هسى بكون قفل حأضطر ألبس الفستان بي طولو دا 😭
أنت تقرأ
أصعد الدرج والحظ🍀 ينزل بالمصعد
Hayran Kurguرواية سودانية /بقلم/ رقية كامل القصة جميلة جدا 😍، تستحق التأمل حبيت أعملها بقالب فيهو القليل من الكوميديا ، الحظ 🍀 عندو دور كبير في حياتنا ، إذا كانت أمور شخص متيسرة بنقول عليهو محظوظ ، أما إذا كانت أما إذا كانت أمورو متعسرة بنقول عليهو ما عندو...
