أصعد الدرج والحظ🍀 ينزل بالمصعد

الإثنان و عشرون

إنت بتصدق المخستكة دي 😒
(جواد عاين لي كريم ) : إنت مالك الليلة هادي ؟
_ ما عارفه من الصباح عامل كدا 😂 و كان ما داير يجي معاي
(كريم ما ردا )
رماز : يخسى عليك يا كيمو زهجت مننا و لا شنو
(غادة همست لي في أضاني ) : أرح معاي ماشة أزبط الميكب
مشيت معاها الحمام و طلعنا عدة الميكب و بقينا نصلح ف الميكب بتاعنا
غادة : طبعا جواد بتكلم عنك كتير 😊 إنتي أول بت يرتاح ليها كدا
_ بالجد 😅
_ بالجد يا يوري إن شاء الله جواد يعرسك أنا نفسي و حدة من صحباتي تبقى مرت أخوي .
إنبسطت شديد من كلامها يا رب جواد يحبني مرقنا من الحمام لقينا الناس متجمعين في الطربيزة الكنا قاعدين فيها جينا جارين لقينا كريم مغمى عليهو و الناس بحاولو يصحهو
_ كريييييييم رد علي 😭 يا كريييييييم بطل هظار
جواد زحاني منو : ممكن تبعدي شوية الولد مغمى عليهو
بقو يحاولو يصحو فيهو لكن ما صحى
لينا ضربت للإسعاف الحمدلله جو بسرعة جواد ركب مع كريم في الإسعاف
ورماز ساقت العربية بدلي لأنو حالتي ما كنت تسمح
وصلنا المستشفى لقينا جواد واقف قدام العنايه المكثفة 
_ جواد كريم وينو
_ في الإنعاش
_ شنوووووو 😭😭😭😭
_ يارا هدي عليك الله كلو ببقى كويس بس إنتي أصبري
_ وينو الدكتور 😢
_ جوا 
قعدنا في الكراسي مستنين الدكتور يطلع ضربت لي مالك و ريتو و قلت ليهو يكلم أمي و نرمين
بعد نص ساعة جونا أمي كانت بتبكي بي شدة و مالك كان بهدي فيها الدكتور طلع من العناية و نرمين مشت ليهو 
الدكتور : إنتو أهل المريض
نرمين : أيوا نعم
_ المريض عند سرطان في الدم وصل المرحلة القبل الأخيرة أدعو ليهو يقوم بالسلامة
_ أنا دكتورة برضو ودي بطاقتي ممكن أشوفو
_ إتفضلي

فلاش باك
-----------------

نتائج التحاليل الطبية طلعت ما نضيفة
      _ كيف الكلام دا يا دكتور
إتضح إنو عندك لوكيميا في المرحلة التانية و لازم تبدأ في الكيماوي

الكلام دا وقع على كريم زي الصاقعة ما كان متخيل إنو ممكن يجيهو المرض الخبيث و هو في العمر دا💔
رجع البيت و هو محطم قعد في السرير و بقى بشوف في شريط حايتو بمر قدامو و إشتاق لي أهلو البعد منهم عشان الدراسة سمع صوت أبوهو رجع من الشغل مرق ليهو و قعد معاهو
_ أبوي أنا داير أحول في جامعة السودان
_ لي مالك مش إنت كنت داير تقرى هنا
_ لكن يا أبوي المنهج هنا صعب و أنا ما بستحمل الغربة
_ خلاص ما مشكلة برسل ليك أوراقك للجامعة و بحجز ليك على أقرب طيارة
_ كويس
كريم كان عاوز يرجع السودان في أقرب وقت و يقعد مع أهلو على الأقل يقضي أيامو الأخيرة مع أهلو
كان قاعد يجهز شنطو لما أبوهو جا داخل
فهمي : لقيت ليك طيارة قايمة الليلة الساعة ١٢
_ شكرا يا أبوي
رجع السودان وإتفاجأة بإستقبال يارا العظيم 😂 كريم كان بحب أختو  و بخاف عليها بي طريقه ما عادية صاح هو أصغر منها ، لكن كان خايف عليها ممكن يحصل ليها شنو لو مات .
أول أيام ليهو في السودان ما بدا في الكيماوي عشان أهلو ما يلاحظو لي شعرو البقع ، و بعد كم شهر مشى الدكتور 
_ إنت لي ما جيت من أول ما عرفت إنو عندك كانسر
_ ظروفي ما سمحت لي
_ على العموم حنبدأ الجلسة الأولى بكرة
_ إن شاء الله
كريم كان ما دير يكلم أهلو عشان ما يخافو عليهو
، و الحمد لله بدأ الجلسات ، كان قاعد يسرح في شعرو المربيهو من زمان و قعت منو خصلة كبيره ، عرف إنو خلاص جا الوقت اليحلقو فيهو
كان عندو مقابلة مع الدكتور
_ نحنا لازم نزود الجرعات لأنو إنت وصلت لمرحلة خطرة
اليوم دا كان أبوهو راجع الإمارات خاف من إنو دي ممكن تكون أخر مرة يشوف فيها أهلو
واصل في الجلسات لحدي ما في يوم كان بشرب في موية إتخلع لما لقى لونها أحمر 😲 بقى ينزف من نخرتو حاول يوقف النزيف لكن ما قدر يارا جات مارا من قدامو ما شافها
_ يا ولد مالك
ما عرف يقول ليها شنو غير : رعفت
_ طيب أنا ماشة أنادي نرمين
خاف شديد من إنو نرمين تكشفو ، لكن حمد ربو لما لاحظت
و الليلة مشى أخدت الجلسة و زودو ليهو الجرعة رجع البيت و هو تعبان طوالي رقد في السرير يارا جات داخلة
_ أنا مارقة الليلة أرح معاي
_ ما قادر
_ عليك الله
كريم ما حب يزعل أختو و وافق يمشي معاها جهز روحو بي صعوبة كان نفسو قايم الشي الخلاهو يتأخر على يارا
ركب معاها و كان شايف الدنيا مطششة ، و لما كان قاعد مع أصحاب يارا جسمو برد و حسة بي دوخة

نرجع للواقع
-----------------
أحي يا ولدي أحي يا كريييييييم
مالك : أمي إستهدي بالله ، أنا لازم أرجعك البيت
_ أرجع البيت كيف و ولدي في العنايه المكثفة
مالك مشى لي يارا الصوت بكها على
_ يارا عليك الله البكى ما بسوي شي أدعي ليهو
           ( يارا لسه بتبكي )
جواد : أمشي رجع  خالتو البيت شكلها تعبانة و انا بقعد مع يارا و نرمين
مالك : شكرا يا جواد على وقفتك معاي
_ عيب عليك نحنا أخوان
مالك رجع البيت مع أمو ،