غرام العالم الاخر

( البارت الخامس) غرام العالم الاخر

( البارت الخامس ) غرام العالم الأخر.
نادر : لا طبعا يا ورد فيه اى
ورد : طب اى حصل لكل ده هو أنت مبتحبنيش زيهم
نادر : لا طبعا انا بحبك أكتر من اى حد فى الدنيا ده كلها وعلى فكره انا لازم اقابلك ضرورى جدا عشان عايز اقولك على حاجه مهمه
ورد : طب اى هى
نادر : لما نتقابل بكره بعد الجامعه بتاعتك نتقابل عند ....
اقبلت ورد مسرعه بقولها : عند البحر
نادر : تمام ياقمر بكرة عند البحر
ورد : ماشى يا أحلى أخ
نادر : يلا عايزه حاجه
ورد : لا عايزه سلامتك
نادر : خلى بالك من نفسك ...سلام
ورد : حاضر وانت كمان ...سلام
..........................
رجع إسلام يرن على ورد
ورد : الو ...فيه اى تانى
إسلام : اااااا بقولك اى هو انتى متدايقه من حاجه ..احكيلى
ورد : لا يا إسلام مش مضايقه من حاجه ليه في حاجه
إسلام : لا مفيش
ورد : طب انا عايزه أنام يا إسلام
إسلام : أسف والله انا كنت بطمن بس
ورد : شكرا يا إسلام يلا عايز حاجه ...واغلقت الخط ونامت
......................................
وفى اليوم التالى وجدت من يطرق باب الغرفه فنهضت لتفتح الباب ووجدت أم إسلام وقد جلبت معها صينيه بها كوب من الحليب وبسكويت لتفطر ورد
ابتسمت ورد وقالت : ليه بس كده يا طنط تتعبى نفسك كده كده كنت هفطر فى الجامعه
الأم : كلى يا حبيبتى بالهنا والشفا تعبك راحه يابنتى
وما أن نطقت أم إسلام بكلمه بنتى أغرورقت عيني ورد بالدموع وارتمت فى أحضانها وهى تبكى وأم إسلام تقول : بسم الله الرحمن الرحيم ..أهدى يابنتى بس فى ايه ...طب انا زعلتك فى حاجه ...طب خلاص بقا كفياكى عياط قطعتى قلبى
وهنا دخل إسلام ورأى الموقف وجرى على ورد
إسلام : ورد ...ياورد مالك ردى عليا
ورد قامت ومسحت دموعها وقالتله: مفيش
إسلام : كده بردو يا ماما تزعليها
الأم : والله يابنى ماجيت جمبها ده انا حتى جيبالها الفطار لحد عندها
ورد : انا كويسه والله مفيش حاجه بس افتكرت حاجه كده مش أكتر
إسلام : واى هى الحاجه اللى خلتك تعيطى بالشكل ده
ورد : أنا أمى الله يرحمها ماتت أول ما اتولدت انا ومحستش بحنان الأم ابدا ولا بحضنها ولا حتى أنى اسمع كلمه بنتى منها ولما أبويا رجع أتجوز خلف هناء ونادر ومرات أبويا كانت بتعاملهم احسن منى ...كنت بطنش وبقول مش معقول وكنت بقولها يا ماما يمكن تحن عليا وتبادلنى نفس الشعور ..كانت بتتظاهر قدام أبوياأنها بتحبنى ولما مات الله يرحمه كان كاتب ثروته لهناء اختى من مراتو التانيه....ولما كبرنا هناء طردتنى هى وأمها علشان فاكرنى عايزه ورثها ولما أمك قالتلى يابنتى ...قلت مش لو أمى كانت قاعده جمبى وعايشه دلوقتى كان زمانها واقفه جمبى ووقفت فى وش كل اللى بيدايقنى وكنت لما احب اعيط اعيط فى حضنها وقت ما أكون متدايقه
إسلام : لا لا والنبى مش عايزين نفتكر احزان ...بصى ياستى أمى هى أمك وأنا زميلك القمور الروش الجينتل اللى كل البنات بتكرش عليه وواقف معاكى وجمبك على طول
ضحكت ورد بصوت عالى وقالت : احلف كده ههههه
إسلام : أيوه ياعم اضحكى هو احنا واخدين منها اى يعنى ....ورد انتى مش ملاحظه حاجه ياقلبى
ورد : قلبك ...ماعلينا لا مش ملاحظه
إسلام : المحاضره الأولى قربت تخلص
ورد : يالهوى وسايبنى برغى كل ده حرام عليك يا إسلام انا عايزه أنجح مش أسقط
إسلام : طب يلا ياختى نلحق أى حاجه
ذهبت ورد مع إسلام ...وأنهو كل محاضراتهم وهم فى طريقهم للعوده
إسلام : يلا ياورد عشان أوصلك
ورد : لا يا إسلام أنا ورايا مشوار كده وبعدين هروح ....وبعدين هو مش المفروض أدور على شقه أنهردا
إسلام : والله لو كان ده المشوار لهزعل منك جدااا ...يابنتى فكك بقا هتغرمى فلوس عالفاضى ما شقه أمى موجوده اهى وببلاش وهى كمان محتاجه حد يونسها اديكى شوفتى فرحت بيكى اذاى ياورد
ورد : لا ياعم انا ..
إسلام : ششششششش أى ده رغايه يخربيتك ...رايحه مشوار أى وفين
ورد : أى ده وأنت مالك عموما انا راحه اقابل المز
إسلام اتعصب وقالها : نعم ياختى
ورد : ههههه ياعم بهزر رايحه البحر أقابل نادر
إسلام : نادر مين ده
ورد : نادر ده أخويا الصغير ده بحبو قوى وهو كمان بيحبنى وطلب يشوفنى ...روح انت وأنا هبقى أجى لما أخلص
إسلام : طيب اتصلى بيا وأنتى مروحه أجى اخدك
ورد : طيب ..سلام
إسلام : سلام
ذهبت ورد عند البحر وظلت تفكر لماذا طلب منها نادر أن يراها ...
نادر : ورد ...يا ماما ...ياحبيبتى ...انتى يابنتى سرحتى فى اى
وقد افاقت ورد من شرودها قائله : معلش سرحت ها قولى عايزنى فى اى انا مش على بعضى من امبارح
نادر : متقلقيش هو مش خبر وحش قوى ..كنت عايز اقولك أن كل اللى حصل ده من تدبير أختى وأمى هما اللى عملو كده خلى بالك ياورد دول مستعدين يعملو اى حاجه علشا الفلوس
ورد : طيب انا مكنتش بفتح بؤى بكلمه ايه اللى خلاهم يفتكرو انى عايزه الفلوس بتاعت هناء
نادر : معرفش بقا ياورد والله انا كل اللى أعرفو قولتهولك المهم ...محدش يعرف أنى بقابلك ولا بقولك حاجه
ورد : لا متخافش ...المهم حبيبى أنت عامل اى ..أسفه كان المفروض اقولك كده من أول ما شفتك بس صدقنى كنت هموت م التفكير وكنت متوتره
نادر : ولا يهمك أنا حاسس بيكى ....انا الحمد لله بخير ...المهم أنتى عامله اى وقاعده فين
*******يتبع*********
بقلم / ندا مصطفى عبد السلام