( البارت الحادى والعشرون ) غرام العالم الأخر
بقلم / ندا مصطفى عبد السلام
_________________
نظرت هناء لمنى بكره وبعدها نظرت اللى ورد بعدوانيه وكادت على وشك الكلام ولاكن اوقفتها ورد واكملت : واذا كان انتى امك دلعتك ذياده ف انا هعلمك التربيه الصح
لم تجرء صفيه على الكلام خوفا من ورد
ورد : اتفضلى هاتى المفتاح
نظرت هناء اللى صفيه فردت صفيه بالموافقه بنظره لها فاقبلت هناء ومدت يدها فى حقيبتها واخرجت المفتاح فأخذته ورد واسرعت نحو غرفة نادر ونور خلفها وصلت ورد عند غرفة نادر وفتحت الباب فوجدته ملقى على الأرض فنزلت لمستواه بسرعه وامسكت بيده و اليد الأخرى على وجهه وظلت تنادى
ورد : نادر .... نادر يا حبيبى قوم
نور : ورد ده محتاج مستشفى شكله تعبان جدا
ورد وهى تبكى كالأطفال على حال اخوها : اه انا ...انا هوديه المستشفى
وحاولت ورد ان تحمله ولاكن لم يقبل جسدها على تحمله فهو ثقيل بعض الشئ ولاحظ نور هذا الشئ
نور : ممكن اساعدك
وتقدم بضع خطوات وقامل بحمل نادر معها ولاكن فى صورتها بمعنى ان من يراها يظن ان هى من تحمله وظل ينزل على السلم خطوه خطوه حتى لا يقع ويتأذى نادر حتى وصلو اللى باب المنزل
صفيه : اى ده انتى رايحه فين واى ده نادر
التفتت ورد ويتملكها كل المشاعر المتخالطه مع بعضها كالغضب والكراهيه والحزن والأشمئزاز من هذه الصفيه التى تركت ابنها يموت هكذا وقالت
ورد : ام ازاى انتى وشايفه ابنك بيموت بين ايدى وساكته ام اى ازاى وانتى حبستى ابنك ٣ ايام من غير اكل ولا شرب ام ازاى وانتى
نور قاطعا قائلا : معلش ياورد كملى بعدين احنا لازم نلحق نادر
ورد التفتت لنور وذهبت بنادر اللى السياره وقامت بالذهاب اللى المتشفى
***********************************
السكرتيره : دكتور محمد فى باش مهندس مستنك بره عايز يقابل حضرتك
محمد : قوليلو يجى فى وقت تانى
السكرتيره : بس هو مصمم يقابلك النهارده وانا شايفه ان حضرتك فاضى يعنى
محمد : انتى شكلك عايزه تترفدى صح
السكرتيره : لالا يادكتور اسفه
بعد خمس دقائق عادت السكرتيره لدكتور محمد
محمد : خير يا فتحيه خير يا حبيبتى
فتحيه : هو بيقول ان هو اسمه إسلام ومش هيتحرك من هنا لو مقابلكش يا اما
وفى هذه اللحظه دخل إسلام وقال : يا اما ههد المستشفى دى عليك
محمد شاور للسكرتيره بالخروج وتقدم بضع خطواط حتى وصل لكرسيه الخاص بمكتبه وجلس عليه ووضع قدم فوق الاخرى
محمد : مش تقول ياراجل انو انت كنا بخرنا المكان قبل ما تيجى
حاول إسلام السيطره على غضبه بقدر الأمكان
إسلام بهدوء قال : بص يا دكتور محمد انا جاى اقولك كلمتين وماشى ... ابعد عن ورد
محمد : ليه
إسلام : عشان انا بحبها وهى ملكى انا هى البنت اللى هتكون مراتى
محمد :وليه ماتكونش مراتى انا
إسلام بعصبيه : لا بقى انت ماشى بمثل يستفزونك حتى يخرجون اسوء ما فيك ولا اى....انا ساكتلك م الصبح وبحاول ما اتعصبش عشان
وهنا سمع إسلام ومحمد صوت خناق برا
محمد : شششش استنى اى الصوت اللى برا ده .... ازاى الصوت ده فى المستشفى
إسلام : بدل ما تتكلم روح شوف فى اى
جرى محمد وإسلام وشاف ورد بتزعق مع السكرتيره وشايله نادر جرى إسلام ومحمد عليها وكل واحد فيهم مد اايده عشان يشيل نادر منها وبدأ الخناق من هنا
إسلام : سيبو ده مسئول منى
محمد :لا انا اللى هعالجو
إسلام بقولك سيبو
محمد : اوعى كده
ورد هنا انفجرت وصرخت بصوت عالى : اسكتووو انتو الاتنين وبدأت بالبكاء ...اسكتو انتو الاتنين واتصرف وعالجه يا دكتور ارجوك وركعت ورد على ركبتها متوسله محمد : انا ارجوك عالجه وشوف ماله السكرتيره بتقول ان حضرتك مش فاضى انا ممكن ادفع مستعجل او ادفع الى تقولو عليه بس بس ارجوك انا جيت هنا عشان انتو اقرب مستشفى للبيت ارجوك يا دكتور محمد
إسلام : ربت على كتف ورد ...هيكون بخير
ولاكن ورد لم تكن مستوعبه اى كلمه من شخص اخر لأنها منهاره جدا ولاكن من استوعب هو نور .... نور شاف إسلام ومحمد وشاف لهفتهم وخناقهم على ورد وحس انهم بيحبوها او هى مرتبطه بى واحد فيهم بس قال فى نفسو
نور : ازاى ورد تكون مرتبطه ...هى مقالتليش وازاى اصلا وانا حاسس انها بتبادلنى نفس الحب
ظلت ورد تدعو لربنا ان يكون نادر بخير وبعض دقائق خرج محمد وقال لورد : متخافيش ياورد هو كويس بس ده عنده جفاف وشكله مكلش حاجه من فتره وده عملو خلل فى بعض الاجهزه فى جسمو وكمان ممكن يدمرو انتو كنتو بتعذبوه ولا اى
ورد : لالا ابدا ده هو ... ده هو ..
إسلام : مش وقته يا محمد المهم نادر فاق
ورد : اه والنبى فاق
محمد : اه فاق بس هو لازم يرتاح
ورد : طب انا عايزه اشوفو ارجوك
محمد سمح لورد بالدخول ودخل معاها نور طبعا وده لاسباب كتير مثلا هو حابب انو يكون معاها فى حزنها قبل فرحها ... السبب الثانى هو عايز يفضل جنب ورد وخلاص واخيرا هو مش عارف اى مكان هنا وهى المرشده بتاعته
ورد مسكت ايد نادر وقعدت جنبه ولاكن هو كان نابم : نادر انا اسفه انت حصلك كل ده بسببى .... انت استحملت كل ده بسببى انا اسفه
نور قرب منها وقالها : متحسسيش نفسك انك مذنبه عشان متتعبيش
ورد : بس انا كده فعلا
نور قرب منها وشدها فى حضنه وورد ماصدقت لأنها كانت محتاجه فعلا حضن يطمنها ...ورد هى كمان حضنته جامد وفضلت تعيط لحد ما هديت وقامت من حضنه وقالتله
ورد : نور
نور وهو بيمشى ايده فى شعرها وبيبصلها بحب
ورد اغمضت عيناها واخدت نفس عميق ..شهيق هووووف زفير : انا بحبك
نور : اممم وبعدين ..😳.اى اى قولتى اى
اتكسفت ورد وقالت : معرفش انا كنت هموت لو مقولتهاش : انا بحبك انا معرفش ازاى وليه وامتى بس هو كده
قام نور وشد ورد وشالها ولف بيها وقالها وانا كمان بحبك
ورد ضحكت وقالت : نزلنى يا اهبل لو حد دخل وشافنى طايره كده هيقولو اى
نور ابتسم وقال : حب الاهبل وقلب الاهبل مقدرش يصدق نفسو بس
دخل إسلام : ورد عايزه اكلم معاكى
ورد : عايز تتكلم معايا خير
قرب إسلام منها وورد اتوترت لأن الموقف محرج كده هى قدام نور حبيبها ممكن يفهم غلط او مشكله تحصل تبوظ الجو الجميل
إسلام قرب من ورد ومد ايده وخلاص هيمسك ايديها قام نور قرصه فى ايده
إسلام مسك ايده وصرخ : اه
طبعا ورد كانت هتموت وتضحك بس سكتت بالعافيه : مالك
إسلام : مش عارف شكلها نموسه ..... المهم ..ورجع يقرب منها تانى ورجع نور كرر عملته
إسلام : لا بقى ده انتى نموسه غلسه ... شكلها بتحبك
ورد : مين دى
إسلام : النموسه....ده انا كل ما افكر اقرب بس تقرصنى
ورد : هههه اه بتموت فيا
نور قرص ورد هى كمان
ورد : اااه انا عملت اى طيب بتقرصينى ليه يانموسه يا بارده
نور : بطلى ضحك وقلة ادب وشوفى الأخ ده عايز اى ومشيه
كتمت ورد ضحكتها وقالت لإسلام : عايز اى اتفضل
إسلام : اولا كده انا اسف ثانيا والله العظيم انا بحبك ياورد وانتى عارفه كده كويس
اتحرك نور ووقف جنب إسلام وربع ايده وورد مش عارفه تعمل اى وفجأة خبط الباب ودخل محمد ورد قالت فى سرها : (العب ...كملت ياباشا .... اى المصيبه دى بس )
محمد : انسه ورد انا اسف جدا.... انا بعتذرلك على سوء الفهم اللى حصل
إسلام : وانا كمان اسف على اللى قولتهولك انا مكنتش فى وعيى ده انا كنت هقتل محمد وجيت هنا
محمد : انسه ورد باش مهندس إسلام بيحبك اكتر منى
نور واقف فى المنتصف ما بين محمد وإسلام ومربع ايدو ورافع حاجه وورد مش عارفه تعمل اى هى نفسها الارض تنشق وتبلعها فى اللحظه دى
اكمل محمد قائلا : اه بحبك بس اكتشفت ان إسلام بيحبك اكتر منى هو غلبان وطيب بس متحاوليش تزعليه كتير عشان هو عصبى و...
قاطعتهم ورد قائله : هو انتو شايفنى اى بس قدامكو طب لو عالسماح ف انا مسامحاكو انتو الاتنين .... انا مش سلعه عشان كل واحد يقول ملكى وبعدين تقعدو تعملو تنازلات وتخفيضات عليا لاكونش يتيمه ومتبنينى وبتشفولى عيله كويسه
فى اللحظه دى وصلت منى وهناء وصفيه وورد استأذنت منهم ومشيت وسابتهم مع نادر
********************************
اليوم ده وحش على كل ابطالنا وكل واحد قاعد ساكت بس دماغو شغاله ومش ساكته فى اللى بيلوم نفسه على حجات غلط عملها وعايز يصلحها وفى اللى خايف وفى الى صعبان عليه نفسه تعالو نشوف تفكر كل واحد فيهم اى
*
صفيه ( ورد ونادر كان عندهم حق ... انا ام ازاى وسايبه ابنى كده ازاى انا نسيته طب هل هو هيسامحنى )
*
هناء ( هى ورد ازاى اتجرئت ورفعت ايديها عليا ....هى ليه ماما ماعرضتهاش وليه ورد رجعت البيت وكانت بتنده لماما يا ماما )
*
ورد ( اعمل اى انا دلوقتى ....محمد بيحبنى وإسلام كمان .بس انا بحب نور ... بس لا محمد لا لا ...إسلام كمان لا عشان هو عصبى جدا وعلطول فاهمنى غلط ومش بنتفق دقيقتين مع بعض ....انا بحب نور ...بس هو شبه شبح...لا ده مش شبه ...ده شبح فعلا ازاى هستمر معاه ....انا تعبت )
*
محمد ( حبيتك بس الظاهر انك بتحبى إسلام واضح عليكى ...انا مش عايز بس غير انك تكونى مبسوطه )
*
إسلام ( والله بحبك يا غبيه ....انتى ليه مش فاهمانى ...ليه مش عايزه تدى فرصه اننا نتكلم ونقعد مع بعض ...بس انا مش هستسلم ليكى ولغبائك انا بحبك وهخليكى تحبينى )
*
منى ( ماشى يافاروق ...انا معرفتش اخد منك حاجه وانت عايش بس هاخدها وانت ميت )
*
نور ( ليه مقالتليش ان فى حد بيحبها وهى مرتبطه بيه 😔هى لعبة بيا وبمشاعرى ....ورد بتلعب بيا يعنى هى فاكره عشان ميت قلبى مابينبضش😔💔 )
***************************
ورد ركبت العربيه واخدت نور طبعا وراحت عن البحر ونزلت م العربيه
نور : كدبتى عليا ليه
ورد : نعم🤨
نور : مقولتيش ليه ان إسلام ومحمد بيحبوكى وانتى مرتبطه بإسلام
ورد : انت فاهم غلط انا مش
قاطعها نور بزعيق : مش اى ...مش اى وفاهم غلط ازاى ....ده انا سمعتكو وشوفتكو .....شوفت الحب اللى في عنيه وشوفت اللمعه ....سمعت نبض قلبو لما كان بيقرب منك وانتى كمان
ورد : وانا كمان اى 😐
نور : بتحبيه
ورد : انت اتجننت صح انا ...انا بحبو يا نور .....انا اعترفتلك من شويه ....انت اول راجل فى حياتى واول حد اقولو بحبك .....تقولى بحبو اى بس ...انت متعصب ومش عارف بتقول اى
نور : متأكده انك بتحبينى
ورد بصوت عالى نسبيا : والله العظيم بحبك ...بحبك من اول ماشفتك بس خبيت ومردتش اقول غير لما اتاكد من مشاعرى ....خصوصا انت عارف ان احنا مختلفين فى حجات كتير ....بس بحبك وحبيتك وانت بتقولى بحبك وانى حبيبتك ...حبيت خوفك عليا ووقوفك جمبى ومساعدتك واهتمامك بيا ....حبيت كل حاجه ...اسمك ده انا عشقته ......وكانت الصدمه عندما سمعت ورد الأجابه
إسلام : انا كنت متأكد انك بتحبينى ....واذا كان على ان احنا مختلفين ف انا والله بتعالج دلوقتى عشان اخفف من غضبى واللى انتى عايزاه هيكون تحت رجلك ...بحبك وجرى على ورد وقرب منها وقالها اخيرا سمعتها ياورد حرام عليكى ده انا كنت حاسس انى هموت ومش هسمعها وقرب عشان يحضنها لاكن ورد بعدت وجريت على البحر وطلعت من شنطتها زجاجه مياه فاضيه وعبيتها مايه من البحر ومسكت ايد نور وجريت بيه عند بيتها
إسلام هيموت من الفرح واتصل بأمو وعرفها .....
ناديه : فى اى ياواد فرحان كده ليه فرحنى معاك
إسلام : انا مش مصدق نفسى .....ورد وافقت يا ماما ...قالتلى بحبك ورد بتحبنى
ناديه : طب احكيلى حصل اى بالظبط
إسلام : بعد ماورد جريت من المستشفى اتصالحت انا ومحمد واعتذرتلو واعتذرلى ...ورحت الحق ورد عشان مشيت متعصبه وكنت عارف انى هلاقيها عالبحر ...تعرفى دى حست بوجودى قبل ما اتكلم ..جيت من وراها وكنت عايزه اكلمها واتفاجئت انها حست بيا وبتقولى بحبك من بدرى بس مكسوفه تقولى وكده انا كنت حاسس ...هقفل دلوقتى يا ماما اما افرح على وبابا ❤❤❤❤
ناديه : ربنا يتمملك على خير يا حبيبى
**************
دخلت ورد الشقه وقفلت الباب ووقعت عالارض من الصدمه ومش فاهمه اى اللى حصل تحت ده ولا إسلام جه ازاى ....هى كانت بتقول الكلام ده لحبيبها فعلا بس مش إسلام ده لنور
ونور قاعد على كرسى قدام ورد وساكت
ورد : نور انا ...انا مكنتش اعرف
قاطعها نور : ششششش
قامت ورد ومسكت ايد نور جامد وشدته وزقته عالسرير
نور : فى اى يابت المجنونه
مردتش ورد عليه وطلعت زجاجة المايه ونامت جنبه عالسرير ومسكت ايده ودلقت الزجاجه كلها عليها وابتدت السلسله تنور وبعدين اغمى عليها
فتح نور عينه وقال : اخيرا جيت هنا وساب ورد ومشى ...شدته ورد من ايده واترمت فى حضنه وعيطت
ورد : والله العظيم بحبك انت ومليش غيرك فى الدنيا دى بعد ربنا .... حبيتك انت ومش ضامنه تكون ليا بس حبيتك ...والله حبيتك انت وبس ....مبحبش اسلام ولا اى حد والله انا اسفه ....مكنتش اعرف ان هو ورايا
مرر نور يده على شعرها وقالها : انتى قلتى بنفسك ملكيش غيرى فى الدنيا دى ...دنيا الموت ياورد مش دنياكى انتى ....حتى لو بتحبينى انسينى عشان انا مش ليكى
ورد بعدت عن حضنه وبصتله 🥺: يعنى اى ...انت كمان قلتلى انك بتحبنى ....انت اللى حركت مشاعرى تجاهك اللى كنت رافضاها ...انت السبب
نور : انا السبب ...انا مش ملاك ...انا ابن ادم وحواء بغلط عادى زيك وزى اى حد غلط سامحينى انا لسه بحب ندى ....انتى جيتيى بردو وحركتى مشاعرى لما خلتينى افتح فى ذكرياتى وكنت مفتقد الحب وانتى كنتى مجرد حاجه تسد المكان الفاضى بس
ورد مصدومه من نور وقعدت فى الأرض وضمت ركبتها عند راسها وظلت تبكى وتقول : محتاجاك يا بابا ....تيجى تشوف بنتك حبيبتك قلبها اتكسر كام مره .....قلبها وجعها من اى ....من مراتك اللى طردتنى وبتقول انو فى مصلحتى مع انى عارفه ان دى لعبه ....ولا امى الحقيقيه اللى طلعت عايشه وعارفانى وعارفه مكانى وساكته وسايبانى اتعذب واترحم عليها كل شويه وبتلعب مع صفيه عليا وانا عارفه مش هبله وسايباهم عشان اشوف اخرهم ...ولا من إسلام واتهاماته ليا ولا من مريم اللى اعتبرتها اختى .....ولا من.. ونظرت اللى نور واكملت ولا من الشخص اللى قلبى بعد كل ده دقله وقال خلاص هو اللى هيلم الجروح ويرجع قلبى زى ماكان طلعت غلط وطلع هو اكتر واحد كسر قلبى
نور كان بيتقطع من جواه ....هو بيعشق ورد ولاكن مش عايز يخليها تتعلق بيه لأن فعلا مينفعش
ورد : الله يرحمك يا بابا ...تعرف يا بابا انزل خدنى وريحنى بقا
شخص : مالك يا حبيبتى انا جنبك اهو
التفت نور وورد للشخص اللذى تكلم فصرخت ورد عندما رأته
ورد : بابااا😱
جريت عليه ورد وحضنته : بابا وحشتنى قوى
فاروق : وانتى كمان يا حبيبتى وحشتينى قوى بس انتى اى اللى جابك هنا
سكتت ورد وخرجت من حضن ابوها ونظرت لنور وقالت : هو انت مش قلتلى ان ده عالم الاموات بس ظلم ...قتل كده ...بابا مات فى حريق ازاى بقا
فاروق : لا ياورد انا اتقتلت انا وعبد الرحمن ابن اخويا
كادت ورد انت تسقط من الصدمه : انت بتقول اى ...بابا انت اتقتلت ازاى ....مين قتلك ....وده ليه علاقه باللى بيحصلى دلوقتى
فاروق : اى اللى بيحصلك احكيلى
____________يتبع_________
بقلم / ندا مصطفى عبد السلام
أنت تقرأ
غرام العالم الاخر
Storie d'amoreهى روايه جميله جدا بعنوان غرام العالم الاخر رومانسيه وفيها مغامره غامضه وشيقه وهتعجبكم
