غرام العالم الاخر

غرام العالم الأخر (٢٠)

( البارت العشرون ) غرام العالم الأخر
بقلم / ندا مصطفى عبد السلام
ــــــــــــــــــــــــــــــــــــــــــــــــــــــــــــــــــــ
إسلام اتصل بدكتور محمد
محمد : الو
إسلام : انا هشيلك من على وش الأرض
محمد ضحك وقال : اهدى كده يا ابو قردان بس وقولى مالك
إسلام اتعصب من طريقه محمد المستفزه وقال : اهدى ؟؟؟؟ بقا تقول لورد انها حامل وتقولى اهدى .....طب بص ياحيلتها بقا عشان بجد انا جبت اخرى منك ورد دى تخصنى وقريب هتبقى خطيبتى مش عايزك تبصلها ولا تكلمها ولا تستظرف تمام ياعم القمور
محمد بتحدى : لا مش تمام ورد تخصنى انا وهتختارنى انا لأنها بنت رقيقه ومحتاجه حد يفهمها ويعاملها بحب ورقه مش جحش زيك كل شويه يتعصب عليها ويهينها بالكلام ....امك قالتلى انت قلتلها اى لما عرفت انها حامل ... انت لو بتحبها كنت استنيت لحد ما هى تحكيلك
إسلام خلاص جاب أخره فعلا : ورد ليا انا وبس انت فاهم وبتحبنى انا وبس وهقتلك يا محمد وربنا لأقتلك
قفل محمد الخط فى وش إسلام وده ذاد من عصبيته وغضبه
اتصل إسلام على صديقه المقرب على
على : اى ياحب عامل اى
إسلام بينهج من العصبيه والغضب : طالب منك خدمه يا اخويا
على : اتفضل يابنى فى اى
إسلام بتردد من ما سيفعل تنهد قائلا : انت قلتلى قبل كده ان فى حد قريبك دكتور نفسانى صح
على : ايوه
إسلام : طب عايز رقمه
على : فى اى يا سيمو
إسلام : سيمو تعبان ياعلوه واتخنق ومش قادر يسيطر على نفسه .... بحبهااا وبعصبيتى دى انا فعلا بأذيها وببعدها عنى
على : هتروح لدكتور نفسانى عشانها ...انت يا إسلام انا مش مصدق
إسلام : ولا انا مصدق بس هعمل اى يا اخويا انت لسه محبتش ولا جربت الحب
على بحزن : ومين قالك محبتش ولا جربت
إسلام استعجب وقال : ليه هو انت بتحب وانا معرفش ولا اى
على : لالا حب ابتدائى متاخدش فى بالك
إسلام : طب والنبى متنساش تمام
على : من عينى هتصل بيك بعد شويه واديهولك
إسلام : حبيبى ...يلا سلام
على : سلام
قفل إسلام وعلى
على قاعد بيفكر وبيقول لنفسه
على :انا عمرى ما حبيت ولا جربت الحب ؟؟؟طب ده انا اكتر واحد متعذب .... ده انا اكتر عاشق وقلبى مكسور ....بحبك من اولى ابتدائى ...بحبك من ايام ماكنتى جارتى وبخبط عليكى ونلعب مع بعض ...هههه طب فاكره اليوم اللى لبستينى فستان وحطتيلى مكياج وعملتينى عروسه ولعبتى بيا عشان كان نفسك فى عروسه وباباكى مكنش معاه فلوس ....حبيتك وبحبك وهفضل احبك .... مريم انتى اسمك محفور فى كل جسمى فى كل قلبى فى نفسى فى عقلى فى افكارى وكل حاجه ...حبيتك يامريم ...حبيت عنيكى حبيت طيبتك حبيت خوفك حبيت طفولتك ...بس بموت كل يوم بسببك ...بموت وانا شايفك بتحبى اقرب صاحب ليا إسلام بحبك وعارف انك بتحبيه من نظراتك من سؤالك عليه لما بيغيب شوفت حبه فى عينك ...ليه بتوجعينى كده ...ده انا حبيبك ومتربين مع بعض واحنا صغار وكبرنا مع بعض وقدام بعض ....................وظل على يتذكر الماضى والحاضر ويتخيل المستقبل وهو يبكى على قلبه المحطم💔😔
*************************************
رنت منى جرس الباب وفتحت صفيه
منى : اهلا اهلا حبيبتى عامله اى
صفيه : الحمد لله بخير وانتى
منى : الحمد لله ... قال كنت جايالك فى خدمه كده هتكسفينى
صفيه : عيب عليكى يا منمن ادخلى بس الأول
دخلت منى وجلست على احدى المقاعد وجلست بجانبها صفيه وكانت ورد بالطابق الأعلى تكاد على وشك البكاء ولا تصدق ان كل هذا يحدث بالفعل معها
نور قرب منها ومسك ايديها وقتها ورد ارتجف قلبها ...ارتجف عقلها ...سمعت دقات قلبها تذداد
نور : متخافيش يا وردتى كل شئ هيكون بخير ..... احمدى ربنا ان بينلك الحقيقه سمى الله وتوكلى على الله
ورد : هو الجو حر ليه
نور ضحك وقال : شوف انا بقول اى وانتى بتقولى اى
ورد : انت بتعمل فيا كده ليه
نور : بعمل اى مش فاهم
ورد فاقت وقالت فى نفسها (الله يخربيتك كنتى هتقولى اى اسكتى ياورد وشيلى ايدك من ايدو قبل ما الموضوعه يكبر ) قالت كلمتها الاخيره بصوت عالى ومخدتش بالها
نور : هو اى اللى يكبر
ورد احمر خداها خجلا وقالت : شششش اسكت يلا هننزل
ونزلت ورد
وقالت لصفيه : اى ده ياماما مش تقولى ان عندنا ضيوف عشان اضايفهم
صفيه : ورد ... منى ... بما انكم هنا ومتجمعين ... انا هقولكم على سر وياريت متزعلوش منى .... انا كنت مخبياه لمصلحتكو انتو الاتنين
منى وورد : خير قولى
صفيه شاورت على ورد وقال منى ورد تبقى بنتك ....وشاورت لمنى وقالت لورد منى تبقى مامتك الحقيقيه ياورد
تصنعت منى ردة الافعال مثل الاندهاش والصدمه والبكاء والغضب من كذب صفيه والخ....
وتصنعت ورد ايضا الدهشه والصدمه والمثل
ورد :ايييه دى امى بجد 🥺
منى : بنتى حبيبتى 🥺تعالى فى حضنى اللى اتحرمتى منه يابنتى
نور : اى الوليه الكدابه دى ....هى بتجيب دموع منين
بصت ورد لنور وعرف من نظرتها انها متدمره نفسيا من اللى بيحصل وحزينه جدا وكان نفسه يحضنها لاكن فى الوقت ده مينفعش خااالص
قربت ورد من مامتها وحضنتها ....ورد كانت فاكره انها لما تحضن امها هتحس الاحساس الجميل اللى الناس كلها بتقول عنه لما بتحضن امها ...هتحس ب الامان هتحس بالحب والحنيه واللهفه على بنتها اللى مشافتهاش فعلا من سنين ...... لاكن للأسف ورد محستش بأى حاجه من دى كانت حاسه احساس واحد بس اللى هو عايزه تبعد عن حضن امها وعن امها بسرعه
منى بتبوس ورد وتحضنها :يا ورد كبيرتى ...وبعدت ورد منها شويه ووجهت كلامها لصفيه : انتى ازاى اصلا متقوليليش ان بنتى عايشه وساكته كل ده ... ليه تحرمينى من انى اشوفها بتكبر قدام عينى ليه تحرميها من حضنى .... انتى ظالمه هو عشان عيالك فى حضنك ماتحسيش بقلوب الناس وحرقتها على ولادها
صفيه كان نفسها تجيب سكينه وتقتل منى واللى يحصل يحصل ولاكن اوقف تفكيرها دخول هناء بسرعه وهى بتنهج وبتقول : فى اى قلقتونى
جريت ورد على هناء : المفتاح ياهناء هاتيه بسرعه
هناء : حيلك حيلك مفتاح اى
صفيه : مفتاح اوضه نادر
هناء : اااه ناادر .... استنو بس ورد انتى بتعملى اى هنا ..وفى اى يا مامام انتى دخلتيها ليه ... ومين دى كمان وشاورت على منى
وكانت اجابه اسئله هناء بصفعه قويه على خدها من ورد
ورد : ده بيتى واقعد فيه زى ما انا عايزه
زى ماهو بيتك بالظبط ووجهت بصرها اللى صفيه
نطقت صفيه بسرعه لانها للحظه شعرت بالخوف من ورد : اه اه يا حبيبتى بيتك ومطرحك طبعا
اكملت ورد ونظرت لهناء : ثانيا بقى اللى شاورتى عليها دى تبقى امى
نظرت هناء لمنى بكره وبعدها نظرت اللى ورد بعدوانيه وكادت على وشك الكلام ولاكن اوقفتها ورد واكملت : واذا كان انتى امك دلعتك ذياده ف انا هعلمك التربيه الصح
لم تجرء صفيه على الكلام خوفا من ورد
__________ يتبع ________
بقلم / ندا مصطفى عبد السلام