غرام العالم الاخر

غرام العالم الاخر (٧)

( البارت السابع )غرام العالم الأخر
اتصلت ورد بصاحبتها واتفقت معاها أنها تروح تبات معاها بكرة لحد ما تدور على شقة
وفى اليوم التالى ذهبت ورد دون إسلام الى الجامعه ولما خلصت راحت مع صاحبتها البيت ووضعت حقيبة الملابس والاشياء اللتى تخصها  وذهبت لتتمشى على البحر ...افتكرت ورد العقد اللى نادر اداهولها طلعته من الشنطه الخاصه بيها ولبسته وكان شكله جميل جدا عليها وبعدين لقت إسلام جه وقعد جمبها
إسلام : مشيتى ليه
ورد : انا قلتلك مبحبش أكون تقيله على حد
إسلام : لا فى حاجه تانى مزعلاكى ...هو انا دايقتك ياورد
ورد : لا
إسلام : طب بصى انا مش عارف انا هقولهالك ازاى بس انا عايز اقولك حاجه بصراحه
ورد : قول متكسفش منى احنا اخوات يعنى
إسلام توتر وفى نفس الوقت اتعصب من كلمه اخوات
إسلام : انا بحبك ....متبصليش كده اه بحبك ومش من دلوقتى لا اا بقالى ٤ سنين من أول مادخلتى الجامعه وانا بحبك ....والمحاضرات اللى بتحضريها انا بحضرها واللى بتغيبيها انا بغيبها وكمان انا اللى كنت بكتبلك المحاضرات لما بتغيبى ...انا بحبك ياورد وكل مره بشوفك فيها ببقى عايز اعترفلك بس بخاف لتبعدى عنى اكتر وخصوصا ان احنا مكن بينا كلام كتير زى دلوقتى
ورد : أنت بتقول اى يا إسلام متحلمش ...انا وانت اخوات
إسلام قلبه وجعه من كلمتها ليه
إسلام : ليه ياورد انا بحبك ليه نبقا اخوات ...انا فيا حاجه وحشه ...فيا عيب ...شكلى وحش مش عاجبك
ورد : لا بالعكس ...أنت محترم وإنسان جدع وقمور كمان بس انا مش فى دماغى حب وارتباط وكده
إسلام : شوفى ياورد مهما دورتى مش هتلاقى حد يحبك ادى أنا من ساعة ماشفتك وانا مكلمتش نص بنت على أمل أنك تكلمينى وتحبينى وتكونى ليا
إسلام صعب على ورد ومحبتش تكسره لأنه ساعدها كتير
ورد : بص يا إسلام انا مش هكدب عليك ومش هديك أمل كبير ..أنت شخص محترم وتتحب وممكن مع الوقت أحبك
إسلام : بجد ياورد يعنى فى أمل تحبينى ونكون لبعض .
هزت ورد رأسها وهى حزينه ولاكن إسلام كان هيطير من الفرحه وفضلت ورد باصه للبحر
إسلام : تعالى بقا معايا
ورد : فين
إسلام : هوصلك
ورد : فين
إسلام : عند صاحبتك ....إسلام محبش يضغط عليها ويقولها عند مامتو لحسن تزعل منو وتربط الاحداث ببعضها غلط فقالها عند صاحبتها احسن وهو هيراقبها من بعيد لبعيد
ورد : لا سيبنى شويه لوحدى
إسلام : مينفعش اسيبك
ورد : أرجوك يا إسلام محتاجه اقعد لوحدى
إسلام : طيب مقدرش أزعل وردتى ...خلى بالك من نفسك ...خلصى وكلمينى وهاجى اوصلك
ورد : حاضر وأنت كمان
إسلام : سلام
ورد : سلام
فضلت ورد سرحانه فى المنظر الطبيعى اللى قدامها وجماله وهدوئه وفجأة جالها احساس بدوخه وأبتدت تتخيل وتشوف أشكال اشخاص بيتهيألها انها شافتهم قبل كده وأبتدت تهلوس بأشخاص من التاريخ ماتو فى الحروب وبعدين ......
********************
هناء : يخربيتك انت جيت هنا ليه أفرد ماما شافتك
حازم : وحشتينى قولت أجى أشوفك وبعدين مش كان بينا أنك تقابلينى بعد المدرسه ...بقالك اكتر من أسبوع مشوفتكيش
هناء : معلش حبيبى حصلت ظروف بقا معلش ..وفى نفسها تقول ( كله بسبب الزفته اللى اسمها ورد دى )
حازم : طب ما تيجى نخرج دلوقت
أم هناء : يا هناء تعالى بسرعه عايزاكى
هناء : حاضر يا ماما جايه اهووو....أمشى بسرعه يا حازم لتشوفك ماما ...هقابلك يوم الخميس مش هروح المدرسه وهقابلك بس أمشى دلوقتى يلا
حازم : ماشى هصبر يومين كمان بس أبقى ردى عالتليفون
أم هناء : هنااااااااء
هناء : حااااضر ...بحبك
حازم ابتسم بخبث : وانا كمان
********************
فتحت عينيها ولقت نفسها نايمه على سرير ولما دققت النظر لقتنفسها فى بيت أم إسلام وجمبها إسلام قاعد جمبها وأول ما شافها فتحت عنيها جرى عليها وقالها
إسلام : ورد ..ورد انتى كويسه ..اى حصلك
ورد : مش لما أعرف انا اى اللى حصلى ابقى اقولك ..... انا اى اللى جابنى هنا وازاى ....انا اخر حاجه فكراها انى كنت قاعده عادى عند البحر ومش فاكره بعد كده
إسلام بصى ياستى أنتى دايما لما بتقوليلى أمشى انا عايزه اقعد لوحدى  بقولك ماشى وحاضر ومش بمشى بستخبى واقعد اتفرج عليكى
شهقت ورد وقالت : هااااا بتراقبنى
إسلام : حاجه زى كده ..المهم انتى كنتى قاعده عند البحر وفجأة لقيتك بتقعى واغمى عليكى  فأخدتك وجبت هنا
ورد : طب ازاى ...انا كويسه صح ...مفنيش حاجه
إسلام : لا متخافيش ممكن يكون من التفكير فجالك شويه تعب المهم لازم ترتاحى ...أنا طلبتلك الدكتور وزمانو على وصول
ورد : ليه بس بتتعب نفسك انا كويسه اهو زى ما قلت شويه تعب
إسلام : تعبك راحه ياورد وبعدين ده واجبى كصديق ولا أنتى اى رأيك يا أمى
أم إسلام : اه طبعا يابنى
*****يتبع ******
بقلم / ندا مصطفى عبد السلام