غرام العالم الاخر

غرام العالم الأخر (١٣)

(البارت الثالث عشر) غرام العالم الأخر
بقلم / ندا مصطفى عبد السلام
****
صفيه : اقسم بالله يانادر لهتشوف منى وش عمرك ما شوفته ولا هتشوفه قبل كده
ابتلع نادر ريقه بصعوبه وقال : انا مش فاهم انتى بتتكلمى على اى
صفيه : وحياة امك ...بقى تهرب الزفته اللى اسمها ورد دى وتيجى تقول مش فاهم بتكلم على اى ...تعال وانا واريك هتفهم ازاى
شدت صفيه نادر بقوة من ايده....ودخلته غرفته وسحبت منه الموبايل بتاعه وقالتله : ورد فين
نادر بتوتر : ممعرفش
صفيه شدت قبضتها على ايده وقالت بغضب : اقسم بالله يانادر لو منطقت لاكون حرماك من كل حاجه حلوه فى الدنيا دى كلها ....انطق
نادر : انتى مش أم....أنتى ازاى كده ....أبعدى عنى معرفش هى فين
صفيه : تمام أنت اللى جبته لنفسك ....هناااااء
هناء : ايوه يا ماما
صفيه : اقفلى عليه الباب بالمفتاح من برااا وميدخلهوش ولا اكل ولا شرب ...ممنوع يروح المدرسه والدروس ...والفون بتاعه معايه ورينى بقا هتفضل ساكت لحد امتى
ومشيت صفيه وتركت هناء ونادر
نادر كان يريد البكاء بشدة ...كان يريد ورد أن تكون بجانبه لتحتضنه ولاكن تماسك لأنه أمام هناء
نادر : واقفه ليه .. ما تعملى اللى قالتلك عليه
هناء ببرود : طب بدل كل ده ما تقول هى فين وتريح نفسك
نادر : اطلعى برا
انصرفت هناء واغلقت الباب بقوة واغلقته بالمفتاح
____________
محمد : هى اتأخرت ليه ....تكون مش جايه.....لا بس هى قالتلى انها جا...
ورد : هاى
محمد : احم ورد كنت لسه فى سيرتك
ورد بصت حواليها وقالتله : أنت ومين
محمد ابتسم : انا ونفسى
ورد : اه ده انت مجنون وعايز تعالجنى
محمد : حاجه زى كده ...المهم انتى كويسه
ورد : الحمد لله ...بخير
محمد : طب ممكن ...
ورد : لا مش ممكن
ضحك محمد : هههه هو انا لسه قولت انا عايز اى
ورد ابتسمت :: هتسألنى كان مالى الصبح وكنت بعيط ليه وكده ....فكك....المهم
استغرب محمد ولكن قال : المهم
ورد : انا بس كنت عايزه اقابلك عشان اعتذرلك بالنيابه عن إسلام ...هو إنسان محترم وهو بيخاف عليا زى اختو بس عشان كده اتعصب مش اكتر ...ياريت تسامحه
محمد : زى أختو بردو
ورد فى نفسها : اولع فى نفسى يارب انا كل ما اكلم حد يقولى كده ...ثم قالت له : اها اخته
محمد : ما اظنش اختو ...بس ماعلينا ...انا مسامحه بس حبيت ادايقه شويه واهزر معاه بس هو ذودها معايه
ورد : معلش انت الكبير
ضحك محمد : انا الكبير اى هو احنا عيالك وبنشتكيلك من بعض
ورد : هههه خلاص بقا قلبك ابيض ...المهم كان فى حاجه كمان عايزاك فيها
محمد : أنت تؤمر ياجميل
ورد : انا بس كنت عايزه اعرف هو انا مريضه ولا فيا حاجه وانت مخبى ....اصل اللى بيحصل ده اغماء كل شويه ودوخه
محمد : ااااه بصراحه ياورد انا كنت مخبى عليكى
توترت ورد وبلعت ريقها بصعوبه : كنت حاسه....قولى انا فيا اى
محمد : انتى ..
ورد : انا اى ؟؟؟
محمد : ااانتى.....
كادت ورد على وشك البكاء ولكن تماسكت : انا اى قووول؟؟
محمد: انتى حامل يا ورد
ورد : ححح اى حامل ازاى بس انا....لا لا ...وبدأت ورد فى البكاء ...لا والله انا مش حامل ....انت متأكد وبدأت شهقاتها تذداد واحمر وجهها وعيناها وذادت من البكاء
محمد : ههههه استنى بس والله بهزر معاكى انتى كده ازاى
ولكن ورد من كتر بكائها لم تسمعه
محمد : يابنتى بهزررر والله اهدى ...
قلق محمد على ورد وخاف ليحصلها حاجه
محمد : ورد ...انا هقوم اجيبلك مايه من السوبر ماركت متتحركيش
جرى محمد عشان يشترى زجاجة مياه لورد
ورد وهى بتعيط دموعها نزلت على السلسله وكالعاده السلسه ابتدت تضئ و حست بدوخه واغمى عليها
رجع محمد لقاها مغم عليها فتح زجاجة المياه وفضل يرش على وشها مايه وهى مبتصحاش ...ضربها بالقلم بس ضربها خفيف ...بردو مش بتصحى قلق عليها وشالها وجرى بيها عنده فى العياده وهو فى طريقه قابل إسلام فى وشه
إسلام بعد مافاق من قلم ورد واستوعب اللى عمله راح عشان يعتذرلها ويشرحلها موقفه ويقولها ان كل ده حصل بدافع الغيره والحب وان هو عمرو ماكان هيأذيها عشان هو بيعشقها وروحه فيها ولما فكر يروحلها اول مكان خطر فى باله هو البحر عشان عارف ورد بتحبه اد اى ...بس لما راح شاف محمد وهو شايل ورد
إسلام : اى اللى انت بتعمله ده ....قرب إسلام منه شاف ورد مغمى عليه ...انت عملتلها اى يا متخلف ....اوعى كده ...إسلام شال ورد من محمد وجرى بيها وهو مش عارف هو رايح فين .....اروح البيت ولا عند دكتور ...مش عااارف انا هروح البيت احسن
محمد : استنى يا إسلام انا هاخدها العياده عندى
إسلام : كلمه منك تانى وهكون قاتلك فى ارضك
******************
قامت ورد ولازالت تبكى
نور جرى عليها : اى ده ورد مااالك حببتى فى اى بس بتعيطى ليه
ورد اندفعت نحو نور وحضنته وظلت تبكى بقوة
بادلها نور نفس الحضن وقالها : اهدى يا حبيبتى مفيش حاجه ...كله خير ..كله خير ...استهدى بالله بس ...
وفضل يطبطب على كتفها لحد ماهديت ورد .
هديت ورد وفاقت لنفسها واستوعبت انها فى حضن نور وبدأ قلبها يدق جامد لدرجه انها حاسه انو هيخرج من جسمهاا انتفضت ورد من حضن نور وقالت : انااا انا اسفه ممكنتش اقصد
نور : ولا يهمك انتى مالك بس فيكى اى
تلألئت الدموع فى عيني ورد وقالت : كشفت وطلعت حامل
انصدم نور مما قالته له ورد : انتى بتتكلمى جد
ورد خبت وشها بأيديها وقالت : انا والله معملتش حاجه ..انااا اناااا ممش عارفه ازاى كده
نور : عملتى تحليل واتأكدتى طيب
ورد : لا معملتش ...ده دكتور محمد هو اللى قالى
نور : دكتور محمد مين ...موثوق منه يعنى
اعتدلت ورد وقامت من الارض وقالت : معرفش يانور هو لما كان بيغمى عليا إسلام جابو عشان يكشف عليا ودايما كان بيقول ان انا سليمه ...وأخر مره كان بيكشف عليا انهردا الصبح وهو وإسلام اتخانقو مع بعض بسببى وانا طلبت من محمد أقابله عشان اعتذرله من اللى حصل وساعتها سألتو هو مخبى عنى حاجه ...خفت لأكون عندى مرض وحش ولا حاجه راح قالى بصراحه ياورد انا كنت مخبى عنك ان انتى حامل
نور : ورد حببتى انتى بتيجى هنا ازاى
ورد : ممعرفش
نور : طب مش ملاحظه انك قبل ما تدخلى العالم هنا بيغمى عليكى
صمتت ورد قليلا لتفكر واقبلت قائله : اه فعلا ...لما كنت فى البحر ودلوقتى ...يبقا عشان كده ...بس ازاى حامل
نور : استنى بس سيبى حوار الحمل ده لبعدين انا هقولك
...المهم دلوقتى انتى معرفتيش بتدخلى هنا ازاى
ورد : لا ...بس فى حاجه غريبه لسه واخده بالى منها
نور بأهتمام : اى هى قولى
ورد : أول مره ادخل فيها العالم ده اختفيت من العالم الحقيقى ....اما بقا تانى مره مااختفتش وكان جسمى فى العالم الحقيقى
نور : مين قالك
ورد : اصل اول مره كنت مخطوفه ووقت ماجيت هنا اللى كانو خاطفنى مالاقونيش فى الأوضه اللى محبوسه فيها ...لاكن تانى مره انا اغمى عليا فى البحر وقدام إسلام وهو انقذنى وودانى بيتو يعنى لو كنت اختفيت المره دى كان هو قالى مثلا او معرفش ينقذنى ومكنتش لما فوقت لقيت نفسى فى بيتو
نور : مممم ...طب ركزى معايا ...انتى لما اغمى عليكى اول مره
ورد :اه مالها
نور : قبل ما يغمى عليكى عملتى اى
ورد : معملتش ...هو بس كنت بعيط وبعدين ظهر نور من السلسه دى وبعدين....😱شهقت ورد عندما نطقت بهذه الكلامات ....السلسله
نور : سلسله اى
ورد طلعت السلسه لنور وقالتله : السلسه دى ...قبل ما اجى هنا السلسله دى بتنور ...انا لسه اخده بالى دلوقتى
نور : طب كويس عرفتى اى نقطه الوصل ...انتى جبتيها منين شكلهاااا مش غريب علياا
ورد : فى يوم كنت ماشيه عالبحر ولقيتها واخويا نادر عملهالى سلسله ومن ساعة مالبستها وانا فعلا بيحصلى كده
نور : نادر ده اخوكى بجد من امك وابوكى يعنى
ورد : كان نفسى ...هو من ابويا بس لكن من أم تانيه
اتصدق وحشنى قوى وعايزه اتصل اتطمن عليه و...
اختفت ورد
نور : وبعدين معاكى ياورد ....ظهرتى فجأة فى حياتى وبتختفى فجأة....انا قتلت قلبى من زمان وشكله هيحي على أيدك ...بس لا مينفعش هى مش هتحب واحد ميت ....بس انا لازم اكتشف هيا بتدخل هنا ازاى عشان اقولها تيجي هنا علطول لما تحب تهرب من العالم الحقيقى ومن مشاكله ومن همو وتيجى هنا لحضنى انا ....نور اى اللى انت بتقوله ده انت مجنون هى إنسان حى وانت ميت ....بحبها...لا لا انا هروح اعمل اى حاجه الهي بيها نفسى بدل ما اتجنن
***************
فاقت ورد لقت نفسها بين أحضان إسلام ...شايلها وطالع بيها سلالم العماره
ورد : اى ده نزلنى انت بتعمل اى ....وقالت بصوت خايف ....انت مودينى فين ..نننزلنى أرجوك وحاولت تنزل ولاكن إسلام شد قبضته على جسمها ومخلهاش تعرف تتحرك
ورد كانت خايفه جدا بس استوعبت ان دى عمارة صحبتها مريم ...فهديت شويه
إسلام بقا كان هيموت ويعيط بسبب غبائه لأنو خلى ورد تخاف منو بالطريقه دى واكيد كرهتوو...للدرجادى يا إسلام للدرجادى حبك أذاها
وصل إسلام عند باب شقه مريم وخبط وفتحتله مريم
مريم مش مصدقه فرحتها ...إسلام واقف قدامها ...بس لما دققت النظر وشافته شايل ورد قلبها وجعها جدا وادايقت وقالت : ورد مالك ....تعالى
نزل إسلام ورد وقالها : خلى بالك منها وانا كمان شويه هبعتلكم دكتور كويس وهاجى معاه لف إسلام وشه يمشى بس وقفته ورد : استنى يا إسلام انا عايزه اكلمك
_______يتبع ________
بقلم / ندا مصطفى عبد السلام