غرام العالم الاخر

غرام العالم الأخر (١٢)

( البارت الثانى عشر ) غرام العالم الأخر
بقلم / ندا مصطفى عبد السلام
___________
صفيه : الو مين معايا
منى : عملك الاسود معاكى
صفيه بتوتر : مممنى
منى : اه ياختى منى ....جبتيلى البت ولا لأء
صفيه : والله العظيم جبتها وهربت والله العظيم
منى : انتى هتستعبطينى يا صفيه ....قدامك لحد بكره ...جبتى ورد الفيديو هيتمسح ...مجبتهاااش يبقا اشوفك على حبل المشنقه سلام
واغلقت منى الخط وتركت صفيه فى حيرة من امرها تفكر كيف تأتى بورد مرة اخرى والى اين ذهبت ورد وكيف ستثق بهم بعد ما اكتشفت انهم وراء خطفها
***************
هناء : حبيبى اخيرا عرفت اطلع م البيت الهم ده
حازم : لا بس انا بردو زعلان انتى اتأخرتى كتير وكل مره تقولى بكره بعده الاسبوع الجاى وتطنشينى
هناء : متقولش كده بس والله مقدرش على زعلك بس انا فعلا كان عندى ظروف والبيت وكده وانت عارف ماما صعبه
حازم : لا بردو انا زعلان
هناء : طب متزعلش ....طب اعمل اى عشان تصالحنى
سكت حازم ومردش عليها
هناء : قولى بس هعمل كل اللى تقول عليه بس متزعلش وحياتى
ابتسم حازم بخبث وقالها : كل حاجه كل حاجه
هناء بسذاجه : اه والله كل حاجه
*************
إسلام : ورد ...ورد والنبى اصحى ...لو بتحبينى اصحى
ورد ابتدت تفتح عنيها ...وإسلام هيموت من الفرح لإنها صحيت أول ماقال لو بتحبينى اصحى .
إسلام : ورد حبيبتى انتى كويسه
اعتدلت ورد وقالت : اه الحمد لله بخير يانور انا كويسه
إسلام : نور ...نور مين ؟؟ انا إسلام ...دكتور هى فقدت الذاكره ولا اى ؟؟
ضحك محمد (الدكتور) لا يا استاذ إسلام هى بس بتفوق عادى اتلاقيها اتلغبطت
محمد : انسه ورد ممكن تقوليلى انتى مادام مبتعرفيش تعومى بتنزلى بحور ليه
ورد : لا انا بعرف اعوم كويس ...ده الحاجه الوحيده اللى بعملها صح فى حياتى
محمد : طب وادام بتعرفى تعومى غرقتى ازاى
ورد : مش عارفه انا بس حسيت بدوخه وشكلى اغمى عليا مش اكتر
محمد : حد قالك ان عنيكى جميله يا انسه ورد
ورد وإسلام فى نفس الوقت : اى 🤨
محمد : احم اقصد يا فندم ان عنيكى شكلها غريب يعنى هى كانت جميله بس انا شايف فيها حزن ومشاكل وكده يعنى لو تحبى تفضفضى معايا
إسلام : ما تتلم يا حضرة الدكتور انا جايبك تعالجها ولا تشقطها
ادايقت ورد من كلمة إسلام
ورد : إسلام اى تشقطها ده ...وانت يا كتور اى اللى حضرتك بتقولو ده
محمد : اولا يا إسلام انت فهمت غلط ورد مريضه عندى لان ده تانى مره تجيبنى اكشف عليها ولما بكشف مش بلاقي عندها حاجه ...فممكن تكون عندها حالة نفسيه ...قولتلها تتكلم معايا وانت عارف انى بردو بعالج مرضى نفسيين ...ده كان قصدى ..فهمتى قصدى يا انسة
طلع محمد كارت تعريفى من جيبه واداه لورد
محمد : اتفضلى يا ورد ده الكارت بتاعى لو عوزتى تكلمينى قوليلى
اخد إسلام الكارت قبل وصوله لورد وقطعه وقال : شكرا دكتور مش هنحتاجك تانى ....ده تانى مره اجيبك تكشف ومتقولناش حاجه مفيده ..شكلك مبتفهمش حاجه عن الدكاتره اصلا...انا بتصل بيك بس عشان انت صديق للعيله مش اكتر
انزعجت ورد من طريقه إسلام فى الكلام
إسلام : اتفضل يا دكتور
نظر محمد اللى ورد نظره غريبه ولاكن تحتوى على معانى كثيره ومشى
نزلت ورد من على السرير وذهبت خلف محمد
إسلام : خدى هنا انتى رايحه فين
ورد : اوعى كده انت غبى اصلا ...الراجل تعب وجالك لحد بيتك عشان يكشف عليا وانت اتصرفت زى العيل الصغير وقليل ادب كمان
إسلام : انتى مشوفتيش كان بيبصلك ازاى وعنيه بتلمع ازاى انتى مش هتفهمي ده
ورد : اوعى بس خلينى الحقه
إسلام شدها من دراعها : مش هتروحى فى حته
زقت ورد إسلام بقوة : اوعى بقا
وجريت ورد ولقت محمد فتح الباب وماشى
ورد : احم..دكتور محمد
التفت محمد بسرعه : ايوه
ورد : بعد اذنك ممكن اكلمك شويه
محمد : اه طبعا بس مش هنا معلش ..انا حلفت انى مش هقعد هنا ثانيه واحده ولا هعتب المكان ده تانى
ورد : انا اسفه فعلا والله بس..
محمد : حصل خير ....اتفضلى ارتاحى
ورد : بس انا عايزه اكلم حضرتك
محمد : شوفى انتى فاضيه امتى ونتقابل فى اى مكان
ورد : اى وقت ممكن انهردا بعد العصر
محمد شاف خيال إسلام ورا الباب بيتصنت عليهم ضحك وقال : ماشى ياقمر اه انا مش فاضى خالص بس هفضيلك نفسى مخصوص
ورد : طب خلاص لو مش هينفع يبقا بك..
محمد : لا لا خلاص هو انهردا انتى بترجعى فى كلامك ولا اى
ورد : ههه تمام ماشى يبقا انهردا
مشى محمد ومشيت ورد وراه عشان تقفل الباب ولسوء حظها اتكعبلت وكانت هتقع ...جرى إسلام عليها ولاكن محمد سبقو ومسك ورد ...ولاكن ورد اخدت محمد وكملت وقوع ووقع محمد فوق ورد ...وإسلام من الصدمه كان نفسو الارض تنشق وتبلعو
ورد : اسفه اسفه والله مش عارفه اتكعبلت ازاى
محمد : احلى كعبله دى ولا اى
ضحكت ورد وبعدين نظرت الي نفسها ووجدت ان محمد فوقها تماما فخجلت واحمر خدها ....لاحظ إسلام ورد وكان هيموت وجرى على محمد وزقه بعيد لدرجه انه اتخبط فى الحيطه
إسلام : اى عجبتك القعده عالارض اجيبلكو اتنين لمون
استغربت ورد ولاكن قامت وراحت لمحمد عشان تساعده يقوم من عالارض لأن بسببها هو فى الموقف ده
ورد مدت ايديها لمحمد : هات ايدك معلش يا دكتور إسلام عصبى حبتين
مسك محمد ايد ورد وقام ولاكن وقع وورد وقعت فى الارض جمبه وضحكت : لااااه بقا ده فى حاجه فى رجلينا ...
لاكن محمد كان قاصد يوقع ورد عشان يغيظ إسلام
محمد : ههه مش عارف المهم تعالى نقوم لحسن ابو قردان شكله دخل يجيب سكينه من المطبخ وهيقتلنى .....انا همشى وهستناكى تمام
ورد ضحكت : هههه ابو اى ؟ هههه اتصدق لايق عليه قوووى ...تمام بعد العصر
محمد : مقولتليش هنتقابل فين
ورد : عند البحر
محمد : انتى تانى
ورد : ههه لا متخافش مش هنزل هنقعد عالكراسى من بره
محمد : تمام ...مع السلامه
ورد : مع الف سلامه
طلعت ورد فوق عشان تشوف اى اللى إسلام عمله ده قدام الدكتور
ورد خبطت على غرفة إسلام : إسلام ....افتح عايزاك ...عايزه اعرف اى اللى انت هببته تحت ده
فتح إسلام الباب وعينه كانت حمرااا جدا من الغضب والعصبيه
إسلام : هببته ....اه انتى مش شايفه نفسك بتعملى اى
دخلت ورد غرفه إسلام وقالت : عملت اى يعنى يا إسلام ما تفهمنى انت عمال تتصرف بغرابة
إسلام : انا شفت فى عين محمد الحب تجاهك
سكتت ورد وبعدين ضحكت بصوت عالى : ب اى بيحبنى هههههههه اتصدق والله ضحكت من قلبى ...بطل هبل يا إسلام اولا..ده مشافنيش غير مرة ودى التانيه ...ثانيا الراجل مقاليش وملمحش على حاجه تدل على كده ثالثا حتى لو بيحبنى انت اى اللى مزعلك ..فى اللحظه دى ورد نسيت اعتراف إسلام بحبه ليها ولما افتكرت شتمت نفسها على غبائها
إسلام اذداد غضبه وقالها : ااااه قولى كده بقااااا شكلك انتى كمان حبتيه ...اه ما هو دكتور وحلو ومعاه فلوووس ويقدر يحميكى و...
ورد : بسسسس اى اللى انت بتقولو ده حب واى وزفت اى يا إسلام
جه إسلام عليها ومسكها من كتفها جامد وقالها : محمد بيحبك وانا شفت ده فى عينه وطريقه كلامه وانتى مشفتيش خوفه عليكى ازاى وانتى مغمى عليكى ....وانا مبحبش حد ياخد حاجتى مهما كاان مين
حاولت ورد انها تزقه بعيد لان هو ضاغط جامد على كتفها وهى بتتوجع
ورد : إسلام ابعد عنى
إسلام : اى مش طايقانى للدرجادى كرهتينى
زقها إسلام على السرير وقرب منها وقعد جمبها وحاوطها بأيده
ورد : إسلام ابعد انت هتعمل اى
إسلام : ما انتى كنتى ساكته لما الاستاذ وقع عليكى ولا هو حلو ليه ووحش ليا
ورد زقته جامد وقامت بسرعه فشدها إسلام ليه وقرب منها وفى لحظه كانت ورد ضربته بالقلم
ورد : إسلام فوق لنفسك انت بتعمل اى ....احمد ربنا ان مامتك مش قاعده عشان متشفش اللى ابنها بيعمله وتتصدم فيك ....اولا يا إسلام انا مش ملك حد عشان تقول ان محمد هياخدنى منك وان انا شئ ملكك ....وثانيا انا ولا بحبك ولا بحب محمد ده عشان افكر فيكو من أساسو ....ثالثا بقا انت نهيت كل اللى بينا وقطعت اى أمل ما بينا لأنك إنسان حقير وبنت على اصلك رابعا القلم ده يمكن مكنش كافى قوى ولاكن يمكن يفوقك ...انا ماشيه وأوعى تتصل بيا ولا الاقيك بتسأل عنى انت فاهم
مشيت ورد ورزعت الباب وراها وفضلت تجرى فى الشارع وهى بتعيط لحد ما اتخبطت فى حد
ورد : انا اسفه بس..
محمد : ولا يهمك يا ورد
بصت ورد لمحمد وقالت : هو انت .

محمد شاف ورد بتعيط وشكلها مش مظبوط : ورد ...مالك ...إسلام ضربك ولا اى
ورد : لالا مفيش حاجه هو حضرتك مروحتش ليه
محمد : متغيريش الموضوع ...حد اتعرضلك طيب ...فى اى متقلقنيش كده
ورد بعصبيه : قلت لحضرتك مفيش حاجه وياريت تبعد عنى..وسابته ومشيت
محمد : طب استنى ...معادنا زى ما هو ولا اتغير
ورد وهى بتمشى : فى معاده
*********
إسلام بيبكى : والله يا أمى بحبهااا ومكنش قصدى ...انا والله اتسرعت بس محمد دايقنى وافتكرت انها بتحبه زى ما بيحبهااا
ناديه (أم إسلام ) : اهدى يابنى كده انت اول مره تعيط بس ...انت عملتلها اى طيب
اتعدل إسلام : مش عارف ...انا مش عارف انا كل اللى فاكره انها ضربتنى بالقلم وبعدين قعدت تقولى فى كلام وبمعناه انها هتسبنى وانها مش عايزانى .....انا هموت من غيرها مقدرش ...مش هينفع اسيبها
ناديه : يامرارى ...ضربتك بالقلم ...لا يا اما هى اتجننت يا اما انت يابنى أذتها
إسلام وهو يبكى : ورد ملكى انا وحببتى انا وبس ومهما كان الثمن هتكون ليا
ناديه رغم بكاء إسلام إلا انها خافت من ابنها لانه مجنون ويعمل اى حاجه وخافت لايأذى ورد

_____يتبع______
بقلم / ندا مصطفى عبد السلام