غرام العالم الاخر

غرام العالم الأخر (١٦)

.{ البارت السادس عشر } غرام العالم الأخر
بقلم / ندا مصطفى عبد السلام
ـــــــــــــــــــــــــــــــــــــــــــــــــــــ
صفيه : هناء اتصلى بورد من تليفون نادر عشان ترد
هناء : حاضر
وبالفعل اتصلت هناء ب ورد
ورد قامت من حضن ناديه ومسكت التليفون وردت
ورد : ايوه يانادر
صفيه : الو ياحببتى
قامت ورد وانسحبت من جنب ناديه
ورد : حبيبتك .... احلفى كده
صفيه : اه طبعا حبيبتى ده انت بنتى ياورد
ورد : لا ثوانى بس هو اللى حصل ده حلم ولا انتى فقدتى الذاكره .... هو مش انتى خطفتينى بردو ولا اى ..... مش انتى خبيتى عنى ان امى عايشه وسايبانى كل ده بتعذب من غيرها
اتضايقت صفيه ولاكن ابتسمت ابتسامه خبث وانتصار وقالت وهى متصنعه البكاء
صفيه : غصب عنى والله ياورد .... انا مكنتش عايزه اقولك بس امك هددتنى وهى الى قالتلى اخطفك .... وكل شويه تجيلى البيت وتكلمنى فى التليفون عشان عايزاكى
ورد شعرت وأن العالم يتفق ضدها اليوم
ورد : لا مستحيل تقولك كده انتى كدابه
صفيه : انا كدابه ياورد ....طب انا هثبتلك ....تعالى ياستى انهردا الساعه 5 وهتشوفى امك بعينك وهى بتهددنى عشان انا مخطفتكيش او جيبتك ليها
ورد : عايزانى اجى عشان تخطفينى تانى .... لا مش هاجى ومش مصدقاكى
واغلقت ورد الخط وجلست مكانها فى الارض وشعرت انها تريد البكاء ولاكن شئ يمنعها ... تحجرت دموعها من شدة الألم اللذى يوجد بداخلها .... لا اله الا انت سبحانك انى كنت من الظالمين
هذا مانطقت به ورد قبل دخول إسلام
إسلام : ورد قومى اى مقعدك فى الأرض كده ... واقترب منها إسلام حتى يساعدها فى النهوض من الارض
فابتعدت عنه
ورد : ابعد عنى ... انا هقوم نفسى
نزل اسلام راسه فى الأرض بحزن وقعد بركبته على الأرض بجانب ورد وبدأ فى البكاء
إسلام : انا اسف والله اسف .... مكنش قصدى ومكنتش فى وعيى ومكنتش هعملك حاجه .... بس انا بحبك ونار الغيره قتلتنى وقت ماشفت محمد قريب منك ....ارجوكى سامحينى والله ماكان قصدى انا اسفه
اقتربت منه ورد ورطبت على كتفه بهدوء
ورد : اهدى طيب مسمحاك خلاص ....
نظر إسلام اللى ورد وقالها
إسلام : ورد تقبلى تتجوزينى
ورد فى نفسها "يارب انا ناقصه صدمات "
إسلام : ورد رحتى فين
ورد عملت نفسها مسمعتش حاجه
ورد : كنت عايزه اقولك على حاجه
إسلام : اتفضلى
ورد : انت ازاى جالك قلب تشلنى كده وقدام صحبتى ومامتها يقولى عليا اى دلوقت
إسلام : طب اولا كده ده شئ خلاص حصل بتفتحى فيه ليه ... ثانيا كده انتى كنتى مغمى عليكى كنت عايزانى اعلمك المشى وانتى نايمه يعنى
ورد : بس انا فقت
إسلام : فوقتى على السلم ... كنتى عايزانى انزلك وكنتى هتقعى لأن اعصابك مكانتش مجمعه وبعدين كان فاضل سلمتين على باب صحبتك جت عليهم يعنى ..... وبعدين هو انتى مسمعتيش ولا انتى بتحاولى متسمعيش
ورد متصنعه عدم الأستفهام : على اى سمعت اى بتقول
إسلام : طب هسألك تانى ... ورد تقبلى ت...
قاطعته ورد قائله : اسفه يا إسلام معلش انا لازم اروح لمريم اخد شنطتى واروح
إسلام : استنى بس تروحى فين انا جبتلك شنطت بس هتروحى فين
ورد : اروح البيت
إسلام : انتى هترجعى لمرات ابوكى
ورد : لا انا جبت شقه
إسلام : وجبتيها منين ياورد.....ومين ده اللى رن عليكى ومشيتى من عند مريم بعد مكالمته ليكى
قصت له ورد كل ما دار بينها وبين المحامى....من اول المكالمه لأخر المقابله
ــــــــــــــــــــــــــــــــــــــــــــــــــــــــــــــــــــــــــ
فى مكان أخر ..... مكان هادئ .....لا يوجد شئ فيه غير الهدوء والسكينه وشخص حزين جالس على طرف شط البحر يفكر فى محبوبته التى لم يراها سوى مرتين وخطفت قلبه
نور : ورد اسم على مسمى .... انتى ورد فعلا انتى وردتى .... بس برغم ان انا عايزك جمبى وحبيتك ازاى معرفش .... بعد ماقفلت قلبى لان مينفعش ....جيتى انتى واقتحمتى اوردتى وعروقى وسكنتى مكان دمائى اصحبتى هوائى اصحبتى ملاكي
ههههه اى ده وخلتينى شاعر كمان ....بس برغم ده كله انا بتمنى مشوفكيش تانى .... بتمنى تحبى حد وتيجى تقوليلى عشان اتجرح ومفكرش فيكى لأن مش هينفع اكون ليكى
ههههه المفروض والله اكتبها فى ورقه واكتب توقيعى تحتها هههه ده انا فنان يابا
ــــــــــــــــــــــــــــــــــــــــــــــــــ
إسلام : تقصدى تقولى يعنى ان امك كل ده عايشه وانتى متعرفيش بس هى تعرف
اومأت ورد برأسها بأيجاب
إسلام : طب ومكانتش بتسأل عليكى ليه
ورد : معرفش
إسلام : طب بردو مقولتليش بعد كل ده .... جبتى الشقه منين
ورد : هحكيلك ما انا بعد ما طلعت من عند استاذ حسين اخدت بعضى ورحت عالبحر وقعدت افكر وبعدين لقيت نفسى بتصل بأستاذ حسين وبسأله على شقه ... قالى ان هو عندو كذا شقه هنا وكذا شقه فى اسكندريه بردو وخيرنى اخد شقه هنا ولا فى اسكندريه ..... بس طبعا قلتله هأجرها بس هو حلف عليا وقالى انتى زى بنتى وانو عايز يرد اى حاجه لبابا ليا لأن بابا كان اكتر من اخ ليه و...
إسلام : وانتى بقا هتقعدى هنا ولا فى اسكندريه
ورد : هنا بس اول ما اخلص جامعه هروح اسكندريه
إسلام : لا ياحببتى انتى اول ماتخلصى جامعه هتكونى فى بيتى
ورد : بس اى
إسلام : ولا بس ولا مابسش ....قرب منها جدا وهمس فى ودنها تقبلى تتجوزينى ... وابتعد وقالها : اظن كده سمعتى ومش هتعرفى تتهربى من الموضوع
ورد ابتسمت من كلامو ومن همسو ليها بجمله كل البنات فى سنها بتحلم بيها وهى كابنت بطبيعتها بتحب الكلام الحلو من الجنس الأخر
فرح إسلام وافتكر ان ورد ابتسمت ووافقت وقال : السكوت علامه الرضا هااا
انطلقت ورد قائله : لا
إسلام : لا اى .... حرام عليكى هولع فى نفسى
ورد : إسلام والنبى استنى .... انا مقدره حبك ليا بس قدر ظروفى انا فعلا مش هقدر اجاوبك دلوقت خالص
إسلام : طب هتفكرى
ورد : اكيد هفكر
قام إسلام ومد ايده ل ورد عشان يقومها من على الارض ... قبلت ورد المساعده وقامت
ورد : امال صحيح فين مامتك
إسلام : امى دى بنت لزينه تلاقيها بتتصنت علينا
جت ام إسلام من وراهم وقالت بتوتر : انا يا إسلام بتصنت اخص عليك دى اخر تربيتى فيك
إسلام بص ل ورد وضحك وورد كما مقدرتش تمسك نفسها من الضحك
إسلام : لا ياست الكل باين باين .... انا كنت بهزر ... بس ازاى عرفتى انى قولت عليكى كده
ناديه متصنعه الغباء : ايه
إسلام متفهم تصنع امه قائلا : سمعتى كلامنا عليكى ازاى
ناديه بتوتر : ممممانا كنت جايه اجيب للغلبانه كوبايه عصير ليمون لحسن تهبط مننا
إسلام : هى فين
ناديه : هى مين
إسلام كوبايه الليمون
ناديه تقدمت تجاه إسلام وضربته ضربه خفيفه على راسه وقالتله : اتصدق انا معرفتش اربى
ورجع اسلام يضحك هو وورد وناديه
_____________________يتبع _______________
بقلم / ندا مصطفى عبد السلام