غرام العالم الاخر

البارت الرابع (4) غرام العالم الاخر

البارت الرابع

إسلام :انا اسف بس كنت بحاول اساعدك ...بس عارفه انا مش هسيبك هنا لوحدك بردو فى الوقت المتأخر ده .
ورد : انا اللى اسفه انا والله بس متعصبه وانت كنت قدامى ف انا اسفه .
إسلام : ولا يهمك ....المهم  اسمعينى كويس  انتى هتروحى تباتى عند أمى النهارده على الأقل ...أرجوكى وافقى ...ماهو انا مينفعش اشوفك كده وما أساعدكيش .
ورد : عند أمك وهو انت مش ساكن معاها فى نفس البيت .
إسلام : لا انا أمى وأبويا منفصلين وانا عايش مع بابا .
ورد : طيب موافقه ولاكن الصبح بعد ما اجى من الجامعه  هدور على بيت كده صغير واقعد فيه ....عشان مش هتبقا ظريفه يعنى يا إسلام وهحس انى تقيله على مامتك .
إسلام : هندور مع بعض .
ورد : طيب
إسلام : مع بعض
ابتسمت ورد وقالت : طيب ..طيب
.....
أخذ إسلام ورد إلى أمه وشرح لها الموضوع وأستقبلتها  أمه بمل حب وأحترام وعاملتها كأبنه لها ...وذهبت ورد لتريح جسدها واتكأت على السرير فوجدت هاتفها يرن ..فوحدت أن المتصل إسلام ..
إسلام  : السلام عليكم
ورد : وعليكم السلام
إسلام : انتى بخير يا ورد
ضحكت ورد وقالت : مالك يابنى انا بخير اى خايف عليا ليه هى أمك هتاكلنى  ولا السرير هيبلعنى
إسلام : لا لا بس كنت بطمن عليكى
ورد : شكر يا سمسم انا بخير
إسلام : يا ايه ؟!
ورد : اى ايه ؟
إسلام : انتى قولتى دلوقتى شكرا يا ايه ؟
ورد : أمشى يا تافهه
إسلام  : يا ايه....؟
ورد : يا ثمثم ههههههه
إسلام : ايوه هى دى الضحكه اللى انا عايز اشوفها مرسومه على شفايفك دايما
ورد : إسلام
إسلام : نعم
ورد : شكرا ...شكرا بجد لأنى مش عارفه كنت هعمل اى من غير مساعدتك دى   انا بتمنى فعلا أنك تبقى صديقى مدى الحياه
إسلام : ونعيش سوا تحت سقف واحد
ورد : ايه ؟!
إسلام : بهزر معاكى يا ورد ....طيب روحى ارتاحى انتى دلوقتى وهعدى عليكى الصبح اخدك ونروح الجامعه مع بعض
ورد : ماشى
إسلام : باى
ورد : اسمها السلام عليكم ولا انت بتبقى محترم فى أول المكالمه بس
إسلام : هههه ماشى ياختى السلام عليكم
ورد : وعليكم السلام
وذهبت ورد لترتاح ولاكن وجدت من يعيد الاتصال بها ولاكن هذه المره كانت أختها هناء
ورد : الووو..
هناء : هههه اى ياورد متخيلع شكلك دلوقتىوأنتى نايمه فى الشارع زى الكلاب ..لا لا ده الكلاب عندها بيوت تعيش فيها
ورد : انتى ليه كده أنا بحبك زى أختى بالظبط أنتى ليه مش معتبرانى أختك  ليه فاكره ان كل همى فلوس...على فكره انا لو خيرونى بين الفلوس وأنتو أكيد هختاركو أنتو ادأنا مبيفرقش معايا فلوس
هناء : شابوه ليكى بجد ليه دخلتيش فى فن التمثيل أصل أنتى شاطره اوى وعلى العموم حتى لو بتحبينا ف أحنا مش بنحبك
ورد وقد بدأت بالبكاء واغلقت الخط ومن ثم أتصلت ب نادر
ورد :الوو
نادر : الو ورد انتى فين ...لنتى كويسه
ورد : انا بخير يا نادر الحمد لله بس انا عايزه اسألك سؤال ...هو انا وحشه للدرجادى
نادر : لا طبعا يا ورد فيه اى
ورد : طب اى اللى حصل لكل ده وهو انت مش بتحبنى زيهم ؟

.....يتبع ......
ياترى رد نادر هيكون أى
وورد هتعمل اى وهتفضل قاعده عند أم إسلام ولا هتمشى