هههههههههه اتصدقى ياورد انتى ضحكتينى قال امشى واسيب البيت لا مش انا اللى همشى انتى اللى هتمشى ......يلا امشى معدش ليكى مكان وسطينا
"وهنا خرج هناء ونادر من غرفتيهما .......وضحكت هناء ضحكه خبيثه وقالت لورد "
هناء : هو انا مش قلتلك ان احنا مش عايزينك ومبنحبكيش امشى بقا امشى ياااااا صغيره ههههههههه
"وكان نادر ينظر لاخته بشفقه فهو يحبها ولاكن لا يقدر على الكلام لأنها مؤامره من أمه و أخته على ورد .
امسكت ورد الحقيبه وانصرفت فهى لديها كرامه وعزه نفس وقبل ان تذهب ذهبت اللى نادر وانحنت له وجلست على ركبتيها وامسكت بنادر وطبعت على خده قبله صغيره وضمته اللى صدرها وهى تبكى وهو بدأ ايضا البكاء "
نادر : متمشيش يا اختى انا بحبك .....ارجوكى متمشيش .....مين بعدك هيهتم بيا ......مين هيخرج معايا ..... مين هيعملى الأكل اللى بحبه .......مين بعدك هيهتم بمذاكرتى
ورد : لا متعيطش بس انا هبقا اجي ازورك واخدك ونخرج ونعمل اللى انت عايزه بس متزعلش
" ارادت ورد اعطاء نادر تذكارحتى لا ينساها لأنها ليست واثقه من انها سوف تقدر على زيارته كما وعدته ولاكن ماذا تعطيه .....؟
ورد : نادر انا هديك حاجه غاليه على قلبى يمكن ماتكون تقدر تستخدمها بس هى فعلا غاليه عليا قووى
" وقامت بحمل حقيبتها واخرجت منها الألماسه اللتى وجدتها عند الشاطئ واعطتها اللى نادر
نادر : اى ده يا ورد ؟
ورد : اه يا نادر هى خرزه صغيره بس هى بالنسبالى البحر مديهالى هديه
نادر : شكرا يا وردتى
ورد : خلى بالك من نفسك يا نادر ، واهتم بمذاكرتك هااا ، يلا بحبك ....باااى
نادر :حاضر .....بحبك
" وقد ذهب نادر اللى غرفته وهو يبكى "
" انصرفت ورد دون ان تودع زوجه ابيها وهناء وذهبت اللى البحر وظلت تبكى وتتحدث الي البحر وكأنه شخص جالس يستمع لما يقوله ومن ثم شعرت بأحد خلفها فشعرت بالخوف وقبل ان تلتفت خلفها وجدت شخصا ما قد جلس بجانبها وقال لها "
الشخص : لا انا دلوقتى مصر انك تحكيلى مالك وفى اى وبتعيطى ليه انا سبتك الصبح عشان عارف انك مش هتحكيلى حاجه بس دلوقتى انا مصر جدا انك تحكيلى عشان حالتك مش كويسه والوقت متأخر وانتى قاعده لوحدك هنا فى الضلمه ده
"بكت ورد وظلت تبكى
اسلام : ارجوكى ياورد انا مبحبش اشوفك بتعيطى بحس بضيق وخنقه ارجوكى احكيلى طيب وانا هساعدك
" قصت ورد لأسلام ما حدث من زوجه ابيها واختها هناء
اسلام : اى ده هما ازاى كده .....طب ما ترفعى قضيه عليهم
ورد : مقدرش اولا مش معايا فلوس للمحاميين وكده وثانيا البيت مكتوب بأسمهم ومن حقهم يقعدو في اللى عيزينو ويمشو اللي عايزينو
اسلام : انتى دلوقتى ملكيش حد غير ربنا وانا...... بقولك اى ما تيجى معايا
ورد : نعم ....انت بتقول اى واجى معاك فين
اسلام : تعالى معايا بيتى
ورد : لا ده انت بتهزر بقا انت بتقول اى يا اسلام
اسلام : لا مابهزرش يا ورد هتروحى فين يعنى تعالى باتى معايا فى البيت وليكى اوضتك لوحدك واقفليها ياستى من جوه ولما يصبح الصبح هنروح ندورلك على مكان تباتى فيه ....ها قولتى اى
ورد : لا شكرا جدا على المساعده
اسلام : اى ده انتى شكلك مش واثقه فيا
ورد : اسلام انت بتدخل فى حياتى لى اصلا امشى وسيبنى لوحدى لو سمحتى
" وقف اسلام مندهشا من رده فعلها "
اسلام : انا اسف انا بس كنت بحاول اساعدك بس عارفه انا مش هسيبك هنا لوحدك بردو فى الوقت المتأخر ده
ورد : انا اللى اسفه انا والله بس متعصبه وانت اللى كنت قدامى ف انا اسفه
يتبع ــــــــــــــــــــــــ
ياترى اسلام هيعمل اى مع ورد وهيقنعها ازاى تبات عنده؟
توقعاتكو بقا
الدعم بليز لأنى مش بلاقى تعليقات ف بحس انى مش بعمل حاجه كده ومجهودى هيروح عالفاضى
بقلم /ندا مصطفى عبد السلام
أنت تقرأ
غرام العالم الاخر
Roman d'amourهى روايه جميله جدا بعنوان غرام العالم الاخر رومانسيه وفيها مغامره غامضه وشيقه وهتعجبكم
