غرام العالم الاخر

غرام العالم الأخر (٢٨)

(البارت الثامن والعشرون) غرام العالم الأخر
بقلم / ندا مصطفى عبد السلام
_______________
اعتدل حسين : مات مقتول !!😳
ورد : كريم وصفيه ومنى امى ....الثلاثه اشتركو فى قتله
حسين : الكلام ده خطير يا ورد انتى متأكده
ورد: ولو قلتلك ان هجيبلك دليل
حسين : شكلك بتتكلمى جد
ورد بجديه : معلش يا عمى حسين ...انا مش ههدى ولا يرتاحلى بال غير لما روح ابويا ترتاح ...ابويا بيجيلى كل يوم فى الحلم وعايزنى احرره من السجن اللى هو فيه ...عايز ياخد طاره
حسين : طب احكيلى واحده واحده اى اللى عرفتيه
بدأت ورد بالسرد له عن ما حدث فى هذه الليله المشئومه دى وكيف قتل والدها وكيف حرق عبد الله ابن عمها وهو حى
*********
نور : مش معقول بس ازاى يا ندا بعد كل السنين دى
ندا بأسى وحزن : بعد ما انت مت انا جاتلى حاله نفسيه وحاولت اهرب م البيت وجابونى بعدها حاولت انتحر كذا مره كانو بينقذونى لحد ما جه معاد جوازى ....ليلة دخلتى ....
نور بتركيز : سكتى ليه
ندا : كان اسوء يوم شوفتو فى حياتى منعتو عنى بكل الطرق وهو كان شارب وحالتو حاله فضل يقرب وانا ابعد يقرب وانا ابعد وفى لحظه ضربنى بالقلم ...للصراحه انا مكنتش قادره اتحمل موتك بسببه قمت قعدت اصرخ فيه واضربه وازقه لحد ما فضل يضرب فيا وكنت هموت فى ايده ...فضلت اصوت واصرخ واستنجد بأى حد مفيش ...اخدت تليفونى وجريت عالحمام واتصلت بأبويا ابويا قالى اتلمى وشوفى جوزك ده انتو مكملتوش ربع ساعه من خرجكو من قاعة الفرح وقفل ....فضل يزعق من برا وهددنى انو هيكسر الباب وبالفعل كسرو وشدنى من شعرى وفضل يضرب فيا لحد ما
نور : لحد ما موتى😣
ندا : لا
استغرب نور : امال اى
ندا : دخلت المستشفى فى ليلة دخلتى ....الدكتور قال عندها نزيف فى المخ وكسر فى الحوض ودراعها مكسور وطبعا غير الكدمات اللى من اثر الضرب فى وشى وعلى جسمى ....الدكتور طلب بفتح محضر وقال مين عمل فيها كده وجوزى طبعا مش هيفضح نفسه ...قال للدكتور انو كان فى الشغل ولما رجع لقانى واقعه فى الارض فجابنى هنا .....الدكتور قال خلاص لما تفوق احنا هنعرف اى اللى حصل منها ومين عمل كده لقيت جوزى دخلى وقعد جمبى ومسك ايدى وبدأ يهمس مع الممرضه وبعدين الممرضه حقنت المحلول وبعدين جيت هنا لما عرفت ظروف المكان وعرفت ان هنا موجود كل مظلوم حسيت انك هنا وفضلت ادور عليك كتير وانت عارف ان المكان كبير هنا زي الارض بالظبت فى بلاد واماكن كتير ....قابلت عمو فاروق ابو ورد وحكيتله حكايتى فقالى انو يعرفك وجابنى هنا
نور : انا اسف 😣
ندا : اسف عشان اى
نور : عشان حصلك ده بسببى مقدرتش اوفى بوعدى ليكى واتجوزك مقدرتش احافظ عليكى بس صدقينى مكنش ينفع خالص اهرب انا وانتى كنت خايف من كلام الناس عليكى
ندا : انا مش مصدقه ...بعد كل الكلام ده يعنى مازلت بتحبنى ...طب قلبك دق لغيرى ليه فى غيابى
شعر نور بغصه فى قلبه ولم يعرف الرد المناسب
ندا : ساكت ليه طب دق ليه وانت حلفت ماتحبش غيرى .....ده انا من ساعت ماجيت هنا وانا مبطلتش ادور عليك عشان مبطلتش احبك
نور : اسف اسف غصب عنى ...بس صدقينى انا نهيت كل شئ مكناش هنبقى مع بعض اصلا واظن انتى عارفه ليه ....عشان هى بشر هى لسه حيه
ندا بدموع : ولو كانت واحده مننا كنت هتكمل معاها صح ....متكدبش انت حبيتها ونسيتنى
اسرع نور قائلا : انا عمرى مانسيتك ....انا كل يوم فاكرك وقلبى اتفتح من تانى لما اتذكرتك وحكيت لورد عنك بس هى كانت جمبى وكمان فتحت قلبى من تانى غير كده لا ياورد انا مبحبهاش
ضحكت ندا وقالت : انا اسمى ندا مش ورد ووقفت وفتحت الباب وانسحبت فى هدوء
نور بغباء مما قال : ندا والله اسف والله انتى حبى الأول والأخير
******************
**بقلم/ندا مصطفى عبد السلام**
*****************
على : اى حبيبى وحشتنى
مريم : وانت كمان
على : وانا كمان اى
مريم : وانت كمان وحشتنى
على : بحبك
مريم : بحبك
على : طيب صالحتى ورد
مريم : لا لسه
على : وبعدين معاكى
مريم : ورايا شويه حجات هخلصها واتصل بيها
على : طيب يابنت قلبى سلام
مريم : سلام
*************
**بقلم / ندا مصطفى عبد السلام**